【出街搵食】立食手握壽司吧! 肥美拖羅+滿瀉魚子軍艦 三文魚$9起  |尖沙咀日本菜|
【出街搵食】立食手握壽司吧! 肥美拖羅+滿瀉魚子軍艦 三文魚$9起  |尖沙咀日本菜|

【出街搵食】立食手握壽司吧! 肥美拖羅+滿瀉魚子軍艦 三文魚$9起 |尖沙咀日本菜|

立食壽司店在香港屢見不鮮,絕大部分都以平價招徠,質素難免有取捨,而尖沙咀金馬倫道這間,卻反其道而行,打正旗號賣高級壽司,人均百元起跳,究竟有可來頭?

撰文:Jacky 攝影:Man

高級壽司師傅主理立食手握壽司吧

主廚明師傅,原是高級壽司店鮨森的主管,有感以往局限太多:「一晚只能接十多個客人,價錢自然要定得高。立食形式就正好加強人流,省下的租金成本又可投放在食物。」因此,店舖同樣講究食材,魚生大多是築地直送。壽司即叫即握,壽司飯用成本更高的赤醋飯,味道更具層次。每件壽司又根據食材特性作個別調味,連豉油也不用蘸。

店舖開業不久,已經不乏「收得貴仲要企」的評論,而更多的是,欣賞的客人都對味道讚好,很快便建立了口碑。

店內約10個企位,客人一般用餐約30-60分鐘。牆上設衣架,吧枱下亦有位置,給客人放置隨身物品。

賣相澎湃!滿瀉三文魚子軍艦

店內最出色的要數三文魚子壽司,靈感源至日本的滿瀉三文魚子飯,師傅會把自家醬油漬的三文魚子,一舀舀的加在軍艦壽司上。視覺效果吸引之餘,入口鮮味澎湃。

三文魚子壽司$20/件
魚子份量多至滿瀉,粒粒飽滿晶瑩,以自家醬汁醃過,味道甜美,灑上柚子皮碎,更添清新。

不少客人都特地來試的,有大拖羅、金目鯛、象拔蚌等,全都鮮度十足,同時供應坊間少見的時令鰤魚、鱈魚白子,定價由$38-68不等。

大吞拿魚腩 $48 吃不到筋位,甘香鬆化,入口便成濃厚油香。添上芝麻、甜洋蔥,更加香口。

 

主廚明師傅經驗豐富,卻沒有架子,對著客人都有問必答。
從左至右
冰見港鰤魚($68)冬天臨近產卵期,因此油脂特別豐腴,味道清甜。
地金目鯛($48)「地」為出口的最高級數,外皮以滾水燙過,外韌內嫩。
拖羅($68)選近面頰的位置,油脂分佈平均,爽口不膩。每條魚只有數份,相當矜貴。

 

特上海膽三色丼 $298
分別鋪上三種海膽,日本北海道馬糞的色澤鮮艷,軟滑Creamy;加拿大的較結實,海水味重;韓國的則較清新。另有迷你版海膽丼供應,賣$98。

店內亦不乏平價選擇,如$9三文魚、$52五件壽司套餐,而平日 Happy hour,$58 就有日本生啤+3件壽司,豐儉由人。

燒蝦頭配鮮蝦味噌湯$15
以赤味噌煮成,味道比白味噌更重,加上蝦膏的甘香,味道鮮濃。
火炙左口魚邊壽司$20
燒過後香氣誘人,油香豐富。
三文魚壽司$9
鮮味足,質地軟腍而富彈性,抵食。
築地白烏賊壽司$15
爽口煙韌,有微微黏性,味道清甜。

 

立鮨
地址:尖沙咀金馬倫道23號金馬倫廣場地下D舖 (顯示地圖)
電話:2836 3830
營業時間:12nn-10pm
備註:不設加一,收現金,外賣自取享9折。Happy hour 時段為平日 4:30pm-7pm。

延伸閱讀:

尖咀佐敦15間深夜食堂! 避風塘炒蟹+燒蟶子皇+$138任食火鍋|尖沙咀宵夜|

最新吃喝玩樂資訊