DIY大阪燒 登陸 康怡廣場! 道頓堀 御好燒 專門店@ Miss Sunny
DIY大阪燒 登陸 康怡廣場! 道頓堀 御好燒 專門店@ Miss Sunny

DIY大阪燒 登陸 康怡廣場! 道頓堀 御好燒 專門店@ Miss Sunny

最近天氣都幾涼,假日都係入商場比較舒適,但個個商場都差唔多,揀去邊個先最好? Miss Sunny 就覺得一個商場最緊要「啱食」!好似康怡廣場咁多不同種類嘅餐廳就最啱為食一族,而最近發現康怡廣場經常大排長龍,原來 2樓開咗間道頓堀 御好燒 專門店!今次留喺港島都可以自己動手 DIY大阪燒喇!

(Presented by Kornhill Plaza)

御好燒

自己燒餅自己燒 挑戰一下反轉技

Miss Sunny 上星期就去咗道頓堀 御好燒 專門店康怡店,未到晚飯時間已經大排長龍,可想而知幾吸引!呢間御好燒專門店有287間分店,日本國內第一的 御好燒 專門店。最大賣點就係每枱都有鐵板爐、煎鏟同醬汁,自己燒餅可以自己燒,挑戰下係咪可以一下反轉個燒餅而唔散!當然只想坐定定食,亦可以由店員代勞啦!有得食同時又有得玩,情侶拍拖或者一家大細去就啱晒!

其實御好燒即係我哋平時講嘅大阪燒,今次有得親手整又幾好玩!Miss Sunny 都係第一次整燒餅,好彩餐廳有圖文並茂教你點燒!

要煎好一個燒餅步驟並唔難,只係需要一啲耐性,倒漿後要等 5分鐘令燒餅定型,之後先反轉,就唔會散。

道頓堀雜錦 御好燒($98)一個就有齊蛋、葱、蝦、豬肉、墨魚、八爪魚、椰菜、紅薑。當然唔少得滿滿嘅大阪燒汁同唧沙律醬,咁豐富,難怪食一個就飽晒!

燒餅種類要識分 廣島燒講究

除了御好燒,店內仲有文字燒同廣島燒,雖然大家都係燒餅,但做法同口感卻好唔同。御好燒會將蔬菜、肉類同海鮮嚟個海陸空大雜燴,所有材料混合後就一齊煎,最後淋上醬汁,口感比較鬆軟,亦係最易整嘅一種。而文字燒就要先將配料砌成圓形,再喺中間倒麵糊,因為唔使反轉,上面係濕潤黏稠,下面就比較脆身,食落會有兩個層次。廣島燒就最講究,要一層一層咁煎。煎熟椰菜同配料,同時要煎好炒麵,最後先將前者放喺炒麵上,再淋上醬汁。Miss Sunny自問應付唔到,都係搵職員免費代燒好了!

雜錦廣島燒($118)用料最豐富,除了煙肉、炸魷魚、高麗菜等,仲有炒麵加持,男仔食就最啱!

除了燒餅,一樣可以煎 pancake 做甜品,香噴噴超吸引呢!

道頓堀 御好燒 專門店

地址:康怡廣場北座2樓S37-S38號舖 (顯示地圖)
電話:3584 7854
營業時間:12nn – 11pm

最新吃喝玩樂資訊