【日本雜學】日本達人都未必知!5個超意外日文縮寫!

【日本雜學】日本人出名懶,所以唔單止生產極多針對性嘅專用產品,仲衍生咗好多短語。好似早兩年大熱嘅日劇,《逃避可恥但有用》略寫成《逃恥》,真係唔講都唔知代表咩!日本網民搜羅咗好幾個超日常使用短語,解釋番原本意思,結果令人超意外!

撰文:Carmen | 圖片來源:網絡

日常生活中盡是略語

平時講得多,以為嗰組字本來就係咁嘅意思,但諗深一層,到底點解會出現呢組字?係邊個諗出嚟嘅呢?日常生活中用得極自然嘅名詞,原來都係一組略詞!大家又知唔知成日用嘅詞有咩意思呢?

日常生活中盡是略語。

常見略詞例子

卡啦OK = 冇人聲演奏音樂(空オーケストラ)

源於音樂業界嘅略詞,係音樂人嘅俗語,指歌手於錄音或練習時所用嘅,僅有伴奏音樂嘅錄音帶。由日文「kara-orchestra」取「kara-oke」讀音翻譯而來。

卡啦OK示意圖・《多啦A夢》片段

食パン = 主食用麵包

日本人嘅造字,將主食用麵包(主食用のパン)略寫而成,目的係為咗同其他餡料麵包區別開。

主食用麵包。

Suica = Super Urban Intelligent Card

日本版八達通,港人俗稱嘅「西瓜卡」。既有「輕鬆爽快地前行」嘅意思,亦帶有「能在都市使用的方便智能卡」嘅意思。

日本智能交通卡Suica。

DHC = 大學(D)翻譯(H)中心(C)

大家都熟悉嘅,專賣健康食品嘅DHC,原來喺1972年嘅時候,係喺大學做外文書嘅翻譯!DHC就係取自當時翻譯中心嘅頭文字組成。

DHC:大学Da-i-ga-ku(D)、翻訳Ho-n-ya-ku(H)、センターCenter(C)

日本健康食品品牌DHC。

U.F.O. = 好味(U)、麵粗(F)、分量大(O)

日本常見嘅杯麵,一直以為係「宇宙級好食」咁上下意思嘅牌子名,原來……同宇宙或者UFO係冇任何關係嘅。

U.F.O. :うまいU-ma-i(U)、太いFu-to-i(F)、大きいo-o-ki(O)

日本U.F.O.杯麵
關鍵詞
日文

最新吃喝玩樂資訊