全球星戰 3大最新Star Wars前哨展

旅遊

廣告

今時今日,科幻片製作費賤過地底泥,搵人拍3條太空片Trilogy,演出連拍攝都只係得嗰$500-$700,相信連佐治魯卡斯都會得啖笑!貴為一代經典的《星球大戰》當然唔會咁慳皮,為了迎接12月上映的全新系列,世界各地都已準備好將前六集經典重溫,不死的角色及場景,以不同面貌重生:既有三千萬重本塑造的蠟像館、亦有黑武士現真身開光的巡迴展,新一輪經典對白唔再係「願原力與你同在」,入場前記得問自己:「What Forces shape you? 」

絕地武士蠟像館
103_Madame-Tussauds

去過香港蠟像館的朋友,可能都曾經見識過無間道江華、似甄子丹嘅吳彥祖、扮Do 姐嘅MJ,有時真係令人懷疑Madame Tussauds 這門手藝是否失傳……好在!倫敦總壇沒令人失望!上月全新開幕,是重本擴建的《星戰》新展區,未計場景設置,單是塑造角色蠟像,都已耗資250萬英鎊,即是超過三千萬港元;金額還是其次,入場的朋友都大叫「好似好似」,因為蠟像館畀足心機、聘用180位專家車輪戰幫每個來自不同星系的主角磨皮上色,連額頭嘴角的汗毛都係由工作人員徒手逐條逐條縫紉上去,值得Fans 買張機票近距離欣賞!

Fans get a sneak peek at Madame Tussauds' new Star Wars experience
千絲萬縷的猿族朱兒(Chewbacca),兩米高的身型、梳理幾十萬條色澤不同的體毛,工作人員足足花了1,000小時!好在可以分工合作,如果叫一個人孭晒上身,肯定佢係前世做錯事。
208n Kenobi and Darth Maul 3
16個經典角色、11個關鍵電影場景,Obi-Wan以Ewan Mcgregor首集的形態揮劍,回春!
203
莉雅公主被挾持的場景「Jabba’s Throne Room 」、是露肉最多的主角,肌膚上色層次也最巧功夫!
202
經過那些年,福伯回到1979年最初的起點,不單女粉絲搶住玩Selfie,電影迷更期望今日的福伯可以來跟當年的自己合照!
204
由於展區都預留給打鬥和太空船場面,孖寶機械人C3PO和R2D2只能棟喺水皮布景板前娛賓,美中不足啊!
207a
首集的三人對決場面「Duel of the Fates 」係佔地最大情景、樓底佔地兩層,大人細路都可以參與格劍(是的!場內提供後備激光劍,請小心使用原力!)

官網更發放了一段蠟像製作過程,身為《星戰》粉絲又點可以錯過!

Madame Tussauds London

地址:Marylebone Road, London NW1 5LR (顯示地圖)
電話:+44-871-894-3000
票價:33英鎊/HK$393(蠟像館全票)
時間:9am-7pm
網址:www.madametussauds.com/London/

延伸閱讀:【上海】提前搶金!!上海迪士尼旗艦店

天行者身世軌跡

若你覺得蠟像硬掘掘不夠睇頭,那就不要錯過由識得郁黑武士帶隊導賞的歐洲巡迴展!這個Star Wars Identities 展覽不以場景掛帥,卻將《星戰》的宇宙觀似模似樣地拆解,觀賞旅程注重參觀者的參與,入場時每人獲發一條手帶,對應展板可以作出不同的選擇,然後依從不同路徑走入角色成長的旅程!這個巡迴展在歐美多國輾轉擺陣,繼去年尾在南法里昂插旗後,上月尾正式在德國科隆開幕。由於展覽兼顧故事情節、道具陳列及電影宇宙觀,在Fans 心目中評價甚高,開展首個月還需要網上預訂購票!

301
上月尾,以黑武士為首的帝國遊行隊伍,帶同展覽館直幡,抵達科隆大教堂前壯聲勢!
'Star Wars Identities' Exhibtion Press Preview & VIP Opening
開幕日,還有名人紅地氈─《帝國反擊戰》的雪怪Wampa與女嘉賓好耐無見!
1233
展覽注重設計,單是7款海報已見品味─角色臉相仔細看,都是由《星戰》世界物件,譬如鈦戰機、戰艦、士兵、武器等精密排列組合而成!
306
策展團隊以「What Forces shape you? 」作為主題,條路自己揀,入魔唔好喊……
307
反正新片飛船都用電腦畫,電影公司豪爽獻出拍攝用過的大批模型,總好過入倉封塵。
add04
喜歡黑武士角色的朋友值得參觀這展覽,因為導賞旅程會展現出「難為正邪定分界」的悲劇命運旅程,好有深度咁!

嫌只看相片不夠喉?立即觀看以下短片感受現場氣氛吧!

Star Wars Identities@德國科隆站

地址:Corintostraße 1, 51103 Köln( Kalk) (顯示地圖)
日期:即日至9月30日(周六及周日休息)
票價:24Euro/HK$209
時間:9am-7pm
網址:www.starwarsidentities.com

延伸閱讀:今年新開 3間台北年輕平價酒店

黑帝朝拜死亡星

三個展覽中,以東京這個最就腳、入場費最平、展期亦最短,不過地位亦唔輸蝕!因為《星戰》導演向來自認係日本已故大導演黑澤明Fans,選址六本木Hills 高層的展覽,亦有親自拍片解說作品意念!戲服展出部份無甚睇頭,不過單係武器庫以及死亡星模型,已經值回票價!

401
入口每15秒發放聲光效果,懸卦在半空的死亡星模型,是焦焦聲的焦點所在。
403
另加¥500上展望台,還有戶外拍攝區,可以(但唔一定全副武裝)與黑武士合拍格劍紀念照。
405
周邊商品,包括彩繪白兵蛋糕,名副其實係整餅。

最後再看一下日本傳媒方面的現場直擊吧!

スター・ウォーズ展

日期:即日至6月28日(無休)
地址:東京都港區六本木6-10-1 ,六本木HILLS森塔52層 (顯示地圖)
時間:10am-10pm
票價:¥1,800/HK$112
前往:地下鐵大江戶線及日比谷線「六本木」站直達
網址: www.roppongihills.com/tcv/jp/sw-visions/

最後仲有《星戰》未來大計畫 ~R2D2 X ANA 彩繪飛機 秋季登場!

106

早前ANA宣布與Lucasfilm推出為期5年的合作大計,頭炮項目係將最忠誠的《星戰》藍白機械人─R2D2升級變成主題客機,真身將於今年秋季登場!
網址:www.ana-sw.com

延伸閱讀:
【加州】Legoland酒店 首批入住者竟然係飛龍?!
Kumamon帶隊!4日3夜玩轉熊本!