$10蚊有得浸溫泉!台北北投「千禧湯」6個露天浴池+日式設計+必食雪條
$10蚊有得浸溫泉!台北北投「千禧湯」6個露天浴池+日式設計+必食雪條

$10蚊有得浸溫泉!台北北投「千禧湯」6個露天浴池+日式設計+必食雪條

近排天氣非常寒冷,完全唔想返工,最適合就是浸溫泉。台北市北投公園有個露天溫泉浴池,仿日式設計。最重要係每人入場費NT40/HK$10!半票優惠只係NT20/HK$5!平到不得了,下次去台北點都要去浸番轉。

Text:Ellissa | Photo:網上圖片

10蚊港幣 台北浸溫泉

位於台北市北投公園的露天溫泉浴池,1999年尾開放。適逢千禧年,所以溫泉又名「千禧湯」。入場費每個大人NT40/HK$10蚊,學生、軍人、兒童、65歲以上長者可以買半票入場,只係NT20/HK$5蚊!

N

浸溫泉須注意

門外有公告寫明,入千禧湯需要穿着泳衣,任何其他沙灘褲、牛仔褲等等一律禁止。保障入浴人士個人衛生同安全,讚!而且公告有中文、英文、韓文、日文四種語言,唔需要擔心外國遊客睇唔明。在公告板下的電子售票機選擇全票或者半票,畀錢拎飛就可以入場。

6個露天溫泉池

入場後會見溫泉池根據地勢高低分布,4個溫泉池、2個冷水池。泉水來自地熱谷,一般人俗稱為青磺泉。全數總共6個露天浴池,溫度在38-42度之間,溫度根據池嘅位置高低而遞減。大家可依喜好自由選擇適合的溫泉池,一家大細齊齊浸!

N

記得食支溫泉冰

浸完溫泉出到嚟,門口附近有間溫泉雪條。係來自台中市南投集集鎮,多種水果口味50年代傳統味道。唔少人浸完都會特登買嚟食番條先走。除咗雪條之外,仲有一般嘢飲售賣,最正就係如果你即興去浸溫泉,又無帶泳衣,呢度都可以買到,好方便!

北投公園露天溫泉浴池「千禧湯」
入場費:全票NT40/HK$10 | 半票NT20/HK$5
開放時間:5:30-7:30am/8-10am/10:30am-1pm/1:30-4pm/4:30-7pm/7:30-10pm
地址:台北市北投區中山路六號「梅庭」旁

延伸閱讀:辭職搞網站「民宿版米芝蓮」|專訪Dear b&b團隊+台灣7間心水民宿精選

延伸閱讀:2018去邊好 | 30位旅遊達人+名人出走大計

最新吃喝玩樂資訊