【比利時】「滑鐵盧」戰役200周年 積木、Cosplay還原失敗真相

好多人都知道「滑鐵盧」代表失敗、撻Q、瀨嘢、衰咗，但關於這場拿破崙人生上輸得最徹底的戰役，原來唔少歐洲新一代都對當中細節唔清唔楚！作為戰敗國的法國人素來低調唔認衰、連最叻抽水恥笑人的英國青少年，都唔知當年邊個打邊個！今年6月18日正是「滑鐵盧戰役」200周年紀念，戰役原址的比利時小鎮Waterloo「滑鐵盧」，就決定用三至八十歲都中意的Lego 積木介紹拿破崙人生的事蹟，名為「History in Bricks 」的展覽上，用上超過120萬塊Lego 創造出拿破侖人生中多個關鍵場景，例如經過凱旋門、與妻子走出居所Malmaison Castle，當然不少得打「滑鐵盧」之役的獅子丘等，但Lego 迷要失望的是，是次展覽貫徹Lego 不流血的原則，並無打鬥場面，想知歷史真相？相信要睇鎮上的真人演繹啦。