賀年傳統食品
賀年傳統食品

各國新年食啲咩│好意頭 賀年傳統食品 @Miss Sunny

生活

廣告

過年同家人朋友聚首慶祝,美食一定唔少得。月頭去咗外地探朋友,順道迎接2018年,發覺原來其他國家同我哋一樣,會用好意頭嘅 賀年傳統食品 對來年及親友送上祝福,有啲仲當運程占卜,相當有趣!

(Presented By Post Acne)

賀年傳統食品寓意多

意頭嘅嘢無分種族文化,過新年當然要有彩頭,成年自然順順利利。中國傳統賀年食品你就一定知,咁外國人又食啲咩嚟慶祝呢?搜羅咗幾個國家 賀年傳統食品 同大家分享,下次有機會去到呢啲地方旅行過年就要試下啦!

日本

日本人非常重視過年,菜式相當豐富及講究,例如食鏡餅、御節料理、蕎麥麵等仲係過年指定動作。鏡餅來源係武士社會嘅習俗,祈求延年長命同團圓。而御節料理有專用嘅飯盒,一共有四層,擺放着吉利嘅菜式,例如,黑色代表勤力工作、海帶卷代表歡樂、鯡魚籽代表子孫昌盛等。至於食蕎麥麵,呢個習俗從日本江戶時代流傳至今,意味着祈福及長壽。

韓國

年糕湯同各款材料嘅煎餅係韓國嘅傳統新年食品。白雪雪嘅年糕湯代表「潔淨地迎接新一年」,亦代表自己又增長一歲,同新一年團圓美好、財運滾滾嘅意思。而金黃色嘅煎餅形狀似金錢,同樣包含添財嘅寓意。

0

越南

糭,係越南新年一定會有嘅食品。越南嘅糭係用芭蕉葉包裹着糯米、五花肉及綠豆,受天圓地方文化影響,會包成正方形或圓柱形,而且份量十足,通常會全家人一齊分享或送贈親友。對以農立國嘅越南嚟講,糭以糯米來自稻米、五花肉來自豬、綠豆則代表大地,代表農民辛勞成果,有祈求來年五穀豐收、豐衣足食嘅意思。

0

美國

肥豬肉原來係美國人嘅賀年傳統食品,愈肥愈好,一般認為豐富脂肪加上油亮色澤係財富嘅象徵,並會製成香腸或直接去烤至香脆,增添外表金黃色澤,同樣係添財嘅寓意。亦有啲省份會用卷心菜作賀年佳餚,代表綠色嘅美金鈔票滾滾而來。

0

俄羅斯

作為戰鬥民族,賀年食品的確係與別不同,大多係一啲冷盤,例如肉凍、沙律等。佢哋亦會做餡餅,有節日、豐收、健康、幸福等好意頭,亦會放入一啲寫咗祝福語句嘅紙條,同樣係寓意好運。

0

賀年傳統食品偏油膩易爆瘡

睇咗咁多種,邊款你最鍾意呢?我就始終鍾情中式傳統糕點及油角。不過,無論中西方,賀年傳統食品除咗象徵好意頭外,大部分仲偏熱氣油膩,影響皮膚油脂分泌,食得多好易爆瘡,所以家中總會暗瘡護理產品傍下身,盡情享受美食都無問題啦!

0
「喜療疤暗瘡疤痕專用配方」高效去印成分能針對暗瘡癒合後瑕疵印記,連續使用四星期,有效淡化暗瘡色印,撫平凹陷疤痕,預防暗瘡再生,100%用家滿意去印效果。(萬寧、屈臣氏、莎莎及MyDress有售)
0
「喜療疤淨豆啫喱」適用於發炎紅腫中嘅暗瘡,令暗瘡加快凋謝及修復。85%用家2日內有改善,亦因為有MPS保濕護理成分,用咗仲唔會甩皮。(部分萬寧及MyDress有售)