【出街搵食】元朗泰式湯底車仔麵!激罕鮮甜鱷魚湯+惹味咖喱湯+冬蔭功|元朗車仔麵|
【出街搵食】元朗泰式湯底車仔麵!激罕鮮甜鱷魚湯+惹味咖喱湯+冬蔭功|元朗車仔麵|

【出街搵食】元朗泰式湯底車仔麵!激罕鮮甜鱷魚湯+惹味咖喱湯+冬蔭功|元朗車仔麵|

平時吃車仔麵,多數都是豬骨湯,甚至味精湯,用泰國鱷魚湯、冬蔭功湯做車仔麵你又食過未?元朗這間剛開業的車仔麵店,就以坊間罕見的泰式湯底來做車仔麵,近日成為區內的話題食店。泰式 x 車仔麵,究竟咩玩法?

撰文:ning 攝影:Fion

車仔麵玩Fusion 元朗泰式湯底車仔麵

元朗這間剛開業的車仔麵店,大廚Anthony生於廚師世家,爸爸做中菜、媽媽做川菜、他做過米芝蓮星級西餐fine dining,連太太都是泰國廚師。家族、事業、愛情的多國共融,令他對fusion菜有種獨特看法。

「 身邊朋友、高級西廚同行跟我說『Fusion菜左溝右溝,不倫不類,只有跟足傳統才有人推崇 』,但我不認同,父母成日教我,菜系、食材應可互相交融,互補長短,變出新派菜,飲食潮流才可以向前走。意粉來到香港,茶餐廳都用來炒豬扒啦。」

元朗 車仔麵 鱷魚湯 咖喱 泰式 篤篤車
Anthony直言全賴泰籍太太的鼓勵及靈感,令他勇敢做這間泰式車仔麵。

這種想法,令他更加決意離經叛道,搞一檔 Fusion 車仔麵。「車仔麵是香港獨有的飲食文化,無人規定車仔麵必要有甚麼配料,你以為是豬皮、蘿蔔⋯⋯那些只是約定俗成,每個人自選不同配料,已經是一種fusion,那為何車仔麵不可以玩 Crossover?」

鱷魚湯底唔恐怖!鮮甜似豆乳湯

店內最破格的,要數這個泰國鱷魚湯底,泰國人多用鱷魚肉做炭燒街頭小食;中國人則是藥膳煲湯,更早有記載鱷魚肉對呼吸系統的功效,也有豐富骨膠原。這裡的鱷魚湯底,用贊比亞出產的鱷魚尾骨、掌骨、鱷魚乾,烘燒過放入魚湯袋,加杞子紅棗來煲,每晚加新骨,日日慢火煲過夜,愈熬愈濃。

元朗 車仔麵 鱷魚湯 咖喱 泰式 篤篤車 鱷魚肉
用上大量鱷魚骨及鱷魚乾,足料!

被問到區內街坊對這道鱷魚湯的接受程度,Anthony說:「中年客好欣賞,甚至有人食足12日,年輕人似乎難啲接受。」但其實鱷魚湯,不是年輕人想像中的嚇人,入口反倒像腐竹豆乳的味道,柔滑香甜。

元朗 車仔麵 鱷魚湯 咖喱 泰式 篤篤車
鱷魚湯鮮甜順喉,飲落滋潤。

 

正宗風味 酸辣冬蔭功湯

鱷魚湯以外,還有冬蔭功湯,全用泰國青檸葉、南薑、 香茅來煲,配合車仔餸料微調酸度辣度,但不失泰國風味。Anthony更笑說,太太對這款湯底非常重視,一啖就試得出是否用正宗泰國香料,試過偷雞轉用澳洲青檸,太太一試就發現貨不對辦,結果兩夫妻吵了一場,也令他不敢胡亂挑戰太太的味覺。

元朗 車仔麵 鱷魚湯 咖喱 泰式 篤篤車 冬蔭功湯
珍珠元貝白蝦仁墨魚仔河粉配冬蔭功湯 $41
深明香港人不習慣將香茅、檸檬葉食落肚,特意人手隔渣,飲湯更方便;湯底入口微酸,辣味溫和,配白灼海鮮,好夾。

惹味!火辣港式咖喱湯

就當你真係接受唔到新派泰式湯底,也有最貼近港式車仔麵風味的咖喱湯,港產咖喱粉混泰國香料和辣椒,似足街邊咖喱魚蛋的辣汁,刺激香口。

元朗 車仔麵 鱷魚湯 咖喱 泰式 篤篤車 咖喱湯 蘿蔔 響鈴 豬紅
蘿蔔響鈴豬紅粗麵配咖喱湯 $35
撲鼻聞到濃郁咖喱辛香,先甜帶香料味,後勁香辣,連同麵條啜入口,愈食愈刺激,辣到舌頭發滾;響鈴、蘿蔔吸滿湯汁,很惹味。

 

古法藥材滷水餸料

湯底用心做,車仔麵餸料也同樣講究。滷水餸是Anthony爸爸秘方的古法藥材滷水,當歸、白芷、甘草等材料,加入紅糖、冰糖、麥芽糖、黑糖,用來滷新鮮豬腸、金錢肚和雞翼;也有車仔麵少有的海鮮餸,如白蝦仁、墨魚仔等,用來配冬蔭功。車仔麵,從來就是如此百變。

元朗 車仔麵 鱷魚湯 咖喱 泰式 篤篤車 雞翼 豬大腸 金錢肚 油麵 滷水 藥材滷水
雞翼豬大腸金錢肚油麵配泰國鱷魚湯 $35
滷豬腸油脂豐盈,有滷水甜香;雞翼肉滑入味;金錢肚煙韌有嚼勁。

同場加映!自家製泰式小食

店子還有數款自家製的泰式小食,最多人叫的炸魚皮,雖然是來貨,但醬汁才是重點!將新鮮薄荷葉磨碎,加入辣椒粉和蛋黃醬,蘸魚皮同食,入口酸甜清新,其後辣勁漸強,好過癮。

元朗 車仔麵 鱷魚湯 咖喱 泰式 篤篤車 炸魚皮
香脆炸魚皮配自家清新醬汁 $14(細)、$26(大)

也有泰式炸雞翼,雞翼事先用香茅醃過,炸得香脆,香茅味清香,鹹香惹味。

元朗 車仔麵 鱷魚湯 咖喱 泰式 篤篤車 泰式炸雞翼 香茅雞翼
泰酥炸雞翼(原味) $14(細)、$26(大)
元朗 車仔麵 鱷魚湯 咖喱 泰式 薄荷青檸梳打
薄荷青檸梳打 $15(跟餐加$11)
味道清爽開胃,解辣又解膩。
元朗 車仔麵 鱷魚湯 篤篤車 咖喱 泰式
裝潢簡約,水泥牆身設計,總算坐得舒服。

元朗 車仔麵 鱷魚湯 篤篤車 咖喱 泰式 港式

篤篤車

地址:元朗馬田路22號安寧大廈地下6號舖(顯示地圖
電話:2336 3386
營業時間:星期一至日 12nn-9pm
平均消費:$40/位
備註:車仔麵每碗最低消費$29;不設加一、只收現金

延伸閱讀:

【煮食神器】萬寧印花換Recolte小家電!迷你焗爐+電熱鍋+Tiffany色雪櫃!

【出街搵食】石硤尾JCCAC 煎餃子!冰花脆底餃+玫瑰餃+葱油撈麵|深水埗餃子|

最新吃喝玩樂資訊