不斷更新!散場必讀!《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集!
不斷更新!散場必讀!《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集!

不斷更新!散場必讀!《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集!

復仇者聯盟3:無限之戰(Avengers: Infinity War)》終於全球公映,喺香港首日收1,037萬、創香港史上開畫票房紀錄!雖然導演出晒聲明希望大家唔好劇透爆彩蛋,仲狂推 Hashtag 表示「 #ThanosDemandsYourSilence 」( #滅霸要你安靜 )不過電影既然已經上咗畫,睇完戲吹水數下彩蛋其實就好自然,所以我哋決定開Post收集不同程度嘅劇情討論FAQ,睇過可以入嚟、未睇又唔想破壞觀影經驗的你,就請勿內進!

撰文:對白Cap圖王|圖片:劇照|編輯:素岐@Central

MARVEL 發布《Avengers: Infinity War》「劇透死全家(Say No to Spoilers)」最新彩蛋預告:

唔好話冇提醒大家啊!「劇透、彩蛋」只供已經入場但記性唔好嘅巴打回味欣賞!你唔碌落去無人迫你睇呀:

呢一集《復仇者聯盟3:無限之戰》(Avengers: Infinity War),集合了史上最多超級英雄一次過晒冷,與終極反派「滅霸」(Thanos)首次正面交鋒,絕對是今年期待度No.1的電影!
呢一集《復仇者聯盟3:無限之戰》(Avengers: Infinity War),集合了史上最多超級英雄一次過晒冷,與終極反派「滅霸」(Thanos)首次正面交鋒,絕對是今年期待度No.1的電影!

復仇者聯盟3:無限之戰

以下開始準備劇透啦!!!!

方便巴打討論劇情,想傾番今集彩蛋、邊幾個角色死咗、戲入點死,直接睇最尾 FAQ11 》

低級劇透(不含劇情彩蛋)FAQ

Q1 | 套戲有幾長?

149 分鐘! 睇埋廣告及片尾彩蛋接近兩個半小時!記得屙淨尿先好入場!
據報不同場次都有急尿觀眾行出行入,如果想搵小便位,建議你喺銀河守護隊初出場未遇到障礙物時先去屙尿,損失會比較少!

Marvel 復仇者3 彩蛋
Marvel十周年大平賣,網上有資訊顯示片長2 小時 40 分鐘(香港戲院網站澄清咗應為 149 分鐘係),小朋友入場前真係唔好灌咁多水畀佢飲!

Q2 |應唔應該睇 3D 版?

今集有好多大戰場面(比Civil War起碼打多四場!),若你追求體驗有如置身於現場的感覺,推介大家搵間音響好啲嘅戲院,相信會震撼得多。

復仇者 3 彩蛋
唔係彩蛋: 呢一幕兩個Sherlock合作抗敵,變形俠醫企埋一邊⋯⋯

Q3 | 有冇 End Credits 片尾彩蛋?

係有嘅!End Credits 彩蛋只有一條影片,唔算好長,要等所有工作人員字幕出晒先至睇到!記得坐到尾,不過中間可以小個便先!(入咗場嘅你如果唔記得睇片尾彩蛋,不妨留意下面文字描述⋯⋯)

套戲有十九幾個角色,近3小時劇情不斷穿插各場戰鬥,以搜集寶石為主要脈絡。
套戲有十九幾個角色,近3小時劇情不斷穿插各場戰鬥,以搜集寶石為主要脈絡。

Q4 | Stan Lee有冇客串 ?

無咗 Stan Lee 就唔係Marvel啦!至於喺邊一場,就唔講住,反正今次無《雷神3》咁驚喜,普通亂入咋!

被稱為「Marvel之父」的Stan Lee在每齣超級英雄電影中都會客串一角,在《雷神3》飾演「外太空理髮師」親自幫雷神削髮,最令觀眾驚喜!
被稱為「Marvel之父」的Stan Lee在每齣超級英雄電影中都會客串一角,在《雷神3》飾演「外太空理髮師」親自幫雷神削髮,最令觀眾驚喜!

Q5 | 《復仇者聯盟4》幾時上?

暫定係2019年5月3日!想睇《復仇者聯盟4》如何打殘 Thanos 起碼等一年!不過第4集大部分拍攝已經完成,說不定會好似 《復仇者3》咁提前上映!( 本來排喺今年5月上畫,結果提早咗個幾星期!)

Q6 | 《復仇者聯盟4》會叫咩名?

