去邊 旅遊 2018
去邊 旅遊 2018

2018去邊好 | 30位旅遊達人+名人出走大計

旅遊

廣告

2018年即將來臨,各位打算請定假飛去邊度旅行?日、韓、台近近哋就即興都可以飛,或者坐新航線飛歐洲同北美?仲未諗到就可以參考由編輯部找來30位旅遊達人及名人的心水計劃。看看他們的精彩計劃有沒有為你帶來多點頭緒。

Text:Ellissa | Photo:各受訪者、Thinkstock、Gettyimages

2018 旅遊達人會去邊

今次訪問每個人都被問了一式一樣的問題,分別係2018想去邊度?同邊個去?幾時去?廢話唔多講,立刻為大家帶來旅遊達人嘅心水推介。唔少旅遊達人同名人都話想去睇極光同埋去日本,唔知大家睇到靚相之後有冇心癢癢呢?

2018去邊好 | 30位旅遊達人+名人出走大計

01 | Do姐 · 鄭裕玲@《Do姐再Shopping》

想去邊:「日本、韓國、台灣;行街、食嘢、買嘢、睇電視、瞓覺。」
和誰去:「唔使搵人陪,自己一個去都得。」
幾時去:「隨時,有假期就飛。」

2018去邊好 | 30位旅遊達人+名人出走大計

02 | 陸永 · 農夫@《Do姐再Shopping》

想去邊:「冰島或者其他可以看見極光的地方,老婆同囡囡一直好想睇,但冇時間,只能夠陪佢哋去太空館睇極光展覽。」
和誰去:「老婆、兩個女。」
幾時去:「年中。」

2018去邊好 | 30位旅遊達人+名人出走大計

03 | C君 · 農夫@《Do姐再Shopping》

想去邊:「日本北海道,想浸溫泉,因為從來冇試過。」
和誰去:「女朋友。」
幾時去:「冬天。」

2018去邊好 | 30位旅遊達人+名人出走大計

04 | 江嘉敏@TVB藝員

想去邊:「馬爾代夫,因為上一次去係為《新假期》做嘢,馬爾代夫係我由細到大都好想去嘅地方,島上真係好靚好舒服,有靚嘅天、靚嘅海景,仲睇到完美日落,夜晚仲有星星𠻹。」
和誰去:「全家人~爸爸媽媽+兩個妹,去將馬爾代夫反轉再反轉!哈哈!」
幾時去:「盡量唔好假日旺季去,因為我驚多人!」
2018去邊好 | 30位旅遊達人+名人出走大計

05 | 森美@《森美旅行團》

想去邊:「四國德島,首次寓工作於娛樂,完成自己做導遊的心願。」
和誰去:「心愛的人。」
幾時去:「2月。」
2018去邊好 | 30位旅遊達人+名人出走大計

06 | 洪永城@《退休地圖》

想去邊:「1.斯里蘭卡,最近與善遊和輕背包合作,在當地搞團同慈善機構合作,資助佢哋營運,探索需要幫忙的慈善機構,旅行做善事更加有意義。2.格魯吉亞,因為之前去過,但得幾日走馬看花,覺得她的文化、人民、食物在歐洲是未被發掘的鑽石,有全歐洲最美味的食物,而且有朋友在當地,可以探訪他們。」
和誰去:「志同道合及喜歡旅行的人、喺旅程裡面追求唔同及甦醒自己嘅人。」
幾時去:「隨時。」
2018去邊好 | 30位旅遊達人+名人出走大計

07 |黃翠如@《走過浮華大地》

想去邊:「坦桑尼亞,睇袁偉豪去完發現自己對非洲嘅概念有更深認識,希望可以去再raw啲嘅地方。」
和誰去:「一大班朋友一起搭車、傾住偈、食住零食咁去。」
幾時去:「非洲有季節性,希望可以喺非雨季、多動物嘅日子去。」
2018去邊好 | 30位旅遊達人+名人出走大計

