【日本熱話】食拉麵𠽌𠽌聲先有禮貌?最新研究報告:啜咗好食4倍!
【日本熱話】食拉麵𠽌𠽌聲先有禮貌?最新研究報告:啜咗好食4倍!

【日本熱話】食拉麵𠽌𠽌聲先有禮貌?最新研究報告:啜咗好食4倍!

【食拉麵𠽌𠽌聲】香港人喜歡食拉麵,喜歡到去日本玩的時候,幾乎日日都要食一碗先安樂!關於日本拉麵文化,大家多年來最大的疑問,應該是「食拉麵應否發出𠽌𠽌聲」!唔少人都話唔「𠽌」無禮貌,但其實不是,很多日本女生都怕「旁人的目光」,所以食拉麵不會發出聲音的!剛剛播出的日本電視節目《林先生が驚く 初耳学》中,指出原來唔啜拉麵,風味係差4倍呀!

撰文:主場・日本 圖片:電視截圖

調查:4成女生都啜拉麵

近年愈來愈多年輕的日本人不會啜拉麵,部分可能怕發出𠽌𠽌聲尷尬,但原來很多人都「不懂得」啜拉麵!電視台做了個調查,訪問100位女生,發現當中有24位因為怕旁人的目光而不啜,但竟然有35人是不懂得啜的!

食拉麵𠽌𠽌聲
有4成女生都會啜拉麵!

但節目指出,原來,如果不啜拉麵,會損失4倍的風味!

食拉麵𠽌𠽌聲
不啜拉麵,會損失4倍的風味!

原因:呼吸空氣的方法!

大家估都估唔到,原來原因非常科學,是因為我們呼吸空氣的方法,令到唔啜拉麵的話,便聞不到拉麵的香味!

食拉麵𠽌𠽌聲
原因是呼吸空氣的方法。

最新吃喝玩樂資訊