東瀛遊殺入大阪開酒店|$950/晚起 免費宵夜放題+啤酒清酒任飲+Wi-Fi蛋
東瀛遊殺入大阪開酒店|$950/晚起 免費宵夜放題+啤酒清酒任飲+Wi-Fi蛋

東瀛遊殺入大阪開酒店|$950/晚起 免費宵夜放題+啤酒清酒任飲+Wi-Fi蛋

做開旅行團、自由package的東瀛遊EGL,最近喺大阪開了的第一間酒店,不但地點便利,仲有大量免費的設施!最近聖誕、新年長假都就到,好多人都會乘機同朋友、家人一齊出遊去旅行,可以瘋狂購物食海鮮。如果仲未搵到酒店,不妨考慮一下!

文:Cynthia|圖:Fion、相關機構

記者直擊!東瀛遊插旗 大阪開酒店

位於大阪惠美須町的「OSAKA HINODE HOTEL 逸の彩」,是EGL東瀛遊首間斥資建造的酒店,因為東瀛遊發現香港人特別熱愛去大阪旅行,但當地酒店供應不足,很難訂房,因此決定自己開一間新酒店,酒店剛於11月22日開幕,記者親身試住,即睇以下住後感。

東瀛遊 大阪 酒店
OSAKA HINODE HOTEL 逸の彩是EGL東瀛遊首間斥資建造的酒店。
酒店頂樓,就可以睇到著名景點通天閣。
酒店頂樓,就可以睇到著名景點通天閣。

勁多免費貼心服務 迎合港客

與一般商務酒店不同,「逸の彩」大sell免費,酒店提供各種免費服務,設施應有盡有就連Wi-Fi蛋都可以免費提供畀住客,唔想浪費錢,就要睇清楚有咩服務可以享用啦!

東瀛遊 大阪 酒店
有免費服務絕對是加分點。

免費位1:宵夜放題 任食拉麵

每晚10至11點,酒店大堂即會大排長龍,因為有完全免費的宵夜放題!宵夜放題提供的食物一點也不吝嗇,有即叫即煮的拉麵,完全不限碗數,可以食完一碗又一碗!

東瀛遊 大阪 酒店
一到晚上住客都排住隊等食免費宵夜。
東瀛遊 大阪 酒店
即叫即煮仲有兩塊叉燒,食落味道都不錯!

拉麵由熟手的師傳即叫即煮,麵條彈牙,湯底喝起來十分濃郁,加上肥瘦恰到好處的叉燒,葱仲係任加,夜晚食一碗實會好溫暖!

東瀛遊 大阪 酒店
拉麵每一碗都即叫即製,食落味道不錯!
東瀛遊 大阪 酒店
叉燒大大片,咬落不會過硬,肥瘦適中。

免費位2:宵夜時段酒精任你飲

除了拉麵之外,每晚10至11點提供好多酒精免費任飲,酒類包括啤酒、燒酒、清酒,仲可以自己溝果汁酒,難怪每晚大廳都會集合大量人群,十分熱烈。每次一飲完,職員都會迅速補貨,不怕喝得不夠盡情。

東瀛遊 大阪 酒店
啤酒放題,飲到你醉!
東瀛遊 大阪 酒店
任飲的酒精包括燒酒。
東瀛遊 大阪 酒店
更可以自行溝酒。
東瀛遊 大阪 酒店
自製cocktail無難度。
東瀛遊 大阪 酒店
色彩繽紛的果酒選擇多多。
東瀛遊 大阪 酒店
另外還有日本酒無限供應。

免費位3:24小時飲料吧

大廳設有24小時的飲料吧,可以無限沖製咖啡、熱茶,飲果汁、汽水都可以任飲,就算係半夜想沖杯麵,但又怕酒店的熱水壺唔夠乾淨都無有怕,大堂都有熱水畀你任沖!

東瀛遊 大阪 酒店
大堂的自助飲料吧,是24小時服務的。
東瀛遊 大阪 酒店
所有果汁都可以任飲!

