【深圳好去處】$300勁食一日行程:Line Cafe下午茶+文青小店打卡+麻辣火鍋!
【深圳好去處】$300勁食一日行程:Line Cafe下午茶+文青小店打卡+麻辣火鍋!

【深圳好去處】$300勁食一日行程:Line Cafe下午茶+文青小店打卡+麻辣火鍋!

深圳好去處深圳近年愈開愈多文青小店、靚Cafe,不少香港人都會趁周末,約朋友一齊上去影相打卡!唔想每次來來去去都係喜茶酸菜魚咁悶,不妨參考以下特色小店,趁今個周末約閨密一齊上去玩啦!

Text: Cynthia|Photo:Fion

周末深圳好去處!$300以下勁食行程推介

比起香港,深圳好去處特別多,消費又相對相宜,以下4間cafe為例,每間人均大約RMB 50-80就可以吃到捧腹離開。甜品價錢大概在RMB20-40左右,比起香港真係平!而麻辣火鍋兩個人食會貴少少,多人share 湯底的話,每人平均百幾元!

深圳2人同遊 一日消費
午餐 逸塔花園 大蝦牛油果米紙 約RMB32/HK$40
薯條 約RMB22/HK$27
雙人特調水果茶 約RMB45/HK$56
下午茶 鄰間 雙人銀針茶 約RMB52/HK$65
半熟蛋糕2件 約RMB38/HK$47
晚餐 大龍燚火鍋 湯底+6樣食物+飲品 約RMB257/HK$319
車費 約RMB20/HK$24
總數:約HK$295/人

 

深圳好去處

深圳好去處: 必去南山區

提到深圳好去處,除幾個港人最熟悉的大商場:萬象天地、歡樂海岸、華僑城外,想搵文青特色小店,一定要去南山區!最近的港方口岸區是深圳灣,出發到南山區的小店一般車程在30分鐘左右,可以一日內玩完成個區域!

深圳好去處
深圳南山區有大量文青cafe,大家不妨發掘一下!

深圳好去處#01 熊大迷必去可愛Line Cafe

香港有不少熊大迷,但可惜香港的Line Cafe暫時設在機場境內,其實Line Cafe 早就在深圳登陸,fans 可以去朝聖一下!Line Cafe 位於海岸城2樓,最近的地鐵后海站D1出口,一出去就見到,非常易搵!

深圳 美食 深圳好去處
Line Cafe 非常適合打卡影靚相!

Line Cafe 的打卡影相位超多,門口大大個熊大任影唔嬲,店內仲有巨型Choco 歡迎你!特別的粉紅色區域設計成熊大、Choco 的家,可以慢慢影相。

深圳好去處 深圳 美食
門口大大個熊大,係必影相的打卡位!
深圳好去處 深圳 美食
Cafe 位置都有好多角色任影。
深圳好去處 深圳 美食
有2個人咁高的choco好受歡迎,有時仲多人到要排隊影相!

餐飲方面選擇都唔少,首推下午茶時段的2人tea set,約RMB138包兩杯飲品,鹹點、甜點加埋有6款,煙肉卷最好食,而迷你漢堡上面仲印咗熊大個樣,細節加分!

深圳好去處 深圳 美食
2人下午餐 約RMB138/HK$ 171

甜品同樣好吸引,瑞士卷、布甸、奶酪杯等統統都係熊大、Cony的造型,可愛到唔捨得食!

深圳好去處 深圳 美食
布甸奶凍 約RMB48/HK$60
深圳好去處 深圳 美食
瑞士卷 約RMB42/HK$52

除了Cafe 輕食外,另一邊還有酒吧區,晚上會提供手工啤酒,可以配Burger、薯條,同熊大飲返杯!

深圳好去處 深圳 美食
酒吧區夜晚開放,設計都幾有情調。

飲飽食醉之後,又係時候掃貨幫助消化!有過千件貨品的Line Store可以慢慢掃,仲有超巨型的軟綿綿公仔賣!

深圳好去處 深圳 美食
Line Store 貨品超多,可以慢慢掃!
深圳好去處 深圳 美食
巨型熊大攪枕好重手!
深圳 美食
暖水袋冬天用最適合!

Line Friends Cafe & Store
地址:深圳南山區文心五路33號海岸城購物中心二層203-205舖

 

深圳好去處#02 花海夢幻Cafe 逸塔花園

想在深圳搵一間有質感的文青Cafe,絕對不是難事!南山區的逸塔花園,距離最近的桃園站大概行8分鐘,不算難找!

深圳好去處 深圳 美食
逸塔花園的門口布置得像個花海!

逸塔花園非常大間,一入到去就會見到闊落的用餐區,左邊的區域是圖書館,可以休閒地閱讀,而右邊有大量的植物做裝飾,有種在大自然野餐的感覺!

深圳好去處
戶外區域在陽上的照射上,照相超靚!
深圳 美食 深圳好去處
有種在大自然野餐的感覺!
深圳 美食
圖書館區域,可以靜靜地看書。
深圳 美食
用餐區的位置非常多,唔使怕要等位。

想要影靚相的話,一定要去右邊的用餐區,一大片的落地玻璃,在陽光的照射下影相超靚!其中一面牆被設計成一格格,放滿細細個盆栽,好適合影相!

