TOP10 人氣煲仔飯小店大比拼 米芝蓮推介/臘味排骨/香脆飯焦|邊間最好食
TOP10 人氣煲仔飯小店大比拼 米芝蓮推介/臘味排骨/香脆飯焦|邊間最好食

TOP10 人氣煲仔飯小店大比拼 米芝蓮推介/臘味排骨/香脆飯焦|邊間最好食

有些食物,到時到候就會想食,煲仔飯就是其中一種。尤其在冷冰冰的冬夜,一開煲蓋,臘腸油香、滑雞鮮嫩、鹹魚最惹味 ……淋些少香甜豉油,焗一焗,飯粒分明,粒粒油潤煙韌,每一啖直暖入心。食至最底,還有金黃香脆的飯焦,脆而不燶,香口如同米通,份外滋味。今期本刊找來城中十大名店,既有坤記、陳漢記、永合成等傳統老店,也有祥囍、榮記、紹華等後起之秀,找遍旺角、筲箕灣、大埔等10間名店,即睇哪一家最合你口味!

Text:胡蚊 Photo:Fion/Day/Suki

* 試食評語乃根據記者個人經驗、觀感及口味得出,以試食當日出品為準。

TOP10 人氣煲仔飯小店

第10位 旺角

好好茶餐廳 款式最多

位於旺角鬧市,地點方便,加上入夜後,大廚就會移師到舖面開爐煲飯,非常有氣氛,難怪日賣四、五百煲。加上花樣多,除了最傳統口味,亦將煲仔菜變成煲仔飯,好似:梅菜扣肉煲仔飯、魚香茄子煲仔飯、枝竹羊腩煲仔飯等……超過三十款,花多眼亂。

煲仔飯
四川麻辣雞煲仔飯 $60,另加麻辣腸 $8
煲仔飯 好好茶餐廳
臘鴨髀肉餅煲仔飯 $60

好好茶餐廳評語


抵讚位:

  • 款式最多。
  • 上枱最夠熱。
  • 麻辣汁好香,配飯惹味。


可改善:

  • 飯不夠乾身,而煲底飯焦又太燶,懷疑因火太猛。
  • 豉油太鹹。
  • 四川臘腸鹹而重味,麻辣雞調味亦略為重手。
透過大玻璃,可以見到廚師在煮飯。
飯焦很燶,吃不了。
四川腸又辣又鹹。

好好茶餐廳

地址:旺角花園街1L-1R號鴻禧大廈地下2號舖(顯示地圖)
電話:2771 0061
營業時間:6:30am-11:30pm(煲仔飯11:30am開始供應)
備註:只收現金,不設加一

第9位 西環

永合成馳名煲仔飯午市限定

舊舖在上環時已經打出名堂,只做午市,以麵包爐焗煲仔飯,貪其火力夠平均。午市經常排長龍,所以煲仔飯會焗至六、七成熟等客,繁忙時間,10分鐘左右就有得食;唔想同人迫,可以在早餐或下午茶時分幫襯,人較少,但就要等20分鐘才有得食。

煲仔飯 永合成
北菇雞煲仔飯 $70
煲仔飯 永合成
鴛鴦腸豉椒排骨煲仔飯 $90

永合成馳名煲仔飯評語


抵讚位:

  • 用料不錯:雞肉夠滑;北菇亦厚肉彈牙。


可改善:

  • 12:30pm幫襯,10分鐘不到就上枱,飯不夠熱。
  • 豉油太鹹。
  • 飯焦微薄,失望。
  • 飯太濕,唔夠香,水準不定。
豉油太鹹,搶走味道。
兩煲飯水準不定,沒甚飯焦。
冬菇夠厚身。
雞厚肉滑嫩
煲仔飯 永合成

永合成馳名煲仔飯

地址:西環德輔道西360號地舖(顯示地圖)
電話:2850 5723
營業時間:星期一至六7am-4pm
備註:只收現金,不設加一

第8位 慈雲山

榮記茶餐室 創意煲仔Risotto

開業超過廿年的慈雲山茶記,一直賣開芝士撈丁,前幾年玩過界,創出芝士煲仔飯,將片放上網,打出名堂。Fb以「煲仔飯新星」作cover page,餐牌除了有傳統煲仔飯、芝士飯,還有四川麻辣及流浮山金蠔拼煲仔飯。

