澳門藝術節 7大矚目活動焦點率先睇@Miss Sunny
廣告
（presented by MGTO）
每日生活節奏咁急促繁重，我Miss Sunny放假就會四出搵機會放鬆放鬆，原來不知不覺 澳門藝術節 4月27日又開始喇！今年主題仲好貼近生活，以7大焦點做重點創作，包括「專題聚焦：根源」、「新銳先鋒：連結」、「跨界創作：劇場」、「闔府統請」、「傳統精萃」、「樂韻悠揚」及「視覺藝術」，薈萃國際、內地鉅作同本澳精品，一共來自11個國家嘅 藝術 團體，包括英國、比利時、葡萄牙、德國、日本、韓國、新加坡等過百場話劇、歌劇、舞蹈同親子劇場等等，完全係國際級高水準之作，立即鎖定有咩心水演出訂飛先！
photo：由MGTO提供
01 德國人的日常 從 藝術 走進生活體驗
想更了解生活百態，我Miss Sunny一定唔會錯過呢部舞台劇《資本．論》，佢用咗幽默有趣方式呈現出同生活息息相關嘅「資本」行為，夠晒貼地。如果想睇更輕鬆嘅日常題材，德國弗洛茲劇團嘅《生命無限好》用咗「平凡」同「日常」嘅選材，一齊反映日常共同生活體驗，引發人生哲學思考同領悟，好有意義。
02 澳門 x 法國 跨國際藝術
想欣賞更有深度作品，就有澳門夢劇社講述本土造船歷史嘅《匠木浮城》、澳門小城實驗劇團持續同印尼移工合作嘅紀錄劇場《洄游》、澳門卓劇場藝術會同愛爾蘭著名導演聯手改編，重新演繹法國劇作家名作《叢前黑夜》、仲有土生土語話劇《源味之情》，大講「美食之都」中平民市井故事，咁多演出實有啱心水選擇！
03 親子劇場夠多元化
另一好玩重點為加入藝術元素嘅親子演出，包括同小朋友互動嘅舞蹈演出《海綿寶寶》、大人小朋友一齊盡情投入嘅互動裝置藝術《共建美好家園》和《當世界尚有綠地》，從小培育文化氣息！
