ETV
ETV

90後回憶精選!9個拍過ETV的明星 原來佢哋都有份

影視娛樂

廣告

一理通百理明」曾被網民改成「一理通馬國明」,對於一班90後來說都不會陌生,這句歌詞本來出自香港電台ETV數學科的片頭曲,當年不管上堂或放學時間,都一定會睇過ETV!香港電台為咗同大家一齊重溫當年回憶,製作緊《我們都是看ETV長大的》,以下9位藝人都有拍過教育電視,唔知大家又認唔認得出佢哋呢?

撰文:東方新地、Cherry@Central|圖片:香港電台Facebook、Instagram、新傳媒

我們都是看ETV長大的

港台正在籌備緊《我們都是看ETV長大的》節目,喺facebook推出了一系列嘅投票活動,包括ETV一哥一姐、最耐人尋味的橋段和最ETV的場景等等,每條合集真係愈睇愈多眼淚,係青春呀~係回憶呀~

教育電視(ETV)真係唔少人的集體回憶,小編就最記得「一理通『馬國明』 明白了計算可變簡單」!另外大家可能都唔知道,原來以下呢六位仍活躍於娛樂圈的歌手同藝人,以前都做過ETV主角㗎!當中有幾位以前同依家幾乎一樣樣,有人細細個勁可愛,不過有位女歌手好難估!

1.運動男神 王祖藍

第一位,相信唔會有人認唔到,佢咪王祖藍囉!不過估唔到以前祖藍喺ETV係飾演排球隊隊長(難道當年的排球隊沒有身高限制嗎?)、校內萬人迷,睇吓個女主角幾冧豬!

運動勁都仲未夠,之後片段見到祖藍一手截住想打尖的男同學,讓女主角可以順利上小巴,仲幫對方入埋錢!呢啲咪男神囉!

據知祖藍係喺2000年左右拍過幾集數學科同常識科的教育電視節目,睇番當年祖藍個樣同依家幾乎冇分別,著起校服仲非常乖仔feel,相信老婆李亞男都估唔到老公以前演萬人迷!

2.綠褲小子 林一峰

第二位係歌手林一峰!原來佢細細個就有份參演ETV,睇番佢以前個樣同依家分別唔大,都係眼仔細細,好鬼趣致。

估唔到林一峰除了歌藝一流,細細個就已經咁識演戲!唔知佢喺ETV入面有冇唱過歌呢?

3.造型百變 楊思琦

第三位同祖藍一樣,又係一眼就認得出,楊思琦多年前已經係咁靚女!2001年港姐冠軍思琦妹,原來選港姐之前都拍過ETV,講得一口流利普通話。除了一般學生妹校服look外,思琦仲有好多唔同造型,學生哥們肯定會睇得好專心!

楊思琦向來以童顏見稱,雖然依家已經39歲,又已是一女之母,不過樣貌身材真係多年不變!唔知思琦會唔會播番自己啲ETV畀囡囡睇呢?

4.古裝小美人 黃美棋

童星出身的黃美棋,拍過ETV當然唔出奇!片中見到美棋BB古裝小美女look,眼大面圓圓非常可愛,喺其他小演員當中十分突出!

現年28歲的黃美棋細細個已經參演唔少電影、劇集,觀眾可謂由細睇到佢大,現在的美棋BB仍然咁甜美可愛,但同時多了一份女人味!美棋BB睇番自己ETV演出,就留言話自己細個靚啲,面尖尖的,擘大口都特別靚喎!

5.未衝出太空時 鄧紫棋

呢位眼大大、塊面脹卜卜的小妹妹,似乎係做錯事被發現,所以要同老師講「對不起」!雖然個樣同依家係有少少分別,不過見到佢燦爛笑容、仲有招牌金魚嘴時,大家就認得佢係G.E.M. (鄧紫棋)啦!上海人阿G.E.M.細細個普通話已經標準又流利,令同學們獲益良多~

時光飛逝,當年ETV中的可愛小妹妹,今時今日已經係紅到上太空的樂壇天后啦!話時話,唔知佢喺ETV入面個女同學仔依家點呢?

6.女大18變 連詩雅

最後呢位真係難估啲,片中呢位小妹妹英文流利,發音頗算標準,自信十足!旁白就話呢位女歌手「長頭髮、面尖尖、高高瘦瘦」,但都真係聯想唔到佢係連詩雅(Shiga)!

連詩雅出名身材高佻,有對修長美腿,依家睇番佢細個時似乎已經係高人一等呢!

Shiga小時候參與過好幾集英文科ETV演出,節目中同唔少外籍同學仔有對手戲,講英文真係幾好聽!亦相信佢英文係由細叻到大。咁Shiga之前喺網上串錯「Rest in Peace」做「Rest in Piece」… 相信係唔小心啫!

 

 

番外篇:

雖然以下的藝人不是《ETV一哥一姐》片段的候選人,但依然夠經典,有些還出人意表,看看你們能否一眼看出是誰!

7.唐寧

片段開頭也有見到她的身影,而她也為etv拍過不少集數!細時候,眼大大的模樣和現在都沒有太大差別!果然天生美人!

8.陸永

陸永同C君因為主持旅遊節目《Do 姐再Shopping》而人氣再度急升,而且還有一個愛妻號的綽號,想不到當年他亦有出演過ETV!大家又有沒有印象呢?

9.張紋嘉

原來組合HOTCHA出身的張紋嘉小時候曾和王祖藍合作過,剛才提起祖藍化身排球隊隊長的影片中,張紋嘉都有份現身,而且還是她唯一一套有演出過的ETV短劇!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..