深圳適用SIM卡 | 免費漫遊上網攻略!
深圳適用SIM卡 | 免費漫遊上網攻略!

深圳適用SIM卡 | 免費漫遊上網攻略!

近年愈來愈多香港人周末深圳玩,北上有張上網卡方便得多,不過買上網卡不一定要落鴨寮街,原來香港而家有連漫遊嘅SIM卡免費攞,上網又得,打電話又得,仲送價值超過HK$700服務組合,仲要送埋上門!

文:Bobo

2018年2月1日更新:Step by step開SIM教學

《免費上網攻略》文出街之後見到唔少人喺開Club SIM上遇到困難,又有人話開到但無5GB數據用,一於就等我呢個過來人手把手咁教下大家點開卡啦!

深圳

Step 1|登記/登入The Club會籍

要申請Club SIM你係要成為The Club嘅會員,不過唔使驚,因為都係咁register,亦唔會收你錢(放心!聽阿佳講,包你分毫都唔使就攞到張sim卡),只要click入呢個網站 https:/goo.gl/7RkGgz,就會喺最頂見到「按此免費申請Club SIM」嘅按鈕。

深圳

點擊按鈕後要再撳「註冊」鍵,如果你係現有The Club會員,直接入返啲資料就得,唔係嘅話就要先申請 The Club會籍。提提你,如果唔係HKT用戶(見下圖)就要先download 同啟動Tap & Go先申請到。

深圳

Step 2|加快流程 裝定個App

如果知自己唔係HKT用戶,就可以先Download Tap & Go,啟動完再上去申請,就唔使兩頭走!註冊成功後 Club SIM 就會喺 3-5日內寄到府上,收到張卡之前,你可以先喺AppStore/Google Play download定個Club SIM app(其實登記The Club會籍嘅步驟喺呢個app同樣做到)。

深圳

Step 3|插卡 掃code 即刻用

收到卡、插咗入卡槽之後就可以開app啟動啦!撳番app主頁右上角嘅「+」號按鈕,輸入帳戶資料,登入後,再掃一掃卡套上嘅QR code,就activate到張Club SIM啦!如果你收到張Club SIM卡套上得電話號碼無QR code,就要輸入電話號碼啦~

深圳

深圳

疑難解答區|500MB 定 5GB?

有好多人拎到張卡話見到得本地流動數據500MB,即刻「打咗個突」,是咁的,Club SIM本來隨卡確實係得 500MB,但而家佢做推廣,登記即送各項優惠試用組合,當中最得我心嘅數據組合就會唔限速,自動幫你張卡升級做 5 GB data,90日試用,3個月內點玩都得喇!

深圳

順帶一提,數據之外,仲有通訊、漫遊、遊戲、娛樂等組合,試問你張鴨記SIM畀唔畀到呢啲Add-ons你先?

2018年1月17日更新:

去旅行前,好多時都會去深水埗鴨寮街買 SIM卡 ,貪佢款式多又夠平,近近哋去泰國幾十蚊都有張,不過有時都會驚中伏,始終細鋪冇咩信譽可言。你去到外地發現張卡用唔到都吹佢唔脹,最麻煩就係要喺當地買卡,任人劏,正宗賠完老婆又折兵。

深圳
應該冇邊個現代人忍受到去旅行上唔到網,搞到與世隔絕咁……(圖片來源:wikipedia commons)

我諗各位旅遊精都有所聽聞㗎喇!好似日本嘅WAmazin SIM同由 Docomo 推出嘅Japan Welcome SIM,但係呢啲「益旅客」嘅免費上網卡有數據流量限制,一用多咗就會變龜速,有時去到熱門景點、影相勝地,想up張相呃個like都要等十世,真係激死!到底有冇更好嘅免費漫遊卡呀?

深圳

然後喺呢個moment!真係畀我Travel佳見到隻大蛤乸隨街跳,竟然搵到個可以喺亞太地區免費上網嘅方法!

話說HKT推出咗個Club SIM 服務,只要喺佢個網站做返啲簡單嘅登記步驟,就可以唔使錢攞到張SIM卡!就算你好似Travel佳我咁本身唔係The Club嘅會員,而家立刻去開個account都可以申請到張免費卡!(申請網頁:https://goo.gl/FHuzSJ)

深圳
咁張卡究竟做到咩呢?而家就同大家一齊拆解!

01|免費漫遊 日韓台泰都得

深圳
而家申請Club SIM可以享用到佢個 2日旅遊數據服務,喺指定亞太地區包括中國、澳洲、柬埔寨、印度、印尼、日本、馬來西亞、新西蘭、菲律賓、新加坡、南韓、台灣同泰國都可以漫遊上網!

02|本地5GB上網 煲劇煲餐飽

Club SIM本身就已經自帶 500MB 本地流量,依家更推出限時優惠,送多3個月 5GB 流動數據,以後返工、放工就可以喪睇片、喪煲劇,唔怕去到緊張情節嗰時突然窒機,條氣chok住chok住。

深圳
(圖片來源:pixels)

03|Long-D冇有怕 1,000分鐘海外通話

除咗上網,Club SIM仲包通話組合,本地1個月無限打之餘,仲送1,000分鐘海外通話,打去大陸、美加都得,啱晒我屋企兩老用嚟煲長途粥,唔好話我Travel佳剩係識得顧自己喇!

深圳
(圖片來源:pixels)

對於中慣伏嘅阿佳嚟講,Club SIM真係神一樣嘅存在,雖然漫遊玩得兩日,但勉強都夠我嚟個周末短遊,去台灣掃下街、做文青睇個藝術展都抵玩!而且好似我呢種大忙(懶)人,喺電腦入番啲基本資料同郵寄地址,張卡就送到上門,真係幾正!各位工作忙又愛周末出走嘅朋友不妨留意吓~(申請網頁:https://goo.gl/FHuzSJ)

深圳

最新吃喝玩樂資訊