HK Express 男體盛新廣告出事 涉嫌物化男性捱轟
HK Express 男體盛新廣告出事 涉嫌物化男性捱轟

HK Express 男體盛新廣告出事 涉嫌物化男性捱轟

「只要有創意,我愛蔡一智」,一個廣告要成功,最緊要就係條橋夠唔夠創意。但有時太過有諗頭,好容易出事喎!最近 HK Express 男體盛新廣告於 facebook 上就夠晒惹火,打算吸引網民留言,點知就被網民控訴物化男性,呢鋪真係「罪大惡極」!

文:杜遊珍 資料來源:HK Express facebook

HK Express 出位廣告

HK Express 宣傳不嬲都 sell 出位兼創新,但今次「有食唔食罪大惡極」廣告真係睇到阿珍「紅都面晒」!

有兩個女仔品嘗男體盛(即係一個光脫脫嘅男人身上鋪滿刺身呀壽司咁,任人嘆),然後叫網民估下男模身上壽司嘅總重量,答得最快最準嘅 3 位網民就有機會贏走東京免費雙人來回機票。

人體盛明明係用人體做盛器,兩位女models想連「碟」都食埋,睇到呢度,阿珍都有點受不了……

記得 HK Express 去年咁多負面新聞,連平價機票網呢班忠實擁躉都要戴頭盔叫讀者「唔怕cancel先好訂」,就知點解今年宣傳會咁搏!

廣告回響大 「現在唔搭,將來都唔搭」

廣告一出,好多網友留言斥廣告侮辱男性,仲指出如果調轉係女體盛,實會被人大力聲討,控訴男女待遇大不同!計阿珍話,男體盛都係商業考慮,明 sell 港女繼續搶平飛!

有網友睇完廣告後,對HK Express及相關廣告公司反感,揚言唔會搭HK Express!

有網民要求馬上撤走廣告,認為廣告對小朋友有不良影響。喺入面做空姐的姊妹都話想廣告消失,如果唔係出來 gathering, 實被人笑到面都黃!

有網友不解釋,直接行動!

可能以下呢4隻字總結到部分網友心聲。。。

過往出事航空廣告

除了HK Express 今次嘅男體盛廣告夠「出位」外,以往不論香港還是外國都曾發生廣告災難,等阿珍為大家一一盤點!

出事航空1:香港航空

去年中,香港航空邀請成龍擔住形象大使。今次出事的不是廣告本身,而是形象大使,因為大哥的形象太「深入民心」!廣告剛上傳至facebook專頁,就引嚟過千嬲,吸嬲力極強。阿珍想起成龍的代言魔咒,過往曾代言過嘅品牌例如霸王洗頭水都冇好下場,今次港航會唔會……

Hong Kong Airlines Ambassador に ジャッキー・チェン氏! 撮影中に香港航空を選ぶ理由を語っていただきました!

Posted by Hong Kong Airlines 香港航空 on Thursday, 8 June 2017

出事航空2: 俄羅斯航空

俄羅斯 航空公司 曾在2015年,在紅磡世界殯儀館的外牆上蓋擺放廣告牌,大字寫上:「我們很高興送您到……」啋!大吉利是!

出事航空3: 土耳其航空

土耳其航空亦「 瀨 」過唔少嘢,Photoshop 露出馬腳,飛機冇咗前轆都夠膽死,又試過將廣告放在電梯邊,飛機直插地面,唔多「老黎」!好心佢就學下廣告聖手維珍航空啦!年前一則關於機艙電視加闊的廣告,一句「自己玩,9吋的快樂」,點題啜核,樂而不淫,呢啲先叫創意嘛!

又係土航!今次 Photoshop 執埋飛機前轆,點飛先!?

延伸閱讀:【台北限定】IG熱爆!色廊展:日常生活+主題顏色 | 藍色富士山澡堂!

最新吃喝玩樂資訊