免費位4:任拎日用品

女生如果著重護膚,或者忘記要帶護膚品、爽膚水等去旅行,可以去大廳任拎洗臉奶、爽膚水、Lotion、髮膜、頭髮橡筋等,非常貼心。而酒店更有單車、嬰兒車等免費借用,方便到可以咩都唔帶就可以去旅行!

東瀛遊 大阪 酒店
日用品放在大廳可以任拎。
如果想做做運動踩單車,酒店都有免費單車供應!

免費位5:借用Wi-Fi蛋

為了滿足遊客,酒店更提供不少貼心的免費服務,包括免費的Wi-Fi蛋租用,限量100個,採先到先得制,無得預約,想租用就記得早點去前台!記者實測用足一日都唔使充電,而且就算已經check out,都依然可以租用埋當日,回酒店取篋時歸還,超級方便!

東瀛遊 大阪 酒店
Wifi蛋都可以免費借用。
東瀛遊 大阪 酒店
完全免費,只需花兩分鐘填表格即可。

免費位6:日本文化體驗

逸の彩酒店每一日都有不同的日本文化體驗,全部免費,適合想了解日本文化又不想日日跑行程那麼累的人!每天的下午5-6點都有拉麵製作堂,星期一、三、五的和服體驗,星期二的章魚燒、鯛魚燒堂等等,活動十分豐富。

東瀛遊 大阪 酒店
逢一、三、五都有和服體驗,想試和服影靚相,不用四圍搵。
東瀛遊 大阪 酒店
另外還有日式料理工作坊,可以自製章魚丸!

免費位7:超豐盛自助早餐

酒店提供的早餐超級豐富,包括溫泉蛋、乳酪、韓式泡菜、三文魚、沙津吧、熱湯、納豆、甚至西式的煙肉、麵包等,由朝早6點半供應至10點,食飽先出發玩大阪!

東瀛遊 大阪 酒店
無論是中式、西式都有供應。
東瀛遊 大阪 酒店
乳酪可以任加水果!
東瀛遊 大阪 酒店
仲有溫泉蛋!
東瀛遊 大阪 酒店
超級豐盛的早餐,選擇非常多。

地點便利 鄰近設施齊全

東瀛遊開的酒店,當然了解香港人的需要,另一大優點就是地點超級方便,距離車站惠美須町駅5號出口只有近1分鐘步程距離,基本上一出車站行兩步就會見到酒店,每日出遊、回酒店都非常方便,1小時內就可以到達關西機場,可以玩盡每一分鐘!

東瀛遊 大阪 酒店
酒店距離車站惠美須駅5號出口,只有近1分鐘的距離。
東瀛遊 大阪 酒店
基本上一出車站就會見到酒店。

酒店被Family Mart及Lawson兩間便利店包圍,右側就是24小時營業的超便宜玉出超市,可以大掃熟食、壽司、杯麵、薯片等,就算來不及買手信,都可以在走之前掃貨!對面就是港人每次去日本必吃的「松屋」牛丼店,另外還有營業至凌晨的拉麵店,完全不用怕肚餓!

東瀛遊 大阪 酒店
行過一條馬路就有好多食店!
東瀛遊 大阪 酒店
便利店都係一落街就見到。
東瀛遊 大阪 酒店
著名的玉出超市就喺隔籬!
東瀛遊 大阪 酒店
24小時營業,夜晚想平掃杯麵都無問題!
東瀛遊 大阪 酒店
返香港之前想掃手信可以盡情買呀!

對於遊客來說最方便的,就是類近很多著名的景點,包括5分鐘就到的通天閣、15分鐘到達的黑門市場等,去核心景點難波、心齋橋亦只需坐2個站,以地點來說很方便!

