【深圳好去處】深業上城 網紅打卡地:喜茶、無印良品旗艦店、奈雪之茶!
【深圳好去處】深業上城 網紅打卡地:喜茶、無印良品旗艦店、奈雪之茶!

【深圳好去處】深業上城 網紅打卡地:喜茶、無印良品旗艦店、奈雪之茶!

深圳好去處】近年愈來愈多香港人趁周末返深圳喜茶、食海底撈,而去年新開的網紅商場深業上城,有超過300個品牌,包括NikeSony英皇戲院喜茶奈雪之茶等,一定要bookmark定必去的店舖!深圳打卡景點蓮花山空中走廊,其中一段接駁深業上城已經開放,去行商場同時更可以去這個景點打個卡!

撰文: Cynthia、Sandy|攝影:Man|圖片:深圳旅游

【深圳好去處】深圳深業上城 擁超過300個品牌

MUJI Hotel的所在地–深業上城商場2018年開幕,商場共有300多間店舖進駐,劃分為生活體驗街、適合打卡的Loft小鎮、時尚購物街等,室外及室內都有店舖,全部開晒的話一日都未必行得完!

深圳好去處
色彩鮮明的loft 小鎮好適合影相!

深業上城
地址:深圳市福田區皇崗路5001號深業上城
營業時間:10am-10pm
前往方法:地鐵3號線蓮花村站,步行約15分鐘

星期六日想放鬆下、歎個高質 Tea ,上深圳真係不二之選,加上而家有 csl 的數據漫遊服務,不用換卡又不用就可以喺內地輕鬆上網,夠晒方便~詳情:http://p.nmg.com.hk/akptw8

蓮花山至畢架山空中走廊

深業上城位於深圳中央的兩大山地公園–蓮花山公園與畢架山公園中間,深圳市建設了一條連接兩個公園及深業上城的空中走廊,其中深業上城至蓮花山公園一段已經正式開放。當整條天橋全面開放後,來往兩個公園就只需要10分鐘。

深圳好去處
橋面上空間很大,亦有一些打卡位。
深圳好去處
可以由深業上城去到蓮花山公園。
深圳好去處
預計2019年底會開放深業上城至畢架山公園一段。

空中走廊開放時間:8am-10pm

深業上城 必去店舖

#01 來自台灣的好茶 京盛宇

說到台灣的飲品,首先想到的一定是手搖飲料。近年台灣人越來越重視健康,各種不加入添加物、現泡的好茶就成為了新潮流。來自台灣的京盛宇,就是一間堅持做好茶的店舖,在台北擁有3間分店,每間都大排長龍,深業上城是台灣以外的第一間分店!

深圳好去處
每杯都是即沖,因此要等比較久。

開幕第一日已經有很多人來朝聖,老闆林昱丞堅持每一杯茶,都是用即場泡製,由秤重開始,每次都要用好幾分鐘,重複一樣的步驟沖泡,現沖的茶帶有茶葉本身的甘香,沒有任何添加劑帶來的怪味。

深圳好去處
每一杯茶都是由店員現泡,雖然費時但味道更有保證。
深圳好去處
老闆林昱丞堅持每一杯茶,都是用即場泡製
深圳好去處
熱茶有個貼心的隔溫膠套,不怕會燙到手。
深圳好去處
現泡的冷茶喝完之後,樽可以收藏再用。
深圳好去處
京盛宇的茶葉分罐裝及袋裝,包裝非常精美!
深圳好去處
袋裝內的小茶包一開就可以即沖!

店舖可以買到京盛宇從世界各地搜集而來的台灣好茶,罐裝及茶包裝都有。京盛宇近年與微熱山丘合作,推出不同的茶葉鳳梨酥禮盒。深圳店還可以買到微熱山丘的鳳梨汁,以後在深圳都可以買到台灣手信了!

深圳好去處
京盛宇近期與微熱山丘合作,推出不同的禮盒裝。
深圳好去處
新鮮的百分百鳳梨汁,是很多人慕名而來的原因之一。

深圳好去處

京盛宇
地址:深圳市福田區皇崗路5001號深業上城小鎮L3層T3075舖
營業時間:10am-10pm

#02 打卡一流輕食店K.STRAWBERRY

深圳近年超多文青Cafe,吸引不少香港人去hea足一日。K.STRAWBERRY店內非常寬敞,座位夠多可以坐足一個下午,輕鬆一下影幾張文青相。

深圳好去處
店內裝潢非常別緻,好適合影相。

店內主打輕盈小食,士多啤梨塔、泡芙等賣相精緻,食起來也不會過甜。特色飲品包括汽泡咖啡、熱果茶等,樣樣都色彩繽紛,更有唔少漸變款影相一流,選擇夠多!

深圳好去處
「藍色夏天」面層的糖漿與底層的乳酸形成唯美的漸變。
深圳好去處
上層的expresso 跟底的汽泡水,可以攪拌一下再喝。
深圳好去處
士多啤梨塔的忌廉不會太甜,塔底夠酥脆,非常好食!
深圳好去處
吞拿魚三明治的餡料分量夠多,不過味道有點腥。
深圳好去處
K.Strawberry 定期會與世界各地的品牌合作,寄賣各地的小物。
深圳好去處
近期與台灣品牌「蘑菇」合作,皮製品很有質感。
深圳好去處
有不少戶外的座位,可以影自然光靚相。

K.STRAWBERRY
地址:深圳市福田區皇崗路5001號深業上城小鎮L3層
營業時間:10am-10pm

#03 大熱芝士奶蓋 喜茶

每次香港人上深圳一定會飲返杯芝士奶蓋,喜茶絕對係必飲!一杯要成30港幣其實一啲都唔平,但奶蓋確實夠出色,略鹹的芝士味有成2寸厚,過好耐都唔會融!