未知!睇完第 3 集《 Infinity War 》,片尾彩蛋都無公布第4集戲嘅戲名!
導演曾經預告 「第 4 集戲名勁到爆炸 」!又由於盛傳第4集將會有穿梭時空、扭轉今集戰局的劇情,有網民戲稱「可能叫做《 Avengers 4 : Back to the Future 》!」

根據 Marvel 嘅部署,未命名嘅《復仇者4》先至係「Phase 3」大結局,大家唔好以為咁快完!
根據 Marvel 嘅部署,未命名嘅《復仇者4》先至係「Phase 3」大結局,大家唔好以為咁快完!

Q7 | 好攰呀!喺《復仇者聯盟3》同《復仇者聯盟4》之間仲有咩戲?

2018年7月將會有《蟻俠2 》 ⋯⋯

2019年3月8日婦女節上映《Captain Marvel 》⋯⋯

2019年5月3日《復仇者聯盟4》! 不斷更新!散場必讀!《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集!一望佢個心口,有入場睇到尾你就知咩事⋯⋯

Q8 |《蟻俠2 》到底發生喺Infinity War之前定之後?

粉絲盛傳消失咗嘅「鷹眼」將會喺《蟻俠 2 黃蜂女現身(Ant-Man and the Wasp)》客串,不過導演就否認,到底邊個fake邊個都好難預料!
粉絲盛傳消失咗嘅「鷹眼」將會喺《蟻俠 2 黃蜂女現身(Ant-Man and the Wasp)》客串,不過導演就否認,到底邊個fake邊個都好難預料!

《蟻俠2 》預告早在《Infinity War》上映前已推出,劇情主要係交代 Antman 在 美國隊長 幫忙逃獄後回到家中,卻再度淪為逃犯、帶上電子腳鐐,居家監禁,眼看刑期終於快服滿,彭博士和可兒「黃蜂女」又帶著危急的任務找上門,Antman 再次穿上蟻俠裝束打擊黑暗勢力⋯⋯估計彩蛋將會遇上《Infinity War 》的毁滅性結局!

Q9 | 今集有冇景甜?

香港版係無嘅,大陸版就唔知。

景甜出現喺大陸惡搞海報
景甜出現喺大陸惡搞海報
有大陸網民表示見到景甜打死Thanos,仲拒絕用美國隊長嘅盾!
有大陸網民表示見到景甜打死Thanos,仲拒絕用美國隊長嘅盾!

Q10 |《驚奇女俠》到底係咩人?《Captain Marvel》會講啲乜?

作為漫威首位女英雄,《Captain Marvel》會交代佢嘅身世,時空背景將設定於 90 年代,「粗口達人」Samuel L. Jackson飾演嘅神盾局領導人 Nick Fury 都會參演,盛傳電影會交代 Nick 如何變單眼佬!

Marvel Studios 曾經在 2017 年流出 Captain Marvel 參戰的概念圖!
Marvel Studios 曾經在 2017 年流出 Captain Marvel 參戰的概念圖!

講番《Captain Marvel》本人,根據漫畫係「超級屈機」角色,設定相當於「Marvel的神奇女俠」!唔止識飛天穿梭宇宙咁簡單,因為繼承咗外星人 Kree 族的能力,擁有超人的力量、速度、耐力、防禦力、感官和恢復力!有傳佢喺電影尾段會離開地球,所以MCU嘅世界呢十年嚟都唔見佢嘅蹤影,直至⋯⋯

警告:未睇唔好碌落去!

未睇唔好碌落去!

未睇唔好碌落去!(重要所以要講3次)

超級劇透 散場必問FAQ

Q11 | 今集 End Credits 片尾彩蛋講啲乜 ?

話說片尾講到 Thanos 滅霸得逞,Avengers死得人多,神盾局長搵唔到 Tony Stark,發現情況危急,口頭指揮手下搵鷹眼幫手嘅同時,自己撳機搵幫手,對白無交代佢搵邊個,但部 call 機就顯示咗下一個女英雄 「 Captain Marvel」嘅 logo 出嚟,又要睇多套獨立角色電影,問你怕未?!

網上流出呢個片尾彩蛋畫面,Nick Fury搵女人幫手,又要睇多套獨立角色電影,問你死未?!
網上流出呢個片尾彩蛋畫面,Nick Fury搵女人幫手,又要睇多套獨立角色電影,問你死未?!

Q12 | 今集邊個會死?