深圳好去處 深圳 美食
其中一個要bookmark的影相位。
店家布置得好用心!

食物方面的選擇很多,唔好以為cafe 就只有甜食,逸塔花園主打泰國菜,網友食過大推辣烤雞翼、菠蘿炒飯、冬蔭功湯,而記者實試牛油果蝦卷,用料實在又清新!

深圳 美食
大蝦牛油果米紙卷 約RMB32/HK$40
深圳 美食
特調水果茶 約RMB45/HK$56

除了泰式小食外,最好食的絕對是薯條,熱辣辣又夠脆!士多啤梨鬆餅相對來說比較一般,食落較飽滯,士多啤梨連葉都無剪走,食嘅時候都好唔方便!

深圳好去處 深圳 美食
草莓鬆餅 約RMB39/HK$48
深圳 美食
薯條 約RMB22/HK$27

逸塔花園
地址:深圳南山區金雞路田廈翡翠明珠七巧國2樓

深圳好去處#03 休閒文青書店 鄰間

深圳的書店好多都唔係就咁買完書就走的地方,而係會連住cafe,讓客人買完之後,可以即時坐低慢慢睇!位於南山區的鄰間(Lingers),就係其中一間有風格的書店。

深圳好去處 深圳 美食
鄰間在阿里巴巴大廈的轉角位,好易錯過!

鄰間唔算大間,餐飲區大概只有10張枱,平日下午去到人唔算多,可以安安靜靜地食個cake,睇睇書,放鬆一下。

深圳好去處 深圳 美食
雖然位置不多,但坐得好舒服。

店內只有小蛋糕供應,記者試了朱古力、士多啤梨芝士蛋糕,味道統統不錯!食落唔會過甜,亦無奇怪化學味,好值得一試。

深圳 美食
朱古力乳酪蛋糕 約RMB32/HK$40
深圳好去處 深圳 美食
半熟蛋糕 2個約RMB38/HK$47
深圳好去處 深圳 美食
Cappuccino約RMB25/HK$31

怕食太多甜食會滯,推薦叫一壺茶同閨密慢慢飲,白色的茶壺好有質感,淡淡的茶香好舒服。店家仲準備了果乾,酸酸甜甜配茶一流!

深圳好去處 深圳 美食
雙人茉莉銀針茶約RMB52.HK$ 65

現場的書可以借完即睇,而樓上都有個小區域,係有免費翻閱的藏書,拎住壺茶上去,邊飲邊睇書,非常放鬆!

深圳好去處
可以邊喝茶,邊睇店內的藏書。

鄰間
地址:深圳南山區科苑大道阿里晚晚大廈T4座1層27號

深圳好去處#04 南山大道火鍋一條街

去深圳次次都係食海底撈,覺得好無新意的話,其實各大商場都有好多人氣火鍋店,而位於南山大道的火鍋一條街,有多間出名的火鍋店,其中有好多間已經開到香港,今次就試試香港未有,又好受歡迎的火鍋店大龍燚啦!

深圳好去處 深圳 美食
渝味曉宇在香港已有幾間分店。
深圳好去處 深圳 美食
香港小龍炊更是由陳柏宇引入。

正宗麻辣火鍋 大龍燚

來自成都的大龍燚喺深圳非常出名,記者平日6點左右到達,門口已經排晒長龍,好彩仲有細枱可以坐!一入到去,就聞到超濃烈的辣椒味,平時無食開辣的話,可能會頂唔順!

深圳好去處 深圳 美食
大龍燚平日6點未到,已有人等位。

店內採微信落單,可以自己用電話揀湯底、食物,落單要鴛鴦鍋微微辣,中間白湯,外圍是佈滿辣椒的紅湯,聞到都已經流晒口水!

深圳好去處 深圳 美食
麻辣鍋成鍋都係辣椒,好過癮!

食材的選擇比海底撈少,主要是少了海鮮,而且無得揀半份,人少的話唔可以試太多。不過每次都會食的肉類、丸類、菜、菇等都有齊!

深圳好去處 深圳 美食
兩個人叫到成枱食物,都係RMB331/HK$411!

牛肉肉味濃,一碟RMB38唔算貴,而牛黃喉、水魷等打邊爐必食,落紅湯吸辣汁夠過癮!雖然只係微微辣,但已經比海底撈辣好多,重口味者必試!

深圳 美食
牛肉水準不錯!
深圳 美食
牛黃喉非常爽口!

怕辣的話,可以開一罐罐的芝麻油,倒入碗再加蒜、蔥,更加惹味!唔好以為油淋淋好可怕,呢個係四川人的正宗食法,去食的話不妨一試!

深圳 美食 深圳好去處
一罐罐的芝麻油夠衛生。
深圳 美食
加大量蒜及蔥,食落更加惹味。

食完太多辣嘢,可以試試店內最出名的炸麻糬,炸好的麻糬點一點黃豆粉同醬,入口煙韌好香口,打完邊爐必試!

深圳好去處 深圳 美食
空炸糍粑炸得又香又煙韌。
深圳好去處
即沖花茶可以幫化消化!

大龍燚
地址:深圳南山大道2009號一樓D區

 

最新吃喝玩樂資訊