賤萌熊到港!Pop Up Store 10樣必買「賤貨」+跳出手機親身教你跳「賤」舞
賤萌熊到港!Pop Up Store 10樣必買「賤貨」+跳出手機親身教你跳「賤」舞

賤萌熊到港!Pop Up Store 10樣必買「賤貨」+跳出手機親身教你跳「賤」舞

好賤呀!呢隻賤賤格格的「 賤萌熊 」終於來到香港了。今次佢跳出手機,由手機貼圖變真身教大家跳賤舞。今個聖誕更有見面會及賤萌熊影相位,讓你跟著他的「賤勢」擺Pose,更有全港首間 賤萌熊 Pop Up store,粉絲必買走10樣「賤貨」!

採訪:Keith | 拍攝:Tony、有關機構

賤萌熊影分身術!賤萌八兄弟真人比例 跳賤舞

本來只是手機貼圖的賤萌熊 ,今個聖誕將會跳出手機,變成真人比例的「勁舞熊」,更使出影分身術,一變變出八兄弟,每隻都有不同造型及跳舞姿勢。他們通通戴上聖誕帽及拿著聖誕禮物、圍巾及花圈,充滿節目氣氛呢!而除了影相位還有 賤萌熊 跳舞機,大家可以跟著屏幕的舞步,跳出網上熱爆的賤萌舞!

賤萌熊
商場的聖誕布置是這賤賤八兄弟,個個全身白雪雪,反而很有聖誕氣氛。
賤萌熊
每隻身上都有應該配飾,有隻更掛了整抽聖誕燈上身,希望發光發亮。
賤萌熊
每隻都有跳舞動作,大家不妨學下跳舞!
現場的跳舞機,是要對著鏡頭跳,記者特登穿得像維尼熊,希望有技術加成,可惜賤萌熊睇到無眼睇。
出盡力,扭曲面容也無於事呢,賤舞不易跳呀!(其實面容本身扭曲,都無幫助)
有「快」、「更快」及「超快」三種速度,但我希望有「慢」。活動憑場內一間商戶消費滿$100參加。
影相位有鮮豔背景,可以和朋友影靚相。
「也許相戀這條路,擠迫的懷抱」我只可擠進個死人頭,攝鏡不成功呢。
看看他們兩人多開心甜蜜,而我只負責拿出相片交給他們。
影完可以印出相片留念,但前題是你能夠入鏡呢。活動憑場內一間商戶消費滿$50參加。

賤熊見面會+教你跳賤舞

雖然八兄弟都展示著不同舞步動作,但都不及真熊來得有動感。幸好今次賤萌熊的真身都有出現,更有全港首次的見面會,更有舞蹈班教你招牌賤舞呢。見面會可免費參加,但要注意舞蹈班要憑消費參加呢!

賤熊會親身教你熱爆的賤舞,看看我們的舞姿吧!
下一秒即甩Beat,看來穿成「維尼熊」般也無用。
設計對白:「哈哈哈哈哈哈,維尼熊你想同我鬥?減肥先啦!」

全港首間 賤萌熊 Pop Up store 必買10樣「賤貨」

最重要最重要最重要,很重要所以要講三次,因為今次有全港首間 賤萌熊 Pop Up Store,可以買走超可愛的「賤貨」!雖然今次Pop Up Store細細,但都有十多樣「賤貨」畀你帶走,當中不少是連韓星如Winner隊長姜勝允、高媛熙等都熱捧的。唔講咁多,即刻睇下有咩買啦!

萌頭咕𠱸 $240-$280
超軟腍腍,可以搓圓按平,十分舒壓。
熊抱大攬枕 $320 必買走之物,可以把賤熊揹在身後,像有個暖男抱著你似的,單身腐女必備!
巨型Q版賤萌熊公仔 $320 樣子是Q版賤萌熊,但超大隻,肥肥的好有手感,攬住超舒服。
萌熊公仔 $120-$180 另外也有較細隻的公仔。
賤萌環保袋 $120-$140
這個款有外袋,放些小物很方便。
還有少女喜歡的粉紅及粉藍色,賤得來有陣萌。
賤熊鏡 $80 熊頭小鏡細細把,帶出街做化妝鏡補補妝最好。
賤萌熊方形咕𠱸$120
賤萌熊小萌包$30 做筆袋或化妝袋都可。
萌熊公仔鎖匙扣 $40-$80

荷里活廣場 X 賤萌熊 ‧舞動爆笑聖誕
日期:即日起-1/1/2018(12nn-9pm)
地點:鑽石山荷里活廣場中座
賤萌熊見面會
日期:25-26/11 ;2-3、9-10、16-17及21-26/12(4pm-7pm)
賤萌熊舞蹈班

日期:25-26/11; 2-3、9-10、16-17及21-26/12(12:30pm、1pm、1:30pm、2pm、2:30pm、3pm)

延伸閱讀:
沙田新城市亮燈! 粉紅遊樂園主題 玩煙霧泡泡、紅外線攝影達人教影夢幻仙境相|聖誕好去處

最新吃喝玩樂資訊