復活節 銅鑼灣 10大飯聚推介＠Dining娜

未放假，先興奮～今個周末就係 復活節 長假期喇！決定唔去外遊？不如跟我Dining娜去食好嘢！既要滿足我班好閨密、仲有公司班嘴刁同事，當然仲有家中鍾情巧手中菜嘅兩老同親友們！揀地點又要就腳夠方便，不如去 銅鑼灣 廣場2期：有齊中菜、熱爆港澳嘅航母海鮮盛宴、日本料理放題等，一於今個 復活節 銅鑼灣 瘋狂食個夠！

Photo: Wah

01 超巨型生猛航母海鮮盛宴 澳門台山水佬榮海鮮火鍋專家

每次去澳門，我班火鍋控朋友指定要試台山水佬榮嘅正宗海鮮鍋，依家去銅鑼灣就食到啦～以新鮮生猛海產做招徠嘅招牌海鮮鍋，份量十足，夠晒鮮甜，睇見已經嘩嘩聲。足六位用嘅航母海鮮盛宴、用招牌水佬榮辣汁煮成嘅雜菌花蛤鍋、皇牌花蛤雞鍋、極考功夫嘅胡椒豬肚包鴛鴦雞湯鍋等等，食完海鮮鍋做埋湯底，再加埋超正火鍋鍋料，包保夠晒滿足，而且每款製法獨特有特色，別有一番風味！

澳門台山水佬榮海鮮火鍋專家：5樓，電話2866 1111

02 空運直送高質放題 滿屋日本料理

鮑參翅肚響螺燉雞、黑松露和牛刺身、牡丹蝦、海膽、冷鵝肝全部任食無限供應！一直嚴選高品質直送刺身食材嘅滿屋日本料理，每次同我班大胃朋友必定食足三小時滿足而回，依家推出升級優惠，每人只需加$88就可無限任食所有以上高級食材料理，加埋近百款新鮮刺身、創意壽司、串燒炸物等，限時推出，約定班大胃王訂位先～

滿屋日本料理：8樓，電話3622 3366

03 ＋ 04 細緻食極上靚和牛 德家日式燒肉、德興日式放題鍋　

鍾情日式燒肉、shabu shabu，就要食埋刁鑽極上牛肋肉、牛脊肉、牛舌、牛胸腹各個和牛級部位，仲有刺身同海鮮等，呢餐復活節大餐夠晒滿足！

德家日式燒肉店、德興日式放題鍋：6樓，電話2573 9090

05 即點即製精緻料理 極尚大瀛喜日本料理

復活節大餐梗係要食得滿足先夠啦～呢間以特色精緻料理做招徠嘅放題絕不欺場，刺身、壽司全部即點即製，炸物天婦羅、燒羊架、燒帶子等，既多選擇又有水準，放題控必食之選。

極尚大瀛喜日本料理：11樓，電話3188 8008、3622 1116

06 水果入饌繽紛菜式 名苑酒家

我同班閨密們每次最愛呢度健康有營嘅巧手菜式，總廚不時用時令水果加入創意粵菜，加埋傳統正宗烹調方式，夠晒有特色呀。

名苑酒家：7樓，電話2893 1038

07 絕不加味精 富東海鮮酒家

我班嘴刁同事午飯飲茶之選！呢度嘅皇牌蝦餃皇由師傅每日用鮮蝦手製，仲有松茸野菌餃、養生杞子卷等都食得出係與別不同嘅手作點心。晚飯小菜同樣落足心思，全因為由「鮑魚大王」楊貫一高徒林永春師傅主理，堅持真材實料、不加任何化學用料同味精，更加係精製矜貴食材專家，每次嘅菜式都絕對超高水準。

富東海鮮酒家：10樓，電話2626 1100

08 精緻手工粵菜 翠園

由多年老師傅坐鎮，主打傳統手工廣東粵菜及點心，四十多年來以風味十足的廣東口味，演繹成多變嘅巧手菜式，好似招牌花膠瑤柱灌湯餃、原隻鮑魚荷葉飯、鐵板叉燒、士多啤梨脆肉排等，同屋企人嚟食最適合不過！

翠園：3樓，電話2573 9339

09 米芝蓮食府推介 太湖海鮮城

連獲多年「米芝蓮美食推介餐廳」絕非浪得虛名，最啱同鍾情海鮮嘅朋友嚟試，說得上主廚採用精選海產，加入多重創意製成特色海鮮小炒，驚喜不絕，獨特有心思。

太湖海鮮城：9樓，電話2893 9882

10 正宗潮州最愛 潮江春　

媽咪有時食廣東菜食到悶悶地，就會提議呢間有一定歷史嘅潮州菜酒家，最鍾意佢夠晒傳統風味，滷水鵝片、黃金煎伊麵、潮州家鄉煎蠔烙、砂鍋普寧豆醬雞夠晒正宗，每次都食到十級飽先滿足！

潮江春：2樓，電話3692 5050

春夏充電必飲 Starbucks

食完超滿足復活大餐，點少得杯咖啡做完美總結呢！飲埋呢杯春夏新推凍蝶豆花檸檬咖啡，又或者一杯澳洲堅果朱古力泡沫咖啡，呢個假期真正叉足電啦！

Starbucks：2樓，電話2259 9375

銅鑼灣廣場2期

地址：銅鑼灣駱克道463-483號（港鐵銅鑼灣站C出口）

泊車：附設停車場，B2樓，設置兩個中速充電裝置。