2019買大閘蟹情報!三招教你揀靚蟹分公乸 | 內附蒸蟹方法、薑茶食譜
2019買大閘蟹情報!三招教你揀靚蟹分公乸 | 內附蒸蟹方法、薑茶食譜

2019買大閘蟹情報!三招教你揀靚蟹分公乸 | 內附蒸蟹方法、薑茶食譜

大閘蟹迷等到頸都長!到了一年一度的食蟹季節!除咗大閘蟹放題,不少人也會選擇到新三陽老三陽等傳統老店買大閘蟹回家煮用。等記者找九龍城永富大閘蟹專門店老闆輝哥逐一講你知現在食公定食乸?靚蟹又怎樣揀?

撰文:ning 攝影:Man

大閘蟹
資深蟹商輝哥揀靚蟹。

湖南蟹和陽澄湖、太湖蟹有咩分別?

除咗港人最熟悉的陽澄湖、太湖蟹之外,大通湖大閘蟹都不失為一個好選擇!其實大通湖大閘蟹質素又如何?賣蟹廿多年的輝哥說:「大通湖在湖南數一數二,養殖方式拍得住陽澄湖、太湖等的江蘇蟹種;蟹膏份量亦多,蟹公有啫喱膏、黃膏;蟹乸有半軟半硬的橙黃膏,唯獨味道會比江蘇蟹稍淡,但肯定比早前的日本、台灣蟹優勝。」

大閘蟹
大通湖大閘蟹外形與以往的陽澄湖、太湖蟹沒有太大分別,只是蟹腳的毛不及江蘇蟹金黃。
大通湖大閘蟹
大通湖大閘蟹公大將軍
大閘蟹
部分蟹店仍然有賣北海道種的大閘蟹,不過其實蟹迷都鐘情國產大閘蟹。

試食太湖蟹!甘香蟹膏,濃郁軟糯!

記者試食後也發現,蟹膏的確飽滿,蟹乸亦有黃油漏出,賣相好吸引;食落質感黏糯軟滑,也有微微蟹膏香,但未及江蘇蟹般甘甜、齒頰留香。但既然是現時唯一正宗國產的大閘蟹,作為蟹迷都收貨嘅!

大閘蟹
新鮮蒸出來的大閘蟹,顏色金黃圓潤。
蟹膏膏量最多,接近9成滿,橙橙黃黃夾雜白色的啫喱膏。
蟹乸比較的骰,內裡有齊橙色的硬膏和金黃色的軟膏,口感相對地豐富。
太通蟹
除了上面介紹過的大將軍,太通蟹仲有小燕子同小霸皇供大家選擇。

現時食公定食乸?

所謂「9月圓臍10月尖」,大閘蟹食公定食乸,都要睇農曆時節。輝哥話農曆9月,應該先吃蟹乸,一次過食齊軟硬蟹膏的口感;去到農曆十月就應該食蟹公,屆時膏量最多最飽滿,啫喱膏黏稠漿口的感覺最滋味!當然亦可學內地人的食法,一公一乸食齊一對。

要食到半軟半硬的雌蟹蟹膏,就要把握農曆9月,否則到10月時就會變成全硬膏。
農曆十月臨近,公蟹的白膏愈來愈多,隨便一勺都大大塊。

閱讀更多:蟹膏滿瀉!準備出動盡情歎正宗蟹宴上海菜

3招教你揀靚大閘蟹!

講完蟹市行情同價錢,都要識得買隻靚蟹,即刻學揀大閘蟹3式。

1. 睇蟹眼

揀大閘蟹,第一步先要睇蟹眼。蟹商教路,可以輕按蟹眼對落的蟹蓋位置,該處是蟹的眼穴,若然按下時蟹仔眼仔郁郁、識眨眼就為之新鮮。

大閘蟹
圖中手指按著的就是蟹眼的穴位

2.按蟹肚

其次就是反轉蟹仔,睇蟹肚位置,乾淨潔白為佳;另外也可輕按蟹肚,質感堅硬結實代表膏多肉多,如果蟹肚軟腍,則代表蟹肉瘦削、無乜膏食。

大閘蟹
蟹肚呈潔白或象牙白色為佳
大閘蟹
輕按蟹肚,質感結實就是肥嘟嘟的蟹

3.摸蟹腳

第三步就是玩腳!可以輕拉蟹腳的尖端,如果蟹仔有反應,蟹腳有回彈,就為之生猛。如果想知道大閘蟹是否貯貨太久,可以輕搖及輕按蟹腳,無鬆脫、質感實淨、有彈性,代表蟹是新鮮來貨或只貯放了1-2日;若按落沒有彈性,甚至有虛位,就代表蟹已貯放一段時間,漸變消瘦、蟹膏減退了。

大閘蟹
將蟹腳輕輕向外拉,如蟹仔有郁動就為之生猛。
亦可輕按蟹臂位置,結實有彈力為之新鮮。

完美蒸蟹大法+食後薑茶

買完靚蟹返屋企,仲要學埋以下的零失敗蒸蟹大法。

1.紫蘇葉要放水裡面

購買大閘蟹時,通常都會附送有驅走蟹寒作用的乾紫蘇葉。坊間有人話蒸蟹時用紫蘇葉墊蟹底,但其實正確做法是將紫蘇葉放於水內煲滾,再隔水蒸蟹,避免紫蘇葉直接接觸大閘蟹而沾上苦澀味。

凍水放入紫蘇葉,使其慢慢煲滾,達致驅寒作用。

2. 蟹肚要向上隔水蒸

紫蘇葉水煲滾後,就可放入蒸架,將洗乾淨的大閘蟹反轉,大火蒸20分鐘就完成。切記不需鬆綁,而且蟹肚要向天,就可以避免蟹膏流走。

水滾之後放入大閘蟹,隔水用大火蒸20分鐘,記得蟹繩不須解開,蟹肚亦要朝天。

3.食後驅寒薑茶

大閘蟹始終是寒涼之物,所以最好食完蟹,飲杯熱辣辣的薑茶驅走蟹寒。只須將薑去皮切片,連同紅糖或片糖,於滾水內煲大約5分鐘即可。

吃完大閘蟹可以薑茶驅寒

閱讀更多:養生驅寒必飲!自製紅糖生薑茶

亦可以用薑茶湯圓代替,甜品、驅寒一舉兩得。

閱讀更多:【邊間最好食】Top10 超市湯圓 新年即食湯圓大比拼

永富大閘蟹及日本鮮果專門店

地址:九龍城侯王道47號舖(顯示地圖
電話:2718 2688、2718 2689
營業時間:8:30am-9:30pm
Facebook專頁:永富大閘蟹及日本鮮果專門店
網址:www.wingfu.hk
備註:大閘蟹價錢只供參考,建議先致電查詢。

 

最新吃喝玩樂資訊