煲仔飯 榮記
芝士雞肉煲仔飯 $78
煲仔飯 榮記
鳳爪排骨臘腸飯 $80

榮記茶餐室評語

抵讚位:

  • 芝士飯飯面鋪上炸煙肉絲,飯底又加了粟米和洋葱,有咬口。
  • 用了兩種芝士,奶香濃郁。
  • 豉油濃淡適中。

可改善:

  • 芝士煲仔飯太濕,雖有拉絲,但入口似risotto,而且雞件無味。
  • 芝士飯太膩,而且沒有飯焦。
芝士放涼會變乾,要趁熱食。
雞髀肉夠滑。
飯焦略嫌過火。
免費例湯,沙葛赤小豆紅蘿蔔煲豬骨。

邊間最好食 煲仔飯 坤記 祥囍

 

榮記茶餐室

地址:慈雲山毓華里12號地下A-B舖(顯示地圖
電話:2328 9232
營業時間:星期一至六 6:30am-10pm;星期日6:30am-6pm(煲仔飯5pm開始供應)
備註:只收現金,不設加一

第7位筲箕灣

紹華小廚創新口味

前身是銅鑼灣川龍街新翠華,老闆在筲箕灣另起爐灶。店子除了20款傳統煲仔飯,亦有10款全新自創煲仔飯,好似:野菌鵝肝、疆土羊肉、泰式豬頸肉、蒜香牛頸脊等,配搭新穎,吸引很多年輕人幫襯。

紹華小廚
豉汁帆立貝象拔蚌飯 $82
紹華小廚
臘腸排骨飯 $72

紹華小廚評語


抵讚位:

  • 豉油香甜濃稠。
  • 排骨醃得入味,肉質軟滑。
  • 帶子大隻,肉質彈牙。


可改善:

  • 飯夠乾身,但食起來少了飯香。
  • 象拔蚌無鮮味,爽爽地。
  • 加了海鮮的煲仔飯飯粒較濕,錯誤配搭。
  • 飯焦不多。
象拔蚌無鮮味,但仍算爽口。
帶子質素可以接受。
飯不夠香。
飯焦很少。

紹華小廚

地址:筲箕灣愛秩序灣道15號愛秩序灣街市熟食中心CF3店(顯示地圖
電話:8199 8188、2548 8818
營業時間:7am-11pm(煲仔飯6pm後供應)
備註:只收現金、不設加一

第6位 大埔

陳漢記粥麵專家配料出色

大埔老字號,90年代,門面較小,只賣粥麵,是中大學生宵夜熱點;後來鄰舖結業,索性租下擴充,千八呎、雙舖位、黑地金漆大招牌,很有霸氣。店中以腸粉和煲仔飯最聞名。煲仔飯6pm開賣,但食客五點多就坐定等食,冬天晚上,門外永遠有條人龍,是區內名店。

陳漢記 煲仔飯
白鱔臘腸煲仔飯 $79
陳漢記 煲仔飯
北菇滑雞煲仔飯 $50

陳漢記粥麵專家評語

抵讚位:

  • 白鱔有5件,厚切,都是腩位,夠肥美,啖啖肉,好食。
  • 北菇厚肉好味;雞僅熟,肉質好滑。整體材料不俗。

可改善:

  • 豉油太鹹 飯比較濕,無飯焦
  • 臘腸腸衣太韌
  • 每煲飯約等50分鐘,加上食客眾多,7:30門口30人長龍,要有排隊的心理準備。
鱔很肥美,料靚。
每煲煮足50分鐘。
臘腸腸衣太韌。
每煲飯約等50分鐘,加上食客眾多,7:30門口30人長龍,要有排隊的心理準備。

陳漢記 煲仔飯

陳漢記粥麵專家

地址:大埔運頭街91B地下(顯示地圖
電話:2658 2277
營業時間:11am-4am(煲仔飯於6pm-2am供應)
備註:只收現金,不設加一

第5位旺角

銓滿記餐廳小廚 海鮮最強

旺角茶記,聞說老闆曾在海鮮酒家工作,所以對烹調海鮮特別有研究,加上店子鄰近旺角街市,新鮮靚料源源不絕,更索性以海鮮煲仔飯專門店自居,招牌菜式包括:陳皮粉絲龍躉球、金銀蒜粉絲扇貝、陳皮鴛鴦鮑魚、豉汁帶子……通通都可變成煲仔飯,加上老闆自創以先電爐後明火,將海鮮鮮味逼入飯中,引來台灣、日本傳媒追訪。

