Do姐再Shopping
Do姐再Shopping

《Do姐再Shopping》攀石挑戰 60歲高鈣Do姐K.O.翠如|陸永:好似曱甴咁頑強

旅遊

廣告

睇完第一集《Do姐再Shopping》最深印象一定係Do姐挑戰攀石同大show瑜伽,喺第二集出街之前,一齊回味一下第一集Do姐攀石嘅英姿啦!

文:Cynthia|圖:TVB、眾星IG、新傳媒資料室

《Do姐再Shopping》 60歲高鈣Do姐K.O.翠如

雖然Do姐已經踏入花甲之年,但練開高鈣舞嘅佢身手依然超靈活!大展身手,無懼農夫笑佢唔夠鈣,展示彭丹拱橋進化版,做出「驅魔人」式拱橋,化身蜘蛛俠攀石,陸永仲話Do姐:「生命力強過小強」攀石方面仲K.O.翠如bb!

MORIPARK Outdoor Village最特別嘅地方,就是有攀石、瑜珈同跑步場等運動設施、裝備,一向鍾意做運動嘅Do姐即時露番兩手,化身Spider Woman攀石,陸永大讚Do姐:「毅力無得彈,生命力好像曱甴!」

一向無咩運動細胞嘅翠如,鬼咁快就失敗,惟有一齊欣賞下Do姐嘅英姿啦!

至於農夫二人就挑戰瑜珈,本來以為佢哋「條筋會硬過Do姐條命」,但估唔到陸永可以成功做到拱橋、頭倒立等動作,仲被大讚有潛質!最勁都係Do姐,進化版彭丹拱橋,帶來驅魔人拱橋!

掃貨 「陸永替代器」、「鄭裕鈴鈴」

玩到一身汗,佢哋再一齊揀款式多又colourful的行山、急救用品等,當中有可以用來驅趕黑熊的鈴鐺,就被農夫稱為「鄭裕鈴鈴」,以後行山帶埋「鄭裕鈴鈴」去,就無有怕啦!

 

MORIPARK Outdoor Village
地點:東京都昭島市田中町610-4
營業時間:星期一、二、四、五:11am-8pm、星期六、日:10am-8pm
網址:http://outdoorvillage.tokyo/

延伸閱讀:《Do姐再Shopping》夥拍農夫|第一集 爆笑重溫:街頭賽車+蜘蛛Do姐挑戰攀石場