4.5米高水晶球！百年古董水晶球展覽聖誕好去處 @ Miss Sunny

以前聖誕交換禮物，Miss Sunny都會收到水晶球。搖一搖就見到漫天飛雪嘅小小世界，完全想令人置身其中，感受聖誕氣氛！今年去上水廣場就可以變成巨型水晶球嘅主角喇！唔單止有4.5米高立體幻彩水晶球裝置，仲可以一睹由奧地利維也納水晶球博物館帶到香港嘅逾60件精選作品。趁聖誕一齊去參觀吧！

走入 4.5米高飄雪水晶球世界

一去到上水廣場中庭，Miss Sunny就見到大大個4.5米高立體幻彩水晶球，入面就係充滿歐陸風嘅維也納聖誕村，仲會定時飄下煙霧泡泡，只需伸手入櫥窗內，就可以輕托幻彩泡泡。被觸到嘅泡泡會一瞬間化成縷縷輕煙，再配合特別燈光效果下，浪漫度爆燈！

「Twinkle Twinkle 夢幻煙霧泡泡匯演」會定時喺水晶球內進行。煙霧泡泡配合燈光效果就更添神秘夢幻。

任睇60款華麗手造水晶球

從巨型水晶球回到現實，旁邊仲有逾60個由世紀古董至近代華麗手造水晶球畀大家慢慢欣賞。每一個水晶球都係由全球首個專利註冊，發明飄雪水晶球的Erwin Perzy家族人手製造，由奧地利維也納水晶球博物館帶到上水廣場，每一件都極具價值！喺「品牌合作」、「經典聖誕」、「古董」、「維也納著名建築」、「滑雪」、「可愛雪人」、「甜品」、「聖誕老人」、「維也納摩天輪」、「動物」和「特別設計」11大系列中，Miss Sunny 最鍾意就係 Erwin Perzy III 夫婦為今次展覽而設計嘅全球唯一Erwin Perzy家族特別版「閃亮香港」水晶球。尖沙咀鐘樓加上飄雪，再配合維港璀璨海景嘅畫作，令香港變得不一樣呢！

「閃亮香港」的聖誕鐘樓水晶球係Erwin Perzy III夫婦為今次展覽特別製作，太太 Susanne 仲親自為鐘樓上色𠻹！

Erwin Perzy 以1920s嘅奧地利著名建築物 Mariazell Basilica大教堂為主題製作水晶球。

換領限量版手造禮品

睇完展覽，Miss Sunny都心郁郁想有一個屬於自己嘅水晶球！今次上水廣場就同本地手作人A Little Bit聯乘推出聖誕限量版立體水晶球頸鏈，只要喺商場以電子貨幣消費滿指定金額或者憑指定 VIP 積分，就有機會換到一條了。除此之外，上水廣場仲準備咗其他聖誕窩心禮物——包括： Light me Christmas LED水晶保鮮花夜光瓶同三款歐陸童話曲奇禮盒等你免費換領！