澳門美食 ｜8大推介低至33折 @Travel佳

返工、返學咁辛苦，weekend嘅最佳節目梗係吃喝玩樂輕鬆歎世界！講到飲飲食食，阿佳都算半個專家，今次就揀咗幾個澳門人氣識食點，有齊中餐、西餐、自助餐美食同特色手信，仲有激筍信用卡著數，今個周末就出發去食到飽啦！

推介1：澳門威尼斯人「威豐味」自助午餐 買一送一

唔少港人都鍾情嘅澳門威尼斯人，有一間由香港高級餐飲集團Café Deco Group主理入面嘅人氣自助餐廳──「威豐味」，每日供應全天候24小時嘅國際自助美食。餐廳設有唔同嘅開放式廚房，由廚師即席煮調天尼特色菜、意大利薄餅、燒烤肉食和鐵板燒、傳統中式小炒、咖喱、麵食等，實行視覺、味覺享受打孖上！如果你有World Mastercard 或World Elite Mastercard，即可享成人自助午餐買一送一，所有Mastercard持卡人亦有自助午餐或晚餐85折㗎！

推介2：澳門喜來登金沙城中心大酒店「盛宴」自助晚餐買一送一

作為海鮮super fan，絕對唔可以錯過澳門喜來登金沙城中心大酒店──「盛宴」、逢周五及周六提供嘅「美式海鮮盛宴」自助晚餐！混合惹味醬汁的加拿大棕螃蟹、阿拉斯加蟹腳、俄羅斯皇帝蟹腳及波士頓龍蝦等多款鮮甜海鮮，令人無法抗拒！星期日至四就主打亞洲、葡萄牙同澳門菜嘅國際風味自助餐，唔好海鮮嘅朋友一樣有好選擇！而家World Mastercard 或World Elite Mastercard持卡人，可享晚市自助餐買一送一所有Mastercard持卡人都可享食品及非酒精飲品85折，都話咗食餐好唔一定貴㗎啦。

推介2：澳門喜來登金沙城中心大酒店「班妮」周日早午餐買一送一

星期日瞓到自然醒唔係最正，阿佳就覺得要對住個靚景歎埋個正早餐先算梳乎！同樣位於澳門喜來登金沙城中心大酒店嘅「班妮 」，正以「周日早午餐美饌之旅」馳名，自助美食包括有龍蝦、阿拉斯加蟹腳、海蝦、海蟹、海螺、青口、蛤蜊，仲有意大利進口芝士、風乾火腿……真係諗下都覺得餓。World Mastercard 或World Elite Mastercard持卡人可享周日早午餐買一送一，所有Mastercard持卡人一樣可享食品同非酒精飲品85折。

推介四：澳門金沙度假區自助餐 二人同行一人半價

澳門金沙度假區除咗係星級酒店集中地，仲係自助餐廳嘅據點！無論早、午、晚都可以食到唔同主題嘅到自助美饌！推介有主打冷熱海鮮嘅澳門金沙「888自助餐」，主攻亞洲特色美味嘅澳門威尼斯人「渢竹」，仲有充滿法式高雅格調、提供精緻歐洲美點嘅澳門巴黎人嘅 「巴黎人自助餐」。只要有Mastercard，二人同行去澳門金沙「888自助餐」、澳門巴黎人「巴黎人自助餐」歎自助早餐、午餐或晚餐，或者去澳門威尼斯人「渢竹」歎自助午餐或晚餐，第二位就可以享有半價優惠，超抵食呀！

推介5：澳門人氣經典手信 低至85折

喺眾多澳門老牌餅家之中，英記特別得阿佳歡心！皆因英記外型夠晒緊貼潮流，內在又保持傳統手工美味，實行將創新元素同傳統融合；佢炮製嘅手信禮餅系列，包裝設計精美時尚，款式選擇又夠多，男女老幼都咁鍾意，近年連門市裝潢亦愈嚟愈現代化，絕對係澳門最潮嘅老餅家！而家至2018年3月31日，用Mastercard正價購物滿MOP100就有85折喇！

推介6：澳門喜來登金沙城中心大酒店 美食特飲85折

同一大班朋友開餐，最正梗係打邊爐啦！澳門喜來登酒店嘅「鮮」係澳門獨有嘅亞洲火鍋海鮮餐廳，供應多元化特色火鍋同鮮活海鮮，誠意推介娘惹叻沙湯底，當地朋友都話正！。三五知己就可以去以太平洋為主題嘅「喜柏」歎番個下午茶，咖啡廳以茂盛嘅熱帶植物作點綴，並供應精選Tea WG茶飲系列，仲有一款混合咗綠茶、紅茶、花香果茶同熱帶芒果嘅大人氣「悦茗香茶」，女士必試！Mastercard持卡人喺以上兩間餐廳享用食品同非酒精飲品有85折優惠！

推介7：新濠影滙 9折歎地道意菜＋靚酒

想同honey過一個浪漫嘅晚上？阿佳推介你哋去新濠影滙「意．味」食番個高級意菜dinner！餐廳走時尚、悠閒風格，菜單由紐約旗艦店行政主廚Michele Mazza精心設計，每道菜都採用上乘意國食材，真係食每一啖都感受到廚子嘅心機；加埋店內嘅型格時尚裝潢，格調進一步升級。食完飯，再落酒店大堂嘅巨星酒吧，一邊淺嘗美酒，一邊談心，honey一定冧冧豬！用埋Mastercard，主餐牌食品、飲品仲有9折添！

推介8：「澳門百老匯™」33折激抵食玩套票

「澳門百老匯」最出名嘅「百老匯奇幻秀」，有火辣辣歌舞同震撼嘅奇藝表演，真係非常精彩，平時最平嗰隻飛都要MOP150，而家用Mastercard買酒店新出嘅「地道美食與精彩娛樂套票」，只需要畀MOP200，就包「百老匯奇幻秀」A區門票1張 (價值MOP280)、餐飲券 (價值MOP180)同澳門開篷巴士一天遊，原價總值MOP610，即係低至33折，超筍！

「百老匯奇幻秀」休場日子為逢星期二及其他指定日子,詳情請瀏覽www.broadwaymacau.com.mo。

以上優惠推廣期由即日起至2017年12月31日，須受有關條款及細則約束，詳情請瀏覽www.mastercard.com.hk/bestofmacau。