澳門小旅行 必備 7大食、住、玩優惠
澳門小旅行 必備 7大食、住、玩優惠

澳門小旅行 必備 7大食、住、玩優惠

(Presented by Mastercard)

我Jetso文weekend都會近近哋去澳門小旅行,玩番兩日,但大家都知澳門有時使費都唔平,所以我每次去都會check下有咩信用卡有優惠,使錢都要使得精明啲㗎嘛!我嚟緊又去澳門喇,搵到著數都唔可以自私用嘅,今次就推介用Mastercard,因為食、住、玩都有唔少優惠,等我分享7大優惠畀大家知啦~

澳門小旅行 盡享7大優惠

船飛

1/頭等船飛高達7折

去澳門最緊要係咩?梗係船飛啦,而家用Mastercard買金光飛航頭等船飛就有高達7折優惠!金光飛航班次夠密,而且航線會往返澳門、氹仔、香港、九龍同香港國際機場,之前我都坐過,頭等啲位夠寬闊又坐得舒服,通常去澳門我都揀佢!

優惠期:由即日至2018年12月31日

酒店

用Mastercard訂澳門威尼斯人、澳門巴黎人酒店、澳門金沙城中心康萊德酒店同澳門金沙酒店住宿連早餐套票有85折優惠:

2/澳門威尼斯人85折優惠

去澳門梗要歎番間靚酒店啦,之前去澳門,我就鍾意住澳門威尼斯人,因為出面已經夠晒靚,入到去都差啲唔記得自己喺澳門~香港人平時做嘢咁大壓力,過去放鬆下就啱晒,加上佢哋啲房好大間,張床又舒服,仲有唔少演唱會或者表演睇,所以係我嘅頭號心水,用Mastercard訂住宿連早餐套票有85折優惠。

優惠期:由即日至2018年6月29日

3/澳門巴黎人85折優惠

澳門巴黎人開咗一段時間我都未住過,所以佢係我今次嘅目標,就算唔出去玩,留喺酒店游下水,hea下都唔錯~!入面除咗有泳池、餐廳呢啲基本嘢之外,仲有巴黎人劇場、麗舍水療中心、Q立方王國等等,最搶眼梗係個「巴黎鐵塔」啦,每晚仲會有燈光匯演,唔好錯過呀,呢個用Mastercard都一樣有85折優惠!

優惠期:由即日至2018年6月29日

玩樂

用Mastercard訂澳門巴黎人「水世界」、「Q立方王國」、「澳門巴黎鐵塔」、澳門威尼斯人「歷險Q立方」門票享8折優惠:

4/澳門巴黎人「水世界」門票8折優惠

天氣開始熱,又係玩水嘅時候,既然今次住澳門巴黎人,一於去玩埋佢個「水世界」!佢個水上主題公園,有三大水上娛樂區,除咗有12米高的滑水道之外,仲有兒童水滑梯、咖啡室等設施,大人細路都啱玩,用Mastercard買「水世界」門票都有8折優惠。

優惠期:由即日至2018年6月29日

去澳門點少得食自助餐?而家去澳門巴黎人酒店的—巴黎人自助餐、澳門金沙城中心康萊德酒店—奧旋、澳門威尼斯人酒店—渢竹、澳門金沙酒店—888享用自助餐,用Mastercard第二位尊享半價優惠:

5/威尼斯人酒店—渢竹

另一間就係位於威尼斯人酒店嘅渢竹,不論自助午餐定自助晚餐都有唔少亞洲美食,有海鮮、壽司同刺身等,選擇都唔錯。而用Mastercard於「渢竹自助餐」享用自助午餐或自助晚餐,第二位都係一樣有半價優惠,呢個優惠真係抵上加抵。

優惠期:由即日至2018年6月29日

6/金沙城中心康萊德酒店—奧旋

澳門自助餐出名CP值高,今次我都mark定兩個餐廳。第一間就係澳門金沙城中心康萊德酒店嘅奧旋,因為之前有朋友食完大讚,今次又點可以唔去試呢?自助餐有中國、巴西、印度、泰國同馬來西亞等多國美食,而且現場仲有唔少即煮攤位。而家憑Mastercard享用自助午餐或自助晚餐,第二位仲有半價。

優惠期:由即日至2018年6月29日

7/澳門英記餅家

去得澳門都要買啲手信返香港,澳門英記餅家開業90年,係澳門最老牌餅家之一,唔少人去澳門都係買佢做手信!而且種類眾多,包括花生脆糖、杏仁餅、肉乾等。用Mastercard喺澳門英記餅家以正價購物滿MOP150即有85折優惠,買返香港就啱晒啦~

優惠期:由即日至2019年3月31日

了解更多:www.mastercard.com.hk/bestofmacau

優惠受條款及細則約束

最新吃喝玩樂資訊