戲入面死得人多,早前已經喺討論區有人放雷,發布死人名單:「Loki、黑豹、女巫、幻視、樹人、Dr.Strange、蜘蛛俠、局長,局長助手、星爵、嘉魔娜Gamora、螳螂女、德克斯Drax⋯⋯成個銀河守護隊死淨Rocket 浣熊!!」以上名單都幾準確。

角色身亡其實分兩種,包括「Thanos 親手加害」、儲齊寶石後受Thanos詛咒「隨機化灰」,以上「 死亡圖表」計落還欠了開場第一身亡的 Loki 以及彩虹橋守衛 Heimdall .... RIP
角色身亡其實分兩種,包括「Thanos 親手加害」、儲齊寶石後受Thanos詛咒「隨機化灰」,以上「 死亡圖表」計落還欠了開場第一身亡的 Loki 以及彩虹橋守衛 Heimdall …. RIP

Q13 | 今集 Avengers入面邊個未死?!

今集 Iron Man 出場時,同佢 Pepper Potts 講,話自己發夢有個仔!點知結局目擊戰友灰飛煙滅,比死更難受!
今集 Iron Man 出場時,同佢 Pepper Potts 講,話自己發夢有個仔!點知結局目擊戰友灰飛煙滅,比死更難受!

之前盛傳戰死的 Iron Man 同美國隊長,到最後竟然無死!有眼利Fans發現,電影世界的「第一代Avengers」全部無喺Thanos魔咒下化灰,全部生勾勾,不過 Iron Man 同 Captain 今集完全未碰面!基情仲有下文!

心水清網友留意到,首集於Avengers「紐約大戰」中曾參戰的英雄全部幸免於Thanos 的 「隨機殺人 」!
心水清網友留意到,首集於Avengers「紐約大戰」中曾參戰的英雄全部幸免於Thanos 的 「隨機殺人 」!

Q14 | 鷹眼死咗去邊?!

只係有對白交代佢喺 Civil War 之後為咗家人而匿埋咗,同蟻俠一樣,今集無出過場!

Q15 | 邊個死得最先最轟烈?

電影序幕無耐、戲名都未出,Loki就已遭 Thanos 滅霸徒手錬死!邪神 Loki 為保雷神而獻上宇宙魔方(藍色空間寶石)講出復仇者名句「We have a Hulk」之後仲徒手刺殺Thanos,可惜功敗垂成,Thanos錬死洛基後,仲講到明「今次無得復活」!唔怪得Loki宣傳時留晒鬚!終於可以拍第二啲造型嘅戲!

預告片將 Loki 擺埋奸角組合Black Order一邊,原來只係掩眼法!經歷咗《雷神3》嘅戰役,Loki已經完全洗白⋯⋯有網上評論馬後炮式認為,由那時開始洛基已經失去亦正亦邪的魅力⋯⋯
預告片將 Loki 擺埋奸角組合Black Order一邊,原來只係掩眼法!經歷咗《雷神3》嘅戰役,Loki已經完全洗白⋯⋯有網上評論馬後炮式認為,由那時開始洛基已經失去亦正亦邪的魅力⋯⋯

Q16 | 邊個嘅死令人最心噏?

早在 2017年,網上已有 Fans 文字描述 Peter Parker 攤喺地下呢一幕....無人估到結局原來更慘。
早在 2017年,網上已有 Fans 文字描述 Peter Parker 攤喺地下呢一幕….無人估到結局原來更慘。

早在 2017 年中嘅ComicCon,Marvel的「秘密預告片」已經向忠實Fans流出蜘蛛仔對 Iron Man 道歉一幕,不過其後所有宣傳都刪走這一幕,結果亦成為電影中令人動容一幕,一直想保護蜘蛛仔嘅 Tony 眼見佢化灰,萬分內疚!

有參透世事嘅巴打表示,Marvel絕對唔會畀蜘蛛仔死,下集佢同 Doctor Strange一定返嚟!
有參透世事嘅巴打表示,Marvel絕對唔會畀蜘蛛仔死,下集佢同 Doctor Strange一定返嚟!

Q17 | Thanos 滅霸有冇儲齊 6 粒寶石?

有!今集一次搞掂!然後一啪手指,半個宇宙果然會死晒!

Q18 | 電影入面儲齊 6 粒寶石嘅搜集次序係⋯⋯?

按次序為「紫》藍》紅》橙》綠》黃」,即是:
1.「力量寶石」(由 Thanos 於 Xandar 星球被搶走 – 電影無交代)〉
2.「空間寶石」(由 Loki 為救 Thor 奉獻 )〉
3.「現實寶石」(由 Thanos於收藏家手上搶走,順手搶走埋養女 Gamora)〉

4.「靈魂寶石」( 詳見 Q19 )〉
5.「時間寶石」(由 Doctor Strange 為救 Iron Man奉獻 )〉
6.「心靈寶石」(由 Vision 額頭割出嚟!)

