移民西班牙 香港人妻 外國 文化差異 異地戀
移民西班牙 香港人妻 外國 文化差異 異地戀

【文化差異】外嫁西班牙 香港人妻不習慣的 7 件事|冇滾水、食飯食成世

旅遊

廣告

之前TVB就拍咗套《嫁到這世界邊端》,每集都講唔同香港女仔嫁去外國的故事。女生嫁到外地後生活有咩唔習慣?人妻真正在外地生活,比我們旅遊了解到的會更深入。這次記者去西班牙的華倫西亞,特别找來嫁到當地、 移民西班牙 的香港人Daisy,乘機訪問一下到底西班牙文化與香港有咩差異!

撰文:Kika|圖片來源:新傳媒資料庫、電視節目截圖

移民西班牙 全因有個好老公

全靠在華倫西亞學習西班牙文的朋友,轉折識到嫁去西班牙剛好一年的香港人妻Daisy。因工作關係,Daisy 與西班牙籍丈夫Ernesto 於2011年在非洲邂逅, 經歷兩年多的「Long D」,二人決定結婚,嫁到華倫西亞。「因為曾在外國生活過,所以有晒心理準備,這邊不會像香港般五光十色,又多美食。但慶幸華倫西亞是西班牙第三大城市,不是鄉郊地區,所以還可接受。反而很多人誤會嫁去西班牙是因為歐洲國家很民主,或社會制度健全,實際上這裡貪污問題猖獗,年輕人失業率又高達50%,比較之下,我是喜歡香港,但重點是西班牙這裡有個愛錫自己的好老公,當然選擇西班牙啦!」

移民西班牙 香港人妻 外國 文化差異 異地戀
Daisy 去到西班牙後,也相當快融入他們的朋友圈。

01|最唔慣冇滾水

嫁雞隨雞的Daisy 說在西班牙的生活沒有太大衝擊,但其實住耐咗,發現有幾樣生活家居的微小習慣,與香港好唔同。「最大不同是西班牙人都不飲熱滾水,更不用奢望有熱到出煙的湯,他們只愛飲室溫暖水,當時發現老公家中就連暖水壺也沒有,真係好驚訝!」

移民西班牙 香港人妻 外國 文化差異 異地戀
Daisy想飲熱水,特别在香港帶來熱水煲,她說如果飲熱茶,西班牙人多數會用微波爐放茶包與水去叮。

反問Ernesto為甚麽不愛熱水?他笑一笑咁話:「可能因為這邊天氣熱,哈哈!其實我也不知道,就是從小到大媽媽也不會給熱水我飲,味道怪怪的!」當地曾有提醒服務中國旅客的小冊子寫明「中國人吃飯或肉,要奉上熱水」,被中國網民恥笑:「蠢!咁都要寫明?」實則西班牙人真係冇飲熱水概念,就好像我們也很少飲凍湯一樣。

移民西班牙 香港人妻 外國 文化差異 異地戀
二人都在外地生活過,起居飲食沒太大問題,不過Ernesto勁好客,次次朋友來訪都攞條西班牙火腿出來招呼!

02|慳家靠罐頭

食罐頭食物就係平嘢、唔健康?西班牙係第一個發明油浸罐頭的地方,好多海鮮類的罐頭都勁新鮮,在餐廳叫的菜式不少都係開罐頭直接上菜,在家則慣常把罐頭當成飯前tapas,所以成個廚房櫃都係罐頭係好正常!

移民西班牙 香港人妻 外國 文化差異 異地戀
食罐頭唔代表不新鮮,而且同樣美味!

03|凍咖啡唔凍

除了熱水,西班牙餐廳、café亦沒有凍咖啡提供,大家最多只可以叫「咖啡加冰」,冰與咖啡會分開上,大家去當地千祈唔好因為咁而投訴呀!

移民西班牙 香港人妻 外國 文化差異 異地戀
喜愛凍啡的,去到西班牙可能就不太習慣了。

04|只飲支裝水

西班牙水喉水基本可以直接飲用,但Ernesto家中卻儲備大量支裝水,他指:「不同地區,水質味道也不一樣,例如馬德里的水喉可能較新,沒有怪味,但華倫西亞的水喉水就有怪味,所以本地人多是買支裝水回家直接飲用。」

移民西班牙 香港人妻 外國 文化差異 異地戀
歐洲不少地方都可以直接飲用水喉水,但不想飲到怪味,都是乖乖地飲支裝水。

05|閉門瞓覺

西班牙人最出名的習慣莫過於「瞓晏覺」,很多傳統餐廳、商店,都會在下午1點半至4點半休息作午睡時段,不過Daisy說現在很多新派公司都取消了這個制度,Ernesto工作都要朝十晚八。

現時已經較少餐廳有午睡時間,去西班牙不用擔心!
現時已經較少餐廳有午睡時間,去西班牙不用擔心!

