【大圍】傳說美食!$12櫻花蝦炸醬腸粉

天時暑熱,飯麵都唔多想食!反而街頭嘅惹味小吃較受歡迎!今次有大圍巴打報料,話說大圍積富街有間隱世小食店,當中有個超厲害嘅腸粉 ─ 櫻花蝦炸醬腸粉!店主自行研發港式炸醬,再配上大量的蝦乾。除此之外,仲有另一名物咖哩腸粉!事不宜遲,即刻試下先!

小蝦米炸醬腸粉 $12
小蝦米炸醬腸粉 $12

據女店員所講,呢個$12蚊櫻花蝦炸醬腸粉,小蝦米其實係來自汕頭一帶,所以應該就唔係日本或者台灣嘅櫻花蝦,而係汕頭小蝦米。不過蝦乾買番嚟之後再自己烘炒,配合自家製炸醬,雖然自稱「台式炸醬」,但味道明顯無咁濃,肉味又相對小,但配合大量蝦乾同惹花,咸香味十足,再配合底層的麻醬同豉油,好好味呀!

炸醬多肉粒,但肉粒偏細,絕非正宗台式炸醬,但豬肉味濃,醬汁也調較得惹味!
炸醬多肉粒,但肉粒偏細,絕非正宗台式炸醬,但豬肉味濃,醬汁也調較得惹味!
大大勺蝦米放在炸醬上面,蝦米仔經過自家烘煎,勁香!
大大勺蝦米放在炸醬上面,蝦米仔經過自家烘煎,勁香!

另一神腸!6蚊特濃咖喱腸粉!
另一神腸!6蚊特濃咖喱腸粉!

除咗小蝦米炸醬腸粉,仲有咖喱汁腸粉,只係賣$6蚊!咖喱汁超級濃郁,似日式咖喱,但味道上就非常港式,雖然汁料只有洋蔥做配料,但咖喱味夠鹹而香,濃度醬汁配腸粉堅好味!

咖哩腸粉 $6
咖喱腸粉 $6
自家製咖哩汁真係超濃,加埋芝士,睇落激似日式咖哩!
自家製咖喱汁真係超濃,加埋芝士,睇落激似日式咖喱!
炸醬和咖哩味都有三條腸粉,都夠飽!
炸醬和咖喱味都有三條腸粉,都夠飽!

盛昌美食
地址:大圍積富街喜悅樓地下(顯示地圖
營業時間:10am – 12am

延伸閱讀:

【FOOD BATTLE】網上大熱 古早家鄉味台灣肉糭

【中環】雪糕筒×Pizza 輕鬆方便行住食

最新吃喝玩樂資訊