【夜媽媽又口痕】四款必試瑞典朱古力零食@為何斯德哥爾摩沒有譚仔三哥
【夜媽媽又口痕】四款必試瑞典朱古力零食@為何斯德哥爾摩沒有譚仔三哥

【夜媽媽又口痕】四款必試瑞典朱古力零食@為何斯德哥爾摩沒有譚仔三哥

三家姐我終日無所事事,除咗成日喱埋係屋企對住部電腦,最鐘意嘅就係行超市架喇!
今次同大家分享下我同程至美合選嘅幾款心水朱古力零食,有機會嚟到瑞典要試下。

snacks5

▲KEX朱古力威化

咬落口感就似KIT KAT,不過味道都幾大分別。
D朱古力偏甜,而且唔知點解我形住佢有D煉奶味。
每次一食就食兩包先夠喉,呢個有機會真係要試呀!

 

snacks4

▲CENTER拖肥軟心朱古力

聽個名叫Center都應該估到佢個涵有D竟轟。冇錯,佢入面有係有拖肥軟心架。
呢款係程仔最愛,味道偏甜。(又偏甜,其實瑞典人食野真係好Q甜。)
我個人就麻麻,因為我有蛀牙呀,一食就癡住曬好痛。
誠意推介比冇蛀牙嘅朋友。

snacks2

 

▲Ländia朱古力波波

我諗呢個可以話係瑞典版嘅糯米磁。
外面癡滿曬椰絲,中層係朱古力皮,而個心係軟綿綿嘅綿花糖。(比綿花糖再軟D,其實唔知咩嚟。)
個人推薦放雪櫃雪凍少少先食,感覺反而冇咁膩。

呢款簡直係我至愛呀,而且個樣又靚,送禮一流!
不過如果買番香港最好hand carry,我試過將佢放落行李寄倉,番到香港成盒波撞到溶溶爛爛。

 

snacks3

 

▲Daim焦糖朱古力

一個字:脆。

外層係薄薄嘅牛奶牛古力,內層係值十個脆嘅焦糖涵。
個朱古力皮其實真係好鬼死甜,不過好彩入面個焦糖涵少少苦苦地又balance到喎。

呢款誠意推介比冇耐性鐘意咬糖、朱古力嘅朋友。

 

 

其實瑞典嘅好味零食又點止呢幾款,有機會再同大家介紹多D。
不過我最掛住嘅都係樂天熊仔餅同家頓朱古力手指呀。

延伸閱讀:

【肥蝦之養成】瑞典仲夏三大必食海產@為何斯德哥爾摩沒有譚仔三哥

沖繩玩水攻略 水底潛 天上飛 必玩!

最新吃喝玩樂資訊