08 | 蕭正楠@《公公出埠》

想去邊:「日本沖繩,因為媽媽腳骨力不好,喺沖繩可以帶她自駕遊、嘗美食。」
和誰去:「媽媽。」
幾時去:「下半年。」
2018去邊好 | 30位旅遊達人+名人出走大計

09 | 馬國明@《Do姐再Shopping》

想去邊:「看媽媽的喜好。」
和誰去:「家人、爸爸媽媽。」
幾時去:「隨時。」
2018去邊好 | 30位旅遊達人+名人出走大計

10 | 梁烈唯@《Do姐去Shopping》

想去邊:「新加坡。」
和誰去:「囡囡。」
幾時去:「等囡囡三歲時。」
2018去邊好 | 30位旅遊達人+名人出走大計

11 | 鄭俊弘@《Do姐去Shopping》

想去邊:「飛去東京玩幾日再轉機去夏威夷,直落波拉波拉、玻里尼西亞,因為好喜歡陽光海灘。」
和誰去:「帶埋梁烈唯去,唔想佢去新加坡咁冇大志。」
幾時去:「夏天。」
2018去邊好 | 30位旅遊達人+名人出走大計

12 |卓韻芝@旅遊作家

想去邊:「EBC trek,尼泊爾hiking trip,行上去海拔5,545m喜馬拉雅山登冰川嘅base camp。因為想喺唔同國家行山,但不是行冰川。」
和誰去:「未有人選,需要搵到好特別嘅旅伴先可以一齊去。」
幾時去:「大約行12-15日。」
2018去邊好 | 30位旅遊達人+名人出走大計

13 |健吾· Kengo@日本文化達人

想去邊:「日本的東京、大阪,台灣的台北、台南、台中,以及曼谷、胡志明市、峴港。」
和誰去:「Nonkul(《出貓特攻隊》男主角)。」
幾時去:「一個月去一次。」 2018去邊好 | 30位旅遊達人+名人出走大計

14 | 胡慧冲@泰國地膽

想去邊:「日本,希望可以去到北海道,漫天風雪,好浪漫、好開心。」
和誰去:「旅行模式與朋友不符,不想先鬧交繼而絕交,所以自己一個去會好啲。」
幾時去:「聖誕。」

2018去邊好 | 30位旅遊達人+名人出走大計

15 | 林輝@旅遊作家

想去邊:「格魯吉亞。」
和誰去:「帶團的團友。」
幾時去:「一年四季都可以,春秋更佳。」 2018去邊好 | 30位旅遊達人+名人出走大計

16 | 吳蚊蚊@旅遊作家

想去邊:「尼泊爾。每年都會去一次睇小朋友,3月時可以睇雪山,又開始轉春天,會開花,好靚。」
和誰去:「帶善遊的朋友一起去。」
幾時去:「3月或9月。」

2018去邊好 | 30位旅遊達人+名人出走大計

17 | 梁文禮@商台DJ

想去邊:「墨西哥。知道墨西哥每年11月頭有亡靈節,類似 Halloween 但更似一個嘉年華又有好多色彩五顏六色嘅骷髏頭擺設,感覺唔恐怖仲好好玩咁,特別睇完迪士尼彼思嘅《玩轉極樂園》後更加想去!」
和誰去:「帶膽小怕鬼怕黑的朋友去,等佢哋從此對幽靈鬼魂不再恐懼。」
幾時去:「如果真係有機會去,我打算十月底十一月頭去,因為呢個亡靈節就係喺每年11月1-2日舉行。」 2018去邊好 | 30位旅遊達人+名人出走大計

18 | 卓文慧@旅遊寫作人

想去邊:「冰島,因為風景靚。我鍾意大自然冇咩人煙嘅地方。」
和誰去:「搵3-5個朋友一起租小屋、煮嘢食、影相、睇風景。」
幾時去:「一年四季都冇所謂,夾到朋友,9月份可以睇埋極光就係最好嘅選擇。」 2018去邊好 | 30位旅遊達人+名人出走大計