銓滿記 煲仔飯
自選雙拼配料煲仔飯(膶腸、滑牛)$74
煲仔飯
金銀蒜粉絲開邊蝦煲仔飯 $88

銓滿記餐廳小廚評語


抵讚位:

  • 食煲仔飯有老火湯及油菜送,湯不算太多味精,有誠意。
  • 海蝦有3隻,size算大,開邊味道很鮮甜。
  • 飯夠乾身,有飯香。
  • 粉絲蒜香很突出,配黑松露醬,都幾夾,有驚喜。
  • 牛肉新鮮,但味道偏淡。


可改善:

  • 豉油太甜。
  • 膶腸太肥,每啖都有幾粒肥豬肉。
  • 一煲有極少飯焦,一煲無,水準不穩定。
另加黑松露醬 $30
每人一煲,免費猴頭菇豬骨湯。
兩人有一碟免費油菜。
蝦肉很鮮甜。

 

銓滿記餐廳小廚

地址:旺角新填地街419號萬福大廈地下(顯示地圖
電話:3760 8855
營業時間:7am-12mn(煲仔飯5pm起供應)
備註:只收現金,不設加一
Fb專頁:銓滿記餐廳小廚 Chuen Moon Kee Restaurant

第4位 荃灣

江湖小棧豬油加分

店主任職中廚多年,曾創業開過豆品店、小食店。近年回歸本行,以「武俠」為主題在荃灣開小菜館。只做晚市宵夜,有串燒、燒烤及粵式小炒;煲仔飯亦有趣,有自選款式,人客可在20款配料/佐醬中自由配搭,榨菜、豆豉鯪魚、麵醬、蝦膏……靈活多變,難怪周末10pm,門口仍有人在等位。

江湖小棧
馬拉盞膶腸鯰魚 $73
江湖小棧
鹹魚肉片煲仔飯 $73

江湖小棧評語


抵讚位:

  • 兩煲煲面都鋪滿葱花,顏色悅目,味道又清香。
  • 飯粒乾身,加上有任落自家製豬油,夠香、夠惹味。
  • 鯰魚很滑、肥美,但有淡淡泥味。
  • 馬拉盞和鯰魚很夾,一濃一淡。
  • 豉油調得好,香甜適中。
  • 肉片選半肥瘦脢頭,腍滑;鹹魚亦梅香。


可改善:

  • 馬拉盞份量略少,如加多些少就更好。
  • 膶腸得5片,唔夠喉。
  • 飯焦大片,但不夠香脆。
豬油和豉油任落。
脢頭肉片很嫩滑。
飯加了豬油,油香好味。
飯焦有點黏牙,不夠脆。

江湖小棧

江湖小棧

地址:荃灣鱟地坊30號寶成大廈1號地舖(顯示地圖
電話:2399 7994
營業時間:6pm-12mn
備註:設加一,只收現金

第3位 西營盤

坤記煲仔小菜長龍名店

西營盤名店,連得多年米芝蓮推介,是煲仔飯界老大哥。想食,必須有排隊的心理準備,記者準時6pm到達,不止全店已坐滿,門外更圍住廿多人。侍應着食客先登記,9:30pm再回來,非常誇張。老闆嫌瓦煲易裂,找來成本更貴的瓷煲,又以火山石代替炭火,老店在傳統中一直求變。

坤記 煲仔飯
臘味滑雞煲仔飯 $90
坤記 煲仔飯
膶腸排骨煲仔飯 $100

 

江湖小棧評語

抵讚位:

  • 雞很新鮮,醃味略重,但幾好食,雞亦夠滑。
  • 飯甘香,軟硬有致,可能因為配料醃味重,令飯本身都有味道,就算不加豉油都夠味
  • 豉油夠濃夠甜,有鮮味
  • 飯焦好食,脆卜卜,一大塊在煲底。

可改善:

  • 等足50分鐘才有得食,而且太多人排隊,吃一次,很勞累。
  • 最平的排骨飯都要$80,部份雙併更是$105,以平民店來說,蠻貴。
  • 雞件斬得太細,一煲約8小件,部份更是骨頭。
  • 臘味份量太少:得1/3條膶腸、1/3臘腸同小件臘肉,唔夠喉。
  • 膶腸太多肥豬肉粒。
雞很細件,有兩三件更只得骨頭,但鮮味帶甘香。
膶腸很多肥肉。
飯焦香又脆。
飯本身亦有味道,不加豉油亦可。

坤記煲仔小菜

地址:西環西營盤皇后大道西263號和益大廈地下1號舖(顯示地圖
電話:2803 7209
營業時間:11am-2:30pm、6pm-11:30pm(煲仔飯6pm起供應)
備註:只收現金,不設加一

第2位 北角

嚐喜大不同特色餐廳小廚 必食剁椒

日間是茶餐廳,晚市變身小菜館,吸引很多街坊專誠訂座來吃晚飯。四季炭火煲仔飯固然是每枱必食,亦有不少可預訂的私房小菜,價錢亦相宜。老闆對煲仔飯很有堅持,先用石油氣將飯煮至收水,放配料後,再移至炭火上以文火收水,一煲飯等足40分鐘才有得食。

嚐喜大不同
窩蛋牛肉飯加臘腸 $85
嚐喜 大不同
剁椒肉餅飯 $75

嚐喜大不同特色餐廳小廚評語


抵讚位:

  • 自家製的,鹹鹹酸酸,一打開煲蓋已經聞到很惹味。加上辣度適中,點到即止,配肉餅,好食﹗
  • 肉餅有鮮味,雖然偏瘦,但入口又不會嚡。
  • 牛肉嫩滑,有肉香。
  • 飯粒乾爽分明,軟熟好食。
  • 飯焦可以成塊起出,焦脆,不會太燶。


可改善:

  • 豉油味道調得好,但略嫌不夠厚身。
剁椒份量適中,刺激得來又不會太辣。
肉餅偏瘦,卻不覺嚡。
白飯香軟,粒粒分明
有大片脆口飯焦。

嚐喜大不同特色餐廳小廚

地址:北角七姊妹道25-31號嘉蘭大廈地下C舖(顯示地圖
電話:2833 6968
營業時間:7am-4:30pm;6pm-11pm(煲仔飯於6pm後供應)
備註:不設加一,只收現金

第1位筲箕灣

祥囍煲仔小廚 完美飯焦

位於後街暗巷,甚隱蔽,但6:30pm到,已半滿,人氣甚旺。開業才兩年,聞說老闆兼大廚曾在西環嚐囍及坤記做過,有20年煮煲仔飯經驗。一入門口就聞到炭香,感覺對辦。煲仔飯款式較大路,大廚推介的臘味蝦乾飯,蝦乾是同筲箕灣漁民直接入貨,鹹香惹味,值得一試。

祥囍
臘味蝦乾飯 $90
祥囍
土魷肉餅飯加鹹魚 $90

祥囍煲仔小廚評語

抵讚位:

  • 飯粒分明,有彈性,乾爽香軟,有飯味。
  • 鹹魚梅香,入口化,好味;肉餅肥瘦亦適中,而且加入馬蹄,很爽口。
  • 份量頗大,滿滿一煲,餸亦蠻多。
  • 臘味蝦乾飯內加了冬菇粒,更好咬口,食落亦更香。
  • 兩煲都有頭盔型飯焦,脆口而不燶。
  • 臘味揀得不錯,油鴨不太肥、膶腸亦甘香。

可改善:

  • 土魷沒有剁入肉餅中,而且切得稍大,咬時比較費勁。
  • 豉油不夠甜香。
豉油味道不夠甜香。
臘味選貨佳,不太肥,有香氣。
飯粒分明,有飯香。
飯焦金黃香脆。

祥囍煲仔小廚

地址:筲箕灣愛民街6-28號新利大廈4A至5A地舖(顯示地圖
電話:2343 8811、2343 9311
營業時間:3pm-12mn(煲仔飯5:30pm起供應)
備註:不設加一,只收現金
Fb專頁:祥囍煲仔小廚

 

 

最新吃喝玩樂資訊