【出街搵食】大埔重開！樂富第6座牛雜麵 滷水牛腩＋厚肉金錢肚 | 大埔粉麵｜
撰文：Jacky 攝影：Tommy
樂富老虎岩 車仔檔起家
店子名稱叫老虎岩，這具殺氣的名字，原是樂富區的舊稱，也是老闆 Kenneth的出生地。父親早於40年代，就在黃大仙、紅磡等地推車賣麵。直至60年代搬進徙置區，老爸在第6座入店，叫明香園，當時七成居民也是架己冷，牛雜粉自然多人捧。
捨棄銀行工 重拾老本行
家中排名第七的兒子 Kenneth，自小對煮麵、調滷水汁瞭如指掌，然而看著麵店前的足球場，假日還得到店幫忙的他，當年總覺若有所失。 後來80年代，老虎岩遷拆，麵店結業，做飲食吃力，沒人繼承。當時剛巧中五畢業的 Kenneth 就投身銀行，似乎鬆一口氣。「或許是 DNA發作。」有感工字不出頭，銀行業的工作量愈趨繁多，Kenneth廿多年後終走出 Comfort zone，到茶記學沖奶茶，上汕頭搜羅食材，將