06| 瘋狂吹水 食飯食成世

除了在家中唔慣冇熱水,剛到西班牙與老公拍拖行街,亦有一樣令Daisy覺得奇怪嘅事。「佢好似周圍都係朋友,成日行過店舖、超市都會有人同佢打招呼,之後就企定定傾偈,傾幾分鐘,後來問番先知,原來佢哋唔識,只不過係西班牙人好熱情,好鍾意同人傾偈。」

周街同人傾偈絕不出奇。
周街同人傾偈絕不出奇。

連唔識都咁鍾意「呃水吹」,Daisy 話如果跟老公去朋友家庭聚會,平均一餐飯食2至3小時叫做「快」!西班牙人普遍8點放工,正式的晚飯正常10點才開始,飯後又會續攤到酒吧,所以凌晨2、3點才結束回家是等閒事,但翌日照樣9點返工,瞓得咁少,唔怪得要午睡啦!

尚在學習西班牙文的Daisy說經常出街吹水,令佢嘅西文突飛猛進!
尚在學習西班牙文的Daisy說經常出街吹水,令佢嘅西文突飛猛進!

時區的錯 食長飯體驗

相比起歐洲其他國家,西班牙人食飯仲晏過香港,有指可能因為西班牙列入錯誤時區!當年西班牙為了向希特拉表示忠心,將時間調快1小時與德國一致,但戰後,曾更改時區的法國和英國又調回了原時區,只有西班牙沒變,錯時區再加上咁鍾意吹水,亦解釋咗點解西班牙人會食飯食到12點!但身為香港人,我始終慣咗食飯限定個半小時,食咁耐真係未試過,今次特登叫Daisy 約埋自己朋友與老公食一次飯示範畀我睇,但怕有排傾,所以特别約早咗9點就食飯!

9:00pm

Daisy約咗西班牙語老師同佢男朋友,與老公Ernesto 第一次見面,完全冇陌生見外的感覺,一開始冇停過傾足半小時,由天未黑傾到tapas 逐碟order逐碟清。

11:30pm

大家飯後未盡興,同我講決定步行去「附近」酒吧,誰知沿途路過不同地方,他們都會停下來傾偈,最後走了近半小時才到「附近」酒吧。

1:30am

凌晨12點後,再多幾位剛食完飯的朋友加入,我發現過程中冇人玩手機,冇人上網send WhatsApp,呢種真正係朋友之間的對話,香港真係唔會見到!最後2點多,我宣布頂唔順要走先!

傾到凌晨2點,走得未呀?聽朝要返早呀!
傾到凌晨2點,走得未呀?聽朝要返早呀!

07| 西男多戀母?街頭直擊裙腳仔

Daisy 講咗咁多我哋唔知嘅西班牙人習慣之後,其實我最想知道都係之前日本節目《日本人妻在遠方》內所講的「西班牙男人戀母情意結」的內容究竟係咪真?Daisy 就話:「單單睇我老公,我又唔太覺得係,只不過感覺上西班牙人的家庭觀念都比較重,鍾意有家庭聚會,這方面跟香港人都好似,所以我覺得冇問題呢!不過其他西班牙男生,我就不知道了!」

市民戀母人版!子Alejandro、母Maricarmen。
市民戀母人版!子Alejandro、母Maricarmen。

裙腳仔苦主!日本人妻鈴木郁實

為咗解構戀母說法係咪真,我就決定根據節目內容,在街頭訪問一下真正的西班牙男女,證實節目中指每個男子係咪真係如節目所講用阿媽張相做wallpaper!發現癡情兒子就冇喇,但都賣口乖說世上只有媽媽好,一日打畀阿媽幾次都係真事!

由入門口開始,一見要攬攬錫錫幾次,到阿媽走時,再三别三送先送到阿媽離開,唔知真係以為係熱戀情侶。
由入門口開始,一見要攬攬錫錫幾次,到阿媽走時,再三别三送先送到阿媽離開,唔知真係以為係熱戀情侶。
節目中西班牙阿媽係做教車師傅,足球明星竟然係佢學生,所以有合照留念,即使冇自己個樣,阿仔都竟然將合照變手機wallpaper!
節目中西班牙阿媽係做教車師傅,足球明星竟然係佢學生,所以有合照留念,即使冇自己個樣,阿仔都竟然將合照變手機wallpaper!
每日阿媽成十幾個電話打畀阿仔,阿仔每次聽到都勁開心,完全唔會嫌煩。
每日阿媽成十幾個電話打畀阿仔,阿仔每次聽到都勁開心,完全唔會嫌煩。

關鍵詞
文化差異