香港迪士尼限定兩個月 《魔雪奇緣》炎夏砌雪人

香港好去處

廣告

開得post就當然唔係只叫大家翻睇《魔雪奇緣》解凍咁簡單咁無聊啦,而係想話你知香港迪士尼新開嘅期間限定《魔雪奇緣》區!呢個主題小鎮由6 月11日開到8月30日,成大個鎮都會比冰雪包圍,你可以砌雪人,又可以玩雪橇,仲有歌舞表演。暑假唔駛同囝囝囡囡日日留喺屋企啦!

《魔雪奇緣》音樂劇

愛莎女皇、安娜公主及基斯托夫全部現真身!唔同語言嘅Let it go相信你喺YouTube都聽過晒,但係Live嘅你未聽過喇掛?當然仲有好多其他《魔雪奇緣》嘅歌曲啦!

涼透心甜品

雖然話就話成個鎮都比冰雪包圍姐,但話晒都暑假,點都要食d凍冰冰嘅甜品嘅。

 

下頁續:迪士尼夏日特價入場劵

精美魔雪商品

正如大家所料,主題樂園有新項目又點會唔推出相關精品呢!今次有一大堆印有愛莎女皇、安娜公主「嘜頭」嘅精品,暑假之後又一個新學期,買定D文具唔過份呀?

迪士尼「夏」雪狂熱新優惠 一個人慳400蚊

平日去迪士尼大人一張飛都成$499,去一次仲可能玩唔晒內裏嘅遊戲添。不過呢期迪士尼有個優惠,只要你一次過比$549就可以喺6月8日至7月16日期間、以及8月31日至9月30日期間分別入場一次,即是$549玩兩次,大人慳成4百蚊㗎!

預訂網扯:https://www.hongkongdisneyland.com/zh-hk/offers-discounts/play-shop-dine/

不過講咁耐,其實個新主題區都仲未開,想睇定D先?咁你就要Keep住留意我地新假期網頁同Facebook啦,事關我哋6月11日將會見證呢個《魔雪奇緣》主題小鎮嘅開幕,實行將第一手消息帶比大家!記住留意喇!

延伸閱讀︰

麥當勞有得換Nanoblock!薯條、漢堡包必搶!
紅白經典!全新可樂博物館4大必睇位!