揀黃芽白
揀黃芽白

【日本熱話】日本蔬菜達人傳授 | 冬天揀黃芽白心得

日本

廣告

【揀黃芽白】農曆新年就快到,上星期教大家揀靚蘿蔔,今個星期不如教下揀另一樣新年必食的蔬菜——黃芽白(日本稱為「白菜」)!就算新年唔食,平時打邊爐都會成日買嚟食啦,學定點揀實無錯!

撰文:主場・日本 圖片:電視截圖

個個都一樣樣?點揀好?

今次日本電視節目《相葉マナブ》,同樣請來每年營業額達9,000萬日圓(即630萬港元)的「杉本青果店」老闆杉本晃章先生,傳授揀黃芽白的心得!

黃芽白似乎個個的賣相都差唔多,咁應該點揀呢?

今次都畀大家估下先!A or B?邊個好食啲?

逐個部分睇清楚

首先睇下顏色…… A綠啲,B就淺色少少!

再睇底部,A的切口比較黃,B則較白。

看看頂部,A的葉散開了,B則像花蕾一樣,緊緊包著。

再整體看看外形,A較肥腫,B則看似紮實一點!

相葉雅紀揀邊個?

相葉雅紀發現,B的切口比A新鮮。

A的菜葉比較鬆散。

攞上手,重量完全不同!A非常輕身,B則重一點。

開估!較美味的黃芽白係…

野菜達人杉本先生畀大家一個提示,只要睇葉的開合程度,就可以知道好唔好食!

大家都估B!全部都答中!

點解紮實的黃芽白好食啲?

杉本先生解釋,冬天的時候,為咗保護菜芯的部分,啲菜葉會捲得實實。

就係因為捲得實實的,就算睇落細棵啲,其實會比較重!

切開睇睇…

杉本先生叫相葉將黃芽白切開一半,一望就會明白!

首先係A,菜葉與菜葉之間有好多空隙!

B呢?菜葉一層層緊貼在一起!

放埋一齊睇就更清楚!

杉本先生提大家注意,其實葉的數量,係一樣!

切開咗嘅黃芽白又點揀?

杉本先生話,如果要買切開咗嘅黃芽白,同樣,都係應該揀葉厚啲,另外,中間部分嘅葉依然係黃色,就代表新鮮!

切開咗,中間嘅葉會慢慢變黃!

試食時間!

杉本先生叫相葉將兩棵黃芽白用滾水略煮後試食!相葉覺得A都好好味!

杉本先生話太硬,叫相葉快啲煮埋B試食!

試食B,相葉大讚好甜,又厚又多汁!

點煮黃芽白最好味?

杉本先生指黃芽白味道比較淡…

… 所以最好與較多脂肪的豬肉一齊煮!即是日本近年最流行的「豚肉白菜千層鍋」!

「豚肉白菜千層鍋」煮法

Step 1:先將芯的部分切下來,用滾水煮一下!

Step 2:將豬肉一層層的夾在菜中間並放進鍋內。

Step 3:因為想食到菜的甜味,所以只加清水及鹽煮。

Step 4:蓋上鍋蓋,煮約15分鐘。

15分鐘後,美味的豚肉黃芽白千層鍋即成!

相葉大讚黃芽白非常甜!煮法好簡單,在家煮都無問題。