即日來回東京
即日來回東京

即日來回東京 ,然後呢? @杜遊珍

博客

廣告

旅遊界打滾多年既阿珍,聽唔少工作以外即興遊埠既瀟灑案例,譬如「 心血來潮飛轉新加坡因為掛住胡椒蟹 」、「 戚起條筋即飛 台北探朋友兼打邊爐 」、「 兜轉去東京拜會米芝蓮大廚 」……以前呢啲故仔,只會發生係輕易換到機票既航空同業、水貨姐妹又或者加多利山富貴朋友身上,不過多得廉航加上外幣紙水低,近月網上出現「 即日來回慳家遊東京 」素人攻略,仲好似好受歡迎,令阿珍大開眼界!

假設題 :「 如果畀你撲到一張連稅唔使三百蚊嘅機票,不過只能 即日來回東京 ,你會唔會飛?」資深行家第一反應就係 :「 你叫我即日來回澳門都嫌啦!咪搞!」反而廿歲出頭既朋友仔躍躍欲試,覺得只要有 wifi 傍身就無有怕、好過屈係屋企 ……

青春既生命果然係用黎燃燒,其實理性分析都知道,「 即日遊 」行程好玩極有限,不過若能以此博收視、炒作話題包裝自己做個旅遊達人,亦不失為上位之路!阿珍睇過幾篇台灣網友同香港網友「真人示範」既日歸東京遊記,說穿了「 為慳而慳 」都只係一場聰明 Marketing、行程貼士鉅細無遺才是追看重點,拆散黎睇一樣有參考價值!

東京人都識!「 日歸 」玩香港!