深圳好去處
深圳必做的第一件事,一定係飲返杯喜茶先!
深圳好去處
奶蓋有成2寸厚,鐘意芝士的話不能錯過。

另外水果茶都係必點之一,大大杯有足料水果,飲完仲可以食埋水果夠健康。

深圳好去處
水果茶非常足料,食埋水果都有點飽。

而深業上城分店有埋唔係間間分店都有的布甸,抹茶、榴槤、朱古力3種口味,必試!

深圳好去處
只有部分分店買到的布甸,深業上城內都有!
深圳好去處
茶味濃郁,食落都夠滑!
深圳好去處
喜茶長期大排長龍,想飲的話要預30分鐘。

喜茶
地址:深圳市福田區皇崗路5001號深業上城南區一期三樓T3078號舖
營業時間:10am-10pm

#04 麵包控最愛 奈雪の茶

深圳茶其實除咗喜茶,仲有好多奶蓋選擇,有不少網友都表示奈雪の茶的茶底比喜茶更香更好飲,而店裡的鎮店之寶仲有麵包,大大個超軟熟,店員會幫你切好,夠方便!

深圳好去處
可以睇到店員即場倒芝士奶蓋!
深圳好去處
麵包種類繁多,而且非常鬆軟。
深圳好去處
士多啤梨形蛋糕都係好多人必食!
深圳好去處
目前人流唔算太旺,想食的話可以趁早去買!

奈雪之茶
地址:深圳市福田區皇崗路5001號深業上城南區B1層M11號舖
營業時間:10am-10pm

#05 獨立品牌 高質家具梵几

對於made in China,好多人都好有保留,但近年中國有不少自家品牌都致力於品質上的改良,來自北京的梵几是很多明星都搶購的家具,所有都是老闆古奇高所設計。

深圳好去處
店舖一共有兩層,擺放出來的家品都很有質感。

由獨立品牌逐漸發展成現今為人熟知,其桌椅全部用實木製成,遵從木材的特質,不加一粒螺絲,精心雕琢而成。

深圳好去處
家具全用實木,不加一粒螺絲製造。
深圳好去處
梵几內擺放的所有家具,都是由老闆古奇高所設計。
深圳好去處
梵几的外形十分搶眼,一定不會錯過。

梵几
地址:深圳市福田區皇崗路5001號深業上城南區一期三樓L3層T3062舖及L4層T4006舖
營業時間:10am-10pm

#06 精品超市 大掃最新日貨Ole’ 超市

去旅行的指定行程,必定係行超市,最平最抵最多樣產品!深業上城內有超大間的Ole’ 超市,有水果、魚生、零食、護膚品、廚房用品等應有盡有!

深圳好去處
Ole’ 超市內亦有餐桌可以即買即食。
深圳好去處
Kitchen 專賣相關的廚房用品。
深圳好去處
少不了日本大熱護膚品,還不時有優惠。

裡面有不少香港都未必搵到的產品,像是2018年日本限定可樂、大阪限定零食等,另外還有來自台灣、韓國、法國的產品,想盡情掃貨不能錯過!

深圳好去處
目前只有日本買到的限定可樂,Ole’ 超市都有齊款。
深圳好去處
多款限定可樂都好齊貨。
深圳好去處
台灣大熱的飲料都搵到。
深圳好去處
成個櫃都係日本零食,日迷唔小心就會買到破產!
深圳好去處
士多啤梨買大送細非常平,不過就來自南京。
深圳好去處
原來優之良品都有山寨!
深圳好去處
樣子睇落相當搞笑的零食!

#07 無印良品旗艦店 自選刺繡

深業上城內仲有超大間無印旗艦店,仲有香港未引入的刺繡工坊!客人只要購買指定無印產品之後,就可以即場自選刺繡,3個字以內收費RMB30,選擇指定圖案每個RMB10,而自繪圖案8cm x 8cm就要RMB230,要整DIY簡單做手信唔使响日本做喇!

深圳好去處
自己設計的圖案,做手信一流!
深圳好去處
童裝都可以繡上特色自選圖案!
深圳好去處
平平哋做個手信都不錯!

其他大牌子進駐

除了上述的店舖外,仲有好多大牌子進駐,包括Nike、Sony、英皇戲院等,開齊晒所有店舖的話,要行足一日都無難道!

深圳好去處
NIKE 的價錢同香港分別不大。
深圳好去處
呢款中國味濃的波鞋,只有深圳分店有得賣!
深圳好去處
想睇戲都有戲院!
深圳好去處
去年新開幕期間派免費爆谷!
深圳好去處
Sony 旗艦店開正無印酒店對面!
深圳好去處
款式齊全,但價錢與香港相約。

深業上城 前往方法

深業上城與最近的地鐵站蓮花村站大約是2公里的距離,步行過去起碼要15-20分鐘,好在與皇崗、福田口岸都算近,從皇崗口岸坐的士10分鐘內就到,實測車費才RMB17,唔使諗啦。而福田口岸搭的士大概亦只需10分鐘,RMB22.5車費,如果想去玩,建議搭的士最方便!

深圳好去處
福田口岸過去要RMB22.5。
深圳好去處
皇崗反而會平啲!

最新吃喝玩樂資訊