【出街搵食】抹茶控出動!大阪150年茶室宇治園登港 15款必食甜品推介|尖沙咀甜品|
【出街搵食】抹茶控出動!大阪150年茶室宇治園登港 15款必食甜品推介|尖沙咀甜品|

【出街搵食】抹茶控出動!大阪150年茶室宇治園登港 15款必食甜品推介|尖沙咀甜品|

再有日本百年茶室過江來港!這間來自大阪心齋橋的宇治園,在日本當地已經有近150年歷史,最近登陸尖沙咀海港城,設有可供堂食的茶室、外賣店和禮品零售店。主打煎茶、焙茶及抹茶,最吸引就是一系列的抹茶雪糕及茶類甜品,當中還有香港限定的雪糕芭菲,以下15大必食甜品,抹茶控快啲記低。

撰文:ning 攝影:Tony、網絡圖片

百年老字號 紅爆大阪心齋橋

講起日本抹茶店,你會想起中村藤吉、辻利,但原來這間宇治園同樣歷史悠久。1869年在京都山城町開業,二次大戰後始創人有感大阪商業將會紅起,決定搬至大阪心齋橋設立本店,至今已有近150年歷史。初時以煎茶及焙茶起家,而且以茶飲為主,直到80年代才開始用抹茶來做甜品,一直都是心齋橋必去的名店,在全國更有廿多間分店,遍佈日本多條知名商店街及百貨公司。

大阪本店位於心齋橋商店街,樓高兩層,上層是茶室,下層則是外賣店及禮品店。

香港店茶室 坐低歎限定芭菲

今次登陸的香港店,是品牌繼上海店後第二家海外分店。店內分成喫茶店(茶室)、外賣店及禮品店,當中喫茶店有30多個座位,主力供應各款茶類甜品、飲品,以及小量生茶麵等鹹食,Menu跟足日本本店,超過25款甜品,絕對花多眼亂。唔想有選擇困難,可以即睇以下必食推介。

最新吃喝玩樂資訊