東瀛遊 大阪 酒店
登上頂層可以見到的通天閣的地標鐵塔。

日式設計 勝在細節

記者踏入酒店的第一個感覺,就覺整體設計十分日本,酒店外面採用了京都祗園設計,大堂的天花、前台的織布背板,上至採用了琉球榻榻米的地板,以及和式花紋的牆紙等,每個細節都花了心思。

東瀛遊 大阪 酒店
大廳的牆紙亦很有日式感。
東瀛遊 大阪 酒店
每一間房的牆紙花紋都不一樣。

貼心位1: 睡眠三寶

每一張床都會配備兩個枕頭,其中一個是11cm,仰臥瞓的人會較適合,而習慣打側瞓的話,則可以用另一個14cm的枕頭,枕頭一邊是軟,一邊是硬的,為不同需要的客人設計,十分貼心。

東瀛遊 大阪 酒店
兩個枕頭大小不一,因應不用客人的要求。

而床的軟硬程度亦經過研究,酒店發現在1至10度之間,最多人喜歡7度的軟硬感,而每張床褥都舖上了記憶棉,瞓覺都會特別舒服。棉被則特別挑選了鵝絨被,冬暖夏涼,蓋在身上又不會太重!

東瀛遊 大阪 酒店
無論是床褥,還是棉被,酒店都經過了精挑細選。

貼心位2: 特大雪櫃放水果

一般酒店的雪櫃都係細細個,畀你放多兩枝水就會滿,但去到日本點會唔買水果食!逸の彩房間內的雪櫃比一般的大,可以容納一個大大的蜜瓜,想雪住先再拎返香港都無問題!

東瀛遊 大阪 酒店
大大個雪櫃,最適合想買水果夜晚食的人。

貼心位3:中、英、日、韓職員幫助

去日本最怕言語不通,逸の彩的大堂每日都會有不同語言職員當值服務,無論是問路,還是請店員幫手訂餐應,都無問題好樂意服務!

東瀛遊 大阪 酒店
每日都會有不同國籍的職員當值,不用擔心言語不通。
東瀛遊 大阪 酒店
如果想book餐廳,都可以請酒店職員幫忙!

明年加設 5層溫泉

逸の彩酒店現時已經可以訂房入住,同時酒店旁正在興建一間5層高的溫泉旅館,第一層是Gym Room,第二層是男士大浴場,三樓是溫泉大浴場,另外更有15個房間,用來租借浸溫泉。旅館預計將於2018年11月,之後入住就可以在市區內盡情浸啦!

東瀛遊 大阪 酒店
溫泉將興建在酒店旁,1年後就會完成!
東瀛遊 大阪 酒店
由600米提出來的深層水,對於美容有實際的功效。

東瀛遊 大阪 酒店 各種套票優惠

套票01:聖誕旅行團

做開自由行套票、旅行團的EGL東瀛遊,更結合逸の彩酒店推出旅遊套票,以聖誕旺季來說,5天團包國泰機票、住宿、LEGOLAND、環球影城門票等,只需HK$6,720,可以玩埋嵐山、奈良、京都地下街等熱門景點,一家大細去唔使煩!

東瀛遊 大阪 酒店
東瀛遊為配合酒店開業,新推出不少大阪一日遊,最適合不想日日plan行程的人。
東瀛遊 大阪 酒店
東瀛遊與大阪餐廳合作,入住酒店則可以有額外折扣!

套票02:機票連住宿

東瀛遊亦與Peach合作,推出3日2夜酒店套票,雙人大床房包早餐,每位是HK$2,788,優惠期至2018年3月24日,想自由玩唔想跟團的話,亦是一個好選擇。

東瀛遊 大阪 酒店
如果不想跟足團多啲自由時間,酒店連機票亦是不錯的選擇。

套票3:淨房價優惠

只想訂房的話,目前無法直接去東瀛遊分行訂房,一定要於網上訂購,雙人房Double Room價錢為HK$952起(以Agoda房價為準),如果新年想同家人一齊去旅行,不妨早啲去訂啦!

東瀛遊 大阪 酒店
單是房價,兩個人包早餐亦只需$952起,不算太貴!
東瀛遊 大阪 酒店
酒店的每一個房間的設計,都花盡了心思。

OSAKA HINODE HOTEL 逸の彩
地址:大阪市浪速區恵美須西1-2-10(顯示地圖)
電話:+81(0)6-7777-9789
房價:雙人房$951起(不包早餐)
網址:hinode-h.com/tc/
交通:地下鐵堺筋線,從惠美須町站5號出口步行1分鐘

下一頁:【日本便利店】又到士多啤梨季節!28款新登場士多啤梨零食、雪糕、甜品、飲品

最新吃喝玩樂資訊