小圈子的夢幻白色宴會@Zenobeebee

博客

廣告

很久很久以前,我跟巴黎的朋友們已常嚷著要去參加 Dîner en Blanc,不過,就是因為一直以來都沒有認識到能掌握呢場極小圈子的宴會 insider,這件事就一直很沒出色地只停留在「 想去 」的階段。

皇天不負有心人!呢件事,終於有啲眉目喇!我個 Facebook 上面有 Friend 去咗喇!說不定我可以主動啲叫那個朋友下年邀請我去。嘻嘻!

6月11日周四的晚上就是第27屆、人人都好恨去的巴黎 Pop-up 街頭晚宴 Dîner en Blanc。Blanc 即白色,顧名思義這活動的Dress code就當然要係白色,除了由頭到腳都要穿白之外,當晚場地所有桌椅、布 置都是清一色 en blanc。呢件咁 Dream 的事由始至 終、廿幾年嚟都沒做過半點的宣傳,靠的就只是 inside circle 的人私下邀請好朋友出席,口耳相傳,場地更是非常絕密地在最後一刻才悄悄公布的( 每年的地點不同,據說通常在古蹟旁,過往曾在鐵塔下、聖母院旁舉行 ),你說啊,無個線人根本就沒可能成事!

叮噹叮噹!就像童話故事一樣,被邀請來參加白色宴會的人士都穿戴漂亮的準時來臨,今年新聞報道有成萬三人來參加 Dîner en Blanc 這場 Chic picnic,而地點則在巴黎市內人來人往、皇室味極重的 Tuileries 杜樂麗花園。竟然可以在羅浮宮旁邊開餐,呢班法國人實在太過分了!

雖然細看朋友的照片,發現根本就像平日塞納河邊的野餐:自己買好攜來一瓶瓶的白酒、紅酒、家裡預先準備好的沙拉(連同家裡的沙拉盆子)、數條 Baguette、芝士、火腿⋯⋯平凡的野餐食品,但!當一萬三千人一起裝模作樣的去野餐,這場面實在是壯觀,吃麵包都 Keep 住咁 Elegant,巴黎人,是名不虛傳的。

回過神來,看清楚照片裡那張臉孔,想準備收買朋友為下年 Dîner en Blanc 搭路,不是吧!睇真啲,是我在巴黎唸書個校長個仔?!雖則我好恨去華麗野餐,但 ⋯⋯校長個仔實際上同我都只是一兩面之緣,我面 皮再厚,都問唔出:「喂!你下年可唔可以約我啊?」

最後,我只是夠膽問他借相來寫這篇文章跟大家分享一下。
延伸閱讀
賺錢 留一線 @Zenobeebee