電影鋪排10年 ,但喺呢套戲入面,大約一日時間就儲齊6粒,終極大佬做起嘢上嚟效率幾高!
電影鋪排10年 ,但喺呢套戲入面,大約一日時間就儲齊6粒,終極大佬做起嘢上嚟效率幾高!

Q19 | 「靈魂寶石」喺邊個手上?

之前十幾套戲都無交代過嗰粒橙色嘢 —— 靈魂寶石(Soul Stone )原來收埋喺一個唔知咩星球,Thanos 滅霸養女嘉魔娜Gamora為咗唔想Thanos統一宇宙,所以將藏寶圖燒咗,但最後Gamora都係因為衰心軟同救細妹Nebula而爆料;由於「靈魂寶石」要用「一命換一命」的去換取,向來被全宇宙視為無情的Thanos ,竟然流住眼淚將嘉魔娜Gamora推落山崖!

不斷更新!散場必讀!《復仇者聯盟3》劇透、彩蛋、死亡名單、Captain Marvel 續集上映時序 FAQ 大合集!

Q20 | 「靈魂寶石」竟然由呢個舊角色守護?

第一集《美國隊長》的奸角 Red Skull 向來是漫畫中人氣超強的奸角 級角色,但自第一集CA無厘頭畀「宇宙魔方」吸走後去向不明,來到 Infinity War 才揭曉原來未死,吸咗去收藏「靈魂寶石」嘅異域,喺今集無乜表現,到底Gamora攤喺山崖底下嘅死屍是否真死,今集亦無特別說明!

《美國隊長1》 Red Skull Hugo Weaving
喺《美國隊長1》飾演奸角 Red Skull 的演員 Hugo Weaving 完全不在演員宣傳列表,畢竟角色已經完全CG化,聲都變埋!據報今次已經換上《Walking Dead》的1米8男星 Ross Marquand,真係換咗人都唔覺!

Q21 | Thanos 最後去咗「菲律賓」隱居?!

「毁滅半個宇宙,然後呢?」電影入面 Thanos 同奇異博士講佢會搵個地方唞下、好好欣賞宇宙對佢嘅感恩之情,退隱歸田這一幕,原來也是參考了漫畫原著。
「毁滅半個宇宙,然後呢?」電影入面 Thanos 同奇異博士講佢會搵個地方唞下、好好欣賞宇宙對佢嘅感恩之情,退隱歸田這一幕,原來也是參考了漫畫原著。

電影最後,「完成大業」的 Thanos 現身一個不知名星球,於貌似農村小茅屋的建築,坐低欣賞日落,這一幕意念來自漫畫《Infinity Gauntlet》,講 Thanos 自我放逐去做農夫;戲入面的梯田風景,原來唔係CG,而係位於菲律賓北部的「巴拿威梯田(Banaue Rice Terraces)」,參與提供航拍片段的製作公司 Indochina Productions 近日更於 fb 出帖感謝參與的工作人員。不過劇情未有交代那是否 Thanos 家鄉,想知後續發展就要等《Avengers 4》了!

巴拿威梯田(Banaue Rice Terraces)係菲律賓著名世遺景點,飾演Thanos 的 Josh Brolin 並無親身前往,電影公司只係將風景拍攝外判,然後再用 CG 合成。
巴拿威梯田(Banaue Rice Terraces)係菲律賓著名世遺景點,飾演Thanos 的 Josh Brolin 並無親身前往,電影公司只係將風景拍攝外判,然後再用 CG 合成。

未完!save低呢個Post先!遲啲我哋再返嚟!

稍後重溫:有幾多預告片場面結果喺套戲係無!出!現!

預告入面,雷神取得戰斧後喺侏儒星怒轟呢一幕霸氣盡現,可惜電影院竟然睇唔到!
預告入面,雷神取得戰斧後喺侏儒星怒轟呢一幕霸氣盡現,可惜電影院竟然睇唔到!
首條長篇預告呢一幕「Avengers全員出動」明明有Hulk,但係有入戲院嘅巴打都發現,根本喺Wakanda大戰入面,綠巨人出唔到嚟!
首條長篇預告呢一幕「Avengers全員出動」明明有Hulk,但係有入戲院嘅巴打都發現,根本喺Wakanda大戰入面,綠巨人出唔到嚟!
復仇者聯盟3
預告片入面,Hulkbuster斬件運送的場面,喺電影中亦見唔到!反而見到 Bruce好鵪鶉咁向國王叩頭⋯⋯

最新吃喝玩樂資訊