搖籃山
搖籃山

漫遊澳洲塔斯推介 超級靚景 搖籃山 @Travel佳

旅遊

廣告

(Presented by Wing On Travel)

澳洲塔斯曼尼亞係一個好靚嘅地方,一直都係我Travel佳嘅Bucket list,前排我終於去咗喇!今次我唔係去好長時間,所以都去唔晒所有地方,不過有一個地方真係要推介大家去,就係 搖籃山 國家公園!呢個係世界自然遺產國家公園,亦係塔斯最出名嘅國家公園,入面好多景色都好靚,好適合鍾意行山嘅人。

搖籃山 行山四大路線

成個公園分咗4條路線,分別係鴿湖環線Dove Lake Loop Walk(1-2 小時)、搖籃山登頂Cradle Mountain Summit(6-8 小時)、火山湖環線Crater Lake Circuit(2 小時)同心醉步道Enchanted Walk(20 分鐘),大家可以因應自己嘅能力選擇。因為我平時都有行山,所以就選擇搖籃山登頂路線,山頂望番落個景色真係好靚,好似人間仙境!

海鮮控至啱 平食肥美生蠔、龍蝦

其實塔斯嘅海鮮好出名,食蠔同三文魚都好平,真係好啱海鮮控!我今次喺塔斯都食唔少,生蠔、龍蝦等等,全部都好新鮮!塔斯海鮮唔止平,仲好高質素,因為呢度水質好,隻隻生蠔都好肥美,食完仲可以買嚟空運返香港。

入住得獎民宿 農場宿一宵

去到澳洲,當然要接觸小動物,今次我就入住Curringa Farm,即係農場住宿。Curringa Farm拎過唔少獎項,除咗可以喺度住,仲可以參加Farm tour,學一啲農場會用到嘅技巧、睇動物同埋行森林。住宿拎過唔少獎,當然有番咁上下,一共有六個房型,我同朋友都對間房好滿意。始終喺香港好少可以對住大自然,又有動物,個晚都瞓得特別好,而且經驗難忘。