日本Tokyu Hands
日本Tokyu Hands

日本Tokyu Hands|最受遊客歡迎雜貨+藥妝+文具小物

日本

廣告

無論你是文具控、雜貨迷抑或著重美妝的女生,去到日本點都要去Tokyu Hands「巡視業務」先安樂!最近Tokyu Hands管理課就向我們介紹了最受遊客歡迎的文具、妝物共16件,快來看看有無你的個人心水啦!

文:啦兒

【文具雜貨篇】
01|紅葉紙膠帶

繼超人氣櫻花紙膠帶登場後,當然唔少得代表秋天嘅紅葉,逐片貼又得,成條貼亦得,得咗!仲有好多新款式,紙膠帶控又要破產喇!

02|得意造型Post It

寫便條畀同事或者做筆記都成日會用到嘅Post It有好多唔同款式,當中以型男系列最具人氣,無論你鍾意小白臉定係滄桑大叔,總有一個啱你心意!

03|擦得甩原子筆

擦得甩原子筆,在香港賣超級貴,但在日本已經算普及,除了原子筆外,連熒光筆都可以擦得甩,去Tokyu Hands睇,勝在顏色同粗幼超多選擇。

04|渡邊直美杯緣子

近期大熱嘅渡邊直美出咗杯緣子,像真度高,有渡邊嘅神韻,難怪成為粉絲嘅熱搶item,部分Tokyu Hands更已經賣晒!共有5款,第5款係神秘款式。

05|Tokyu Hands 行李箱

Tokyu Hands原來有自家品牌行李箱及旅行用品系列,行李箱有3款大小同多種顏色,輕巧,試過個轆非常易轉動,如果在日本買爆篋可以考慮。

06|熊啤啤多士模

超可愛熊啤啤多士模,唔單止可以裁出熊仔形狀,熊仔仲識坐喺度!

【美妝產品篇】

愛美的女士們一定不會錯過Tokyu Hands的美妝樓層,除了護膚化妝品外,還有許多新奇有趣的產品,像貓咪和多啦A夢浴鹽及造型趣致的按摩器等,到底哪10款產品最能討女生歡心呢?現在立即揭曉!

07|貓貓沐浴球

呢個波浸於水中,待浴鹽慢慢溶掉後會出現其中一隻小貓咪,快送給身邊的愛貓咪朋友吧!

08 |Loretta Tsuya Tsuya Mu亮髮泡沫

Loretta護髮產品憑著夢幻少女系畫風加上淡淡香氣,俘虜一眾日本女生的心,當中Tsuya Tsuya Mu為亮髮泡沫,適合曲髮使用。

09|Natural Science嬰兒潔面及沐浴泡沫

Natural Science嬰兒潔面及沐浴泡沫,低刺激性溫和配方,面部及身體均可使用,營業部負責人指,特別受到遊客歡迎,許多人都會一口氣掃幾支。

10|多啦A夢浴鹽

有隨意門、竹蜻蜓、記憶麵包等法寶,也有多啦A夢日文字樣及剪影。

11|卡通人物面膜

卡通人物面膜又有新搞作!新推出比卡超、多啦A夢、Minions、海賊王、龍珠⋯⋯行埋屏幕仲可以即時睇到敷面效果,非常搞笑。

12|Magic Ball 空氣清新機

由2007年推出以來大賣 80萬部的Magic Ball,神奇之處在於溶液中的成分能吸附空氣中的雜質並沉澱到水中,令雜質無法走出來,因此達到空氣淨化的作用,對於吸附香煙的有害物質和氣味特別有效。

13|naturaglacé 有機彩妝系列

產自名古屋的naturaglacé 有機彩妝系列據說也深得日本女生的歡心,除了不刺激皮膚外,最重要是色調夠自然,不會予人濃妝艷抹的感覺,啱晒崇尚自然感的女生。

14|粉底掃

繼透明粉撲之後,日本美妝界近期掀起粉底掃熱潮,可用以沾取粉底液或粉餅,令底妝貼薄自然。

15|鶴形按摩器

鶴形按摩器不但造型可愛,入電池後,更可開啟震動功能,是按摩肩頸的好幫手。

16 | 貓貓按摩器

療癒的貓貓按摩器,滾球可以用來按摩及刺激穴道,工作到累時碌一碌,看到可愛的貓咪即刻醒番晒。