19 | 陳俊偉@旅遊寫作人

想去邊:「亞美尼亞,因為當地歷史文化深厚、物價低、人好好,2017年尾已經去過六日,但仍覺得不足夠。」
和誰去:「Do 姐,我覺得她不只是懂得shopping,有文化修養、喜歡歷史文化的人,會對不同地方略有研究。」
幾時去:「主要睇Do姐幾時得閒,最好夏天,可以同Do姐一起食當造水果。」
2018去邊好 | 30位旅遊達人+名人出走大計

20 | 莫竣名 · Louis@ViuTV旅遊節目主持

想去邊:「日本。因為自己好喜歡,但會選擇未去過的福岡,或者去媽媽常常說的四國。」
和誰去:「爸爸媽媽。」
幾時去:「隨時。」
2018去邊好 | 30位旅遊達人+名人出走大計

21 | 黎學勤 · Jeffery@ViuTV旅遊節目主持

想去邊:「芬蘭、冰島。成日聽朋友講北極光好靚,好想睇一次。」
和誰去:「想同女朋友,同佢屋企人一齊去,完成女朋友與家人同遊的夢想。」
幾時去:「隨時。」

2018去邊好 | 30位旅遊達人+名人出走大計

22 | 黃奕晨 · Dixon@ViuTV藝員

想去邊:「冰島。鍾意影相,想去比較凍又有北極光嘅地方。」
和誰去:「女朋友。」
幾時去:「想去半年。」

2018去邊好 | 30位旅遊達人+名人出走大計

23 | 劉俊謙@ViuTV藝員

想去邊:「南美洲。因為經理人去過,覺得好正。」
和誰去:「Best friend。」
幾時去:「完成工作後去兩、三個月。」
2018去邊好 | 30位旅遊達人+名人出走大計

24 | 阿妹 ·岑樂怡@ViuTV藝員

想去邊:「東非。睇動物大遷徙,超級喜歡動物。」
和誰去:「 未來嘅老公。」
幾時去:「 需要等待。」
2018去邊好 | 30位旅遊達人+名人出走大計

25 | 羅伊婷 · Daisy@ViuTV藝員

想去邊:「土耳其。坐熱氣球。」
和誰去:「男朋友。」
幾時去:「 得閒嘅時間。」
2018去邊好 | 30位旅遊達人+名人出走大計

26 | 謝茜嘉@商台DJ

想去邊:「想去新西蘭睇南極光。」
和誰去:「《茜嘉航空》節目的聽眾。」
幾時去:「8-9月。」
2018去邊好 | 30位旅遊達人+名人出走大計

27 | Afaye Chow@旅遊節目主持

想去邊:「打算自駕遊去新西蘭睇南極光或者去芬蘭睇北極光,不過之前睇過北極光,所以新西蘭睇南極光先係首選。」
和誰去:「未婚夫。」
幾時去:「 11-12月度蜜月。」
2018去邊好 | 30位旅遊達人+名人出走大計

28 | 麻利@商台DJ

想去邊:「美國 Mount Shasta、加州紅木國家公園。」
和誰去:「同我一樣,睇過好多書講 Mount Shasta,對這裡有一定期待嘅朋友一齊去!」
幾時去:「 8-9月。」
2018去邊好 | 30位旅遊達人+名人出走大計

29 | 上田莉棋@旅遊作家

想去邊:「烏干達睇大猩猩gorillas。」
和誰去:「自己一個。」
幾時去:「6-8月。」
2018去邊好 | 30位旅遊達人+名人出走大計

30 | 夢妮妲@塔羅解夢師

想去邊:「墨西哥。」
和誰去:「學解夢的學生同麻利。」
幾時去:「秋天。 」
2018去邊好 | 30位旅遊達人+名人出走大計

有到日本旅遊前要了解的實用資料嗎?

日本是香港人最愛的兩大旅遊地點,去旅行前必看5大旅遊保險保障新冠肺炎的比較,另外為你推介日本10大好用電話卡,亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話

日本已開放自由行,有最新的旅遊景點推介嗎?

想要行程推薦的可以參考以下資訊:大阪自由行攻略富士山28大景點福岡自由行懶人包東京自駕遊路線