日本 便利店
日本 便利店

落雪都要食雪糕!日本便利店1-2月新品:櫻花Mochi Häagen-Dazs、桃味可樂、Hershey’s布甸

日本

廣告

日本每晚返酒店前總要逛一轉便利店,行完Lawson都要行埋7-Eleven,搜刮最新零食飲品,1月天氣咁凍,多款新口味雪糕、汽水無懼天氣新登場,人在日本當然要試!

Text:fancare

01|櫻花Mochi、栗子紅豆 哈根大師

每年冬天最期待的「華Mochi」Häagen-Dazs,今年再進化,新出口味是栗子紅豆和櫻花味,中間加入軟糯年糕,和風味十足!最可惜2月27日才上市,農曆年去要飲恨!

02|綾瀨遙代言 桃味可樂

繼去年推出咖啡味可樂之後,日本可口可樂搵得綾瀨遙代言全新口味桃味可樂,味道應該唔會太怪異啩!新品1月22日登場!

03|Hershey’s Cookies & Cream布甸/卷蛋

Hershey’s今個月推出大量日本版甜品,除了朱古力泡芙、朱古力銅鑼燒之外,Cookies & Cream口味布甸最有驚喜,除了曲奇忌廉外還有焦糖加在雞蛋布甸上,聽到呢個組合就想食!另外便利店仲有Hershey’s朱古力卷蛋,朱古力控必check!

04|櫻花版啤酒搶先登場

Asahi搶先1月30日將會推出2款限定版櫻花罐啤酒,據統計櫻花罐吸引大量女生買嚟飲,未到櫻花時節都可以拎住粉紅罐打卡!若不愛濃烈啤酒味,女士們可以一試櫻之宴淡口啤,一樣可以逢春㗎!

 

05|固力果草莓芝士蛋糕

固力果新推出的杯裝芝士蛋糕系列,第一款口味是當造的士多啤梨,底層是香醇芝士蛋糕,中層是草莓芝士味雪糕,頂層加上士多啤梨曲奇碎,令人忍唔住要試。

06|極濃明太子味卡樂B薯片

2018年1月新口味薯片,有卡樂B的明太子味,微辣鹹香超惹味!只限便利店發售,賣到2月底咋!