其實食咩都唔緊要，最重要係同邊個食@小盛女
廣告
人長大了自然比較多時間自己一個人吃飯，大多都是因為加班太晚來不及回家吃飯，以前可能還會想約朋友一起吃飯，順便聊聊天，但出來工作後顧慮也多了，會猜想朋友是否有空陪自己，會否覺得我很煩呢？而且有時下班已經累得要死，根本懶得再去和朋友夾地方夾時間吃飯，而且自己一個的話喜歡吃甚麼都可以，可能在街邊吃魚蛋，可能吃碗車仔麵，不需要問人意見，多自由自在。
雖說自己話晒事，但一個人吃飯總會覺得不夠過癮，就算去同一家餐廳吃同一個菜，總會覺得上次和朋友們一起吃時更美味，而且一個人只可以叫一款菜，味道很寡，最可憐的是一個人通常都要「搭枱」，有時和情侶一起坐真的想死，肉麻的疊字不停飛過來，真的「食飯也中槍」，只想快快吃完離開，免得眼冤。
不過有人陪亦未必是好事，久不久我也會和老闆出席應酬飯局，通常都有「好西吃」，去乜乜米芝蓮餐廳，環境靚、食物水準高、服務又好，但整頓飯都吃得很拘謹，連伸手出去夾食物都要很小心，否則夾不穩就會失禮（我還未學懂正宗拿筷子的手勢），不停要斟茶給人，腦袋又要不停轉，想想下一句說甚麼好以免dead air，適當時候又要陪笑，真的很累，所以完全不會覺得那頓飯好吃。
「點呀今日晏晝同老細去食米芝蓮餐廳係咪好正？」媽媽說。
「麻麻啦，啲嘢食得個樣，都唔好味嘅，你整嘅蒜頭豆豉排骨咪仲正。」我說，並立刻夾了兩大嚿。
「傻嘅，阿媽點同人啲哋大廚比呀，我呢啲普通嘢嚟啫。」媽媽說。
「真心，我覺得你煮嘅嘢係全世界最好食。」我說，媽媽沒有再回應，只是暗暗地偷笑。
其實有時和父母在家吃一頓家常便飯，食物可能很普通，不是蒸水蛋便是炒菜心，但我就可以放下面具做回自己，盡情放鬆充電；和朋友們去大排檔吃小炒，環境不是特別好，但可以大聲說大聲笑，大罵老細或說公司八卦減壓；至於和另一半，其實真的吃甚麼也沒所謂，甚至是去快餐店都會覺得很幸福，因為食物永遠都不是主角，重點是和誰吃而已。
「唔知點解我覺得今晚碗車仔麵特別好食，個辣汁好爽呀！」我說。
「普通嘢嚟咋喎，其實你唔使特登同我食平嘢。」男友Mike說。
「同你一齊食乜都覺得咁好食㗎啦嘻嘻，況且邊個話平嘢無好？」我說。
「哈哈，好啦好啦出咗糧再帶你周圍去食好西！」Mike說。
