自助餐 燒肉 放題 日本菜 和牛 銅鑼灣
自助餐 燒肉 放題 日本菜 和牛 銅鑼灣

【自助餐我要!】銅鑼灣$300任食和牛燒肉放題 4大肥美部位+送海鮮拼盤|銅鑼灣日本菜|

飲食

廣告

每次吃燒肉放題,總是很妒忌日本人,當地隨便行入一間燒肉店,Menu肯定是和牛,仲要價錢平!回到香港就一念天堂一念地獄,燒肉放題想吃和牛?要不每人限送一份, 要不埋單四、五百蚊,食得不盡興又肉赤。各位食肉獸,機會來了!銅鑼灣這間燒肉放題,最近推出了任食和牛放題,更有齊西冷、牛小排等4大部位,每枱再送海鮮拼盤,埋單$300可以狂食和牛,好抵!

撰文:ning 攝影:Man

銅鑼灣$300任食和牛燒肉放題

這間燒肉放題,平日已經任食安格斯牛、加拿大牛小排等廿多款肉類、刺身、海鮮及和食,最近更加推任食和牛,只要加$28就可任吃,雖然只是澳洲M5級,但確實是無限任點,絕不欺場。

2小時任食M5和牛!4大部位逐款睇

這個任食和牛放題,光是和牛已經有4種部位可供選擇。款款油花充足,口感、油香、肉味各有不同,富牛油香的西冷、肉味濃的牛頸肉、有咬口的牛肋,可以一次過試勻多種滋味。

1.入口即溶!澳洲M5和牛西冷

油份最多,質感軟嫩無比,近乎入口即溶,滿嘴油脂甘香,也有微微牛羶,牛魔王最愛!

2.油香!澳洲 M5和牛牛肋肉

頂部有一條脂肪,油香豐厚腴美,帶小量筋位有少許嚼勁,愈嚼愈香。

3.Juicy!澳洲 M5和牛牛小排

肉味和油香較為平均,但非常軟嫩 Juicy,一咬湧出澎湃肉汁。

4.肉味濃!澳洲 M5和牛牛頸肉

油花較幼細而紅肉多,食落肉感較重,但鬆軟不韌,肉味也相對濃郁。

若然真的想食日本和牛,這裡也可以7折優惠價額外加錢追加,A5熊本、宮崎或鹿兒島和牛任你揀。日本熊本A5和牛西冷,原件上枱,油花超靚!肉質腍滑可口,肉香油脂十足,吃罷有一股油香縈繞於口腔,齒頰留香。

入座即送!生蠔、活鮑魚、扇貝海鮮拼盤

燒肉以外,每枱再送海鮮拼盤,除了蝦膏蟹膏甲羅燒,還有朝鮮生蠔、活鮑魚、 虎蝦、扇貝和貴妃蚌,每日空運或在街市搜羅,貝類海鮮全部手掌般大隻,鮑魚上枱時仍然生猛蠕動,全部肥美又新鮮。

刺身也是任點任食,有10款可供選擇,包括三文魚、吞拿魚、甜蝦、油甘魚等。

其他任食肉類:安格斯牛、牛五花、牛腸、豚肉

除了澳洲和牛之外,放題原有的牛肉款式如安格斯肉眼、薄切牛小排、牛五花、牛腸、牛胃都是可以無限任食;豚肉用比利時貨,肉味濃郁,無豬羶味,辣味豚頸肉最香口刺激;也有雞翼、雞肉串、秋刀魚等選擇,雞翼無雪味,雞肉串帶點葱香。咁多款肉類,總能滿足一眾食肉獸的胃口。

罐裝茶+汽水任飲!再送Haagen-Dazs

放題的飲品有汽水和罐裝茶類,全部放在雪櫃內,可以自取任飲。

想飲酒配燒肉,也可加 $60任飲生啤。

甜品方面會有Haagen-Dazs雪糕,不過唯一美中不足是每人只送一杯,雪糕控或許會覺得未夠滿足了。

熊本燒肉

地址:銅鑼灣謝斐道477-481號3樓(顯示地圖
電話:2617 3328
營業時間:星期一至四12nn-3:30pm、5pm-12mn;星期五至日、公眾假期及前夕 12nn-3:30pm、5pm-1am
Facebook專頁:熊本燒肉 Yakiniku Kumamoto

2小時燒肉放題供應時間及收費:
星期一至四5pm-12mn 成人 /$278、小童或長者 /$148
星期五至日、公眾假期及前夕5pm-1am 成人 /$298、小童或長者 /$178

備註:

  1. 任食澳洲和牛須另加$28、生啤任飲另加$60
  2. 星期一至四7pm前離座或9:30pm後入座,可享88折優惠
  3. 星期五至日、公眾假期及前夕7pm前離座或10pm後入座,可享88折優惠
  4. 設加一、收信用卡

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..