【日本新女神】（多圖）今田美櫻「福岡第一美女」｜日劇《花過天晴》超亮眼新星
廣告
【注目美女】今季日劇實在令人目不暇給，特別係《花過天晴》！除咗頭幾集有搞到Twitter死機嘅道明寺司同花澤類出場之外，一眾年輕演員都非常亮眼！飾演C5唯一一位女成員，真矢愛莉嘅演員，今田美櫻更係超注目添呀！一齊嚟認識一下呢位「福岡第一美女」！
撰文：Carmen｜圖片來源：《花のち晴れ》劇集截圖、今田美桜Official Web、今田美櫻official instagram account、網絡
「福岡第一美女」－今田美櫻
今田美櫻於1997年3月5日，日本福岡縣出生，今年21歲，為BIGFACE所屬。
身高157cm，上圍達至E cup！而且小臉大眼，又靚又可愛！
但佢天使外貌底下，鍾意嘅嘢卻意外地「男仔頭」！今田美櫻嘅興趣，居然係殺陣、動作片打鬥動作、騎馬⋯一邊覺得好貴族，一邊又覺得好有型！
學習語言都係今田美櫻嘅興趣之一，佢仲話正在學中文！
今田喺16歲，高中2年級時喺福岡畀星探發掘，呢幾年就移藉到現時事務所，喺東京發展藝能事業。
至於現時熱播中嘅《花樣男子》續篇，《花過天晴》中，由今田飾演嘅真矢愛莉，更獲得漫畫原作者神尾葉子老師大讚可愛！
