首爾平食生猛海鮮鍋｜每人$100勁食龍蝦、鮑魚！
文：Kassidy ｜圖：Fion
首爾 海鮮鍋 唔使去鷺梁津市場
一般人去首爾食海鮮，都會揀去鷺梁津市場即揀即煮，但時有聽聞鷺梁津劏遊客，所以直接去餐廳食海鮮鍋最好不過，明碼實價，唔怕畀人呃！韓國海鮮鍋一般都有分大、中、小三個尺寸，除番開每人百幾蚊就埋到單，超抵食！
#01｜30cm 人氣海鮮鍋 팔팔해물탕
港幣500蚊，竟然食到一盤30cm長的海鮮鍋。食勻原隻加拿大龍蝦、4隻韓國鮑魚、生猛八爪魚，眼前的海鮮被活生生滾熟非常嚇人，但這才是100%新鮮的海鮮鍋。鍋內海鮮數之不盡，食完的海鮮殼夠放滿兩個小垃圾筒。
原隻龍蝦新鮮上枱！
以為韓國海鮮鍋一定辣到 要瘋狂灌水就大錯特錯，八八海鮮鍋旨在與別不同，湯底帶有蝦鮮味，比一般海鮮鍋較著重海鮮的原有味道，而非一味用辣醬掩蓋鮮味。重點是來自加拿大的龍蝦由水缸撈出，再放上鍋不過5分鐘時間；龍蝦肉嫩滑易入口，趁成隻龍蝦熟透，但仍未全隻浸在湯底前就要動筷，確保食到龍蝦最新鮮的味道！另外只數貝殼類都有六、七款，還有原隻大蟹。
貼心服務 老闆親自拆殻
在所有海鮮熟透之前老闆就會在鍋前揮動剪刀，將所有海鮮拆殼、分件，一夾上手就可以即刻放入口，貼心!
海鮮湯底炒飯 讚口不絕
每枱客人食完海鮮鍋之後，都會點一個炒飯，當然唔會執輸叫埋一份。老闆就會即刻從吃剩的海鮮湯底裡舀出一勺湯，然後加到炒飯裡，灑一點紫菜，再用鐵板呈上，非常入味！
팔팔해물탕（八八海鮮鍋）
地址：首爾銅雀區汝矣大方路22街14-3（顯示地圖）
電話：+82-(0)2-817-2789
營業時間：11:30am-10:30pm，星期日休息
交通：地鐵7號線「 波拉梅 」站2號出口，步行約5分鐘
#02｜地膽先識去 人均$100海鮮鍋 100 년의 꿈 제주해물탕
店舖遠在江東非遊客區，中午繁忙時間只有韓國本地人，這裡打正旗號賣濟州出產的海鮮，煮法跟足當地製法。足料、新鮮，是海鮮鍋的基本：招牌海鮮鍋有齊扇貝、鮑魚、蟹、蝦、蜆等十多種海產，阿珠媽會將每個海鮮鍋都砌得非常四正，令每位食客開火前都要打個卡先！
勁辣湯底 超生猛八爪魚
九成海鮮在上枱時仍然非常生猛，八爪魚仲不停想爬出嚟。滾約10分鐘，湯底變成橙紅色，齋聞嗰陣辣醬味湧上鼻，店內阿珠媽會幫每位食客先盛一碗海鮮湯，不嗜辣就敬請say no。
狂𩟔鮑魚 除開每人$100
最貴一鍋HK$630，6個人食綽綽有餘，而且配餐有焗鮑魚，加上鍋內接近有10隻韓國鮑魚超豐富。由明洞坐地鐵去約45分鐘，建議午飯時間前往，食完再去江南區行街！
100 년의 꿈 제주해물탕（100年的夢 濟州海鮮鍋）
地址：首爾江東區千戶大路1226（顯示地圖）
電話：+82-(0)2-488-0956
營業時間：11:30am-10pm
交通：地鐵5號線「 吉洞 」站3號出口，步行約13分鐘
#03｜最抵食！ 芫荽控首選 밀리네해물탕
有時喺梨大行完街，發現附近無咩好食？其實同樣在梨大站，韓衣一條街的對岸有非常多的餐廳！特別有一間人頭湧湧、非常隱蔽的海鮮鍋餐廳，食得嘅都係韓國人，而且超抵食，$400就可以食到7-8款海鮮！
4人份量 唔使$100食得飽
呢間主打最抵食，所以龍蝦等貴食材就比較少見。不過，鍋內同樣有鮑魚、蝦、蟹、蜆、八爪魚等等，4個人食一鍋「大」海鮮鍋都一定夠飽！配菜極多，也有很少在韓國配菜中出現的柚子味沙律。
芫荽控不能錯過
海鮮鍋上枱時會有一大堆芫荽在海鮮鍋上，芫荽控一定會無比興奮！韓文的芫荽叫作「파슬리」（讀音：pa-sul-ri），如果不想要芫荽記住要同阿珠媽講定！
밀리네해물탕
地址：首爾麻浦區大興路30街18-5（顯示地圖）
電話：+82-(0)2-719-5113
營業時間：11am-11pm
交通：地鐵2號線「 梨大 」站5號出口，步行約3分鐘
下一頁：首爾韓牛！ 平食 1++頂級韓牛｜$130 無限食 馬場洞以外 3 大選擇
延伸閱讀：輕鬆平遊首爾！$500入住明洞新淨酒店
簽賬即享1蚊1里加抽獎送機票！全新DBS Black Card信用卡優惠即睇詳情！
成功申請DBS COMPASS VISA即送你ELLE Vortex 24吋鋁框行李箱，詳情按此！
相關閱讀：首爾吃蟹！ 韓版蟹道樂「大蟹天國」勁食帝皇蟹 + 24小時𩟔蟹店
