瑪莉與魔女之花
瑪莉與魔女之花

《瑪莉與魔女之花》宮崎駿收山後 動畫仍未追得上 @方俊傑

影視娛樂

廣告

宮崎駿宣佈收山後,還未復出,日本動畫好像只有新海誠針對成人而來的愛情故事還有類似叫座力。別說《千與千尋》的最高水平,就是《崖上的波兒》,接班人宮崎吾朗的前作《紅花坂上的海》,仍然未追得上。另一徒弟米林宏昌曾經拍過《借東西的小矮人亞莉亞蒂》和《回憶中的瑪妮》,離開吉卜力工作室後,新作叫《瑪莉與魔女之花》,同樣改編英國小說,在2017的聖誕檔期於香港上畫,失去了師傅的光環,迴響認真一般。

同為動畫,成人應該選擇Pixar的傑作《玩轉極樂園》(CoCo),小朋友則必定揀當紅的《小馬寶莉大電影》。不知不覺間,宮崎駿風的動畫,竟然變成《姆明大電影:冬日樂園》或《湯馬仕大電影之衝出索多島》的層次。也難怪2019年,宮崎駿又會推出新作。

撰文 : 方俊傑 |圖片來源 : 電影海報、電影預告片、劇照

《瑪莉與魔女之花》改篇英國小說 魔女題材缺乏新意?

 

問題是否來自宮崎駿風?《瑪莉與魔女之花》改編自兒童小說《小掃帚》,講述小女孩意外得到擁有神奇力量的花朵,她沒有似國內佳麗們把自己的眼變大、胸變大、下巴變尖,反而把魔法力量交給小掃帚,於是漸漸被Dyson取代的家居用品,突然變成飛行工具。

小女孩就騎著飛天掃帚,去到魔法學校,踢爆校長和老師的陰謀。開宗明義以魔女為題材,參考師傅的前作《魔女宅急便》也無可厚非,但你不會覺得哈利波特抄宮崎駿,因為J.K. Rowling會改良會演變,米林宏昌卻樂於倒模下去。可以美其名叫秉承傳統,我只覺得他是缺乏開創新天新地的自信。你看《瑪麗與魔女之花》的肥肥校長,跟《天空之城》的賊阿媽,根本是失散孖生姊妹,樣貌一致也算了,連神態動靜也毫無分別,就未免太輕易。

譯名大陸化 難記又難讀

畫功或者可以模仿,創作力卻難以傳授。宮崎駿早期的出品,大部份故事自行設計,到後期,才開始改編英國作家的著作《哈爾移動城堡》。米林宏昌從一開始便由英國小說埋手,作為一位香港的觀眾,我只能理解是生不逢時。不說劇情質素,只談電影吸引力,香港的中文譯名漸漸走向大陸化,非直譯不可,於是,出現了《借東西的小矮人亞莉亞蒂》和《回憶中的瑪妮》這類又難記又難讀的戲名。試想像,你跟你的小女兒說:「乖女呀乖女,不如去睇《借東西的小矮人亞莉亞蒂》咯?」小女兒大概只會即時昏睡。

吸引力跟《龍貓》、《飛天紅豬俠》、《幽靈公主》相比,就似尖沙咀樓價與布吉樓價的距離。來到《瑪麗與魔女之花》,情況也沒有什麼分別。叫瑪麗定叫蘇珊,好重要咩?係!然後,你只可以責怪,把英文名硬譯成中文名,總是有點似小學教材。怎也不似「千尋」或「波兒」般有型與可愛。

