【尖沙咀】阿一團隊玩Fusion 維港靚景蟹宴多國菜

擁有米之蓮星級榮銜的阿一集團最近開設新餐廳炊公館，聽落以為係中菜？錯了。今次唔煮鮑魚，轉玩多國菜，單看幕後團隊是同層阿一海景飯店的廚師已經值得期待！菜式首推多種煮法的日本空運鱈場蟹，隻隻3公斤在店內自養，保證新鮮。食法隨你揀，冰鎮蟹腳、中式椒鹽炒蟹身、日式蟹膏伴豆腐或海鮮炒飯，一蟹幾味食盡每個部位；原隻生拆的活毛蟹配柚子醋凍食，清新帶和風感覺。西菜中煮菜式有全港首創用阿一招牌的XO 醬配煙三文魚作前菜；紫薑變成三文魚籽配皮蛋，以及仿豉油雞做法的豉油鵝也值得一試。餐廳環境270度飽覽維港景觀，無論午市來歎多國Semibuffet或是食住晚飯睇夜景，都一樣賞心悅目。