[#睇舊戲] [#睇動畫] 今日下晝睇完套戲之後,見仲有D時間,於是又揾套戲嚟睇,呢套戲同樣都係“吉卜力工作室”嘅作品,不過呢套戲就吾係其中一套未睇過嘅“吉卜力”作品,呢套戲都已經睇過幾次啦,呢套戲就係“宮崎駿”嘅其中一套作品,“哈爾移動城堡”,呢套戲對我嚟講都幾重要,咁我點解要咁講???如果識我嘅人都應該知道,我係一個好鍾意睇戲嘅人,咁大家又知吾知我第一套入戲院睇嘅係咩戲???相信大家都吾知,查實呢套“哈爾移動城堡”就係我第一套入戲院睇嘅戲,所以呢套戲對我嚟講都幾重要下。 講返套戲先,呢套戲我係覺得正嘅,非常好睇嘅,劇情同角色都非常吸引,咁呢套戲講D咩???呢套戲大概就係講,女主角原本係一間帽子店嘅員工,後嚟因為得罪左女巫,而女主角就被女巫詛咒,變左做做阿婆,女主角因為接受吾倒,於是就離開左自己住嘅地方,去左一間曉得旭嘅屋,同一班同樣都係受詛咒嘅人一齊住,同佢地一齊進行冒險,呢套戲嘅劇情我係好鍾意嘅,“魔法師”、“詛咒”同埋“移動城堡”都非常吸引,呢套戲差吾多全部角色都好鍾意,不論正派角色定係D奸角都係好鍾意。 總括嚟講,呢套戲我係好鍾意嘅,不論劇情定角色都好鍾意,呢套戲大致上都好滿意,鍾意動畫嘅朋友,呢套戲就好推介,“吉卜力”嘅粉絲就更加要睇啦。 #哈爾移動城堡 #吉卜力工作室 #宮崎駿 #蘇菲 #哈爾 #荒野女巫 #卡西法 #馬鲁克 #詛咒 #正呀 #必睇 #推介

A post shared by 求回應的無聊日常🇭🇰 (@tcw_2002_movie) on

《哈爾移動城堡》也是改編自英國作家的著作。

#細膩#好睇#借東西的小矮人亞莉亞蒂 #宮崎駿#arrietty

A post shared by Mike Chan Wo (@mikeleemike) on

《借東西的小矮人亞莉亞蒂》和《回憶中的瑪妮》名字開始難記。

/ 繼續宮崎駿動畫觀後感系列💁🏻 #崖上的波兒 環保呢個主題就唔洗講啦 特別之處係宮崎駿以佢個仔嚟做藍本 唔知點解電影入面佢地稱呼屋企人都直接叫名🤔 而父親長期出海返唔到屋企 就好似宮崎駿長期專注畫畫忽略咗仔仔 / 之前都好似睇過一次,但又係甩頭甩尾 今次認真睇,先發現同美人魚嘅故事好相似 波兒一係得到愛情,一係變泡沫 不過佢父母先係開創人同魚相愛嘅先例 只不過性別啱啱相反 阿爸係人,阿媽係魚,而且係人融入海底世界 我到後來先明點解波兒嘅頭髮係紅色 因為佢父母嘅頭髮都係紅色lol / 整體嚟講,雖然發現咗啲細節好開心 但成套電影美好到有啲假,真係太小朋友 例如波兒咁任性佢阿媽都咁包容 又例如宗介得5歲但對波兒許下一生嘅承諾 由古至今,無乜幾個細路會對一樣野長情 重點係,睇完都係無乜新嘅發現 即係:都係用差唔多手法表達差唔多嘅信息 創如環保,例如真愛,例如…我諗唔到啦😑 / 有啲位都係唔明 末日?見到大月亮?時間裂縫?講到咁大獲但點解婆婆又行得返? 一開始波兒阿爸整緊啲乜?波兒阿媽一開始去咗邊? 拎海嘯嚟講一個有趣嘅故事本身無乜野 但3年後日本就發生咗311地震 波兒呢套咁活潑嘅動畫就有啲諷刺☹️ / btw宮崎峻畫筆下嘅人物成日都跑得好快好輕盈跑好耐 真係見到都覺得攰🤦🏻‍♀️😂

A post shared by @ celiablization on

《千與千尋》和《崖上的波兒》等名字比較易記和有心思。

電影預告片

延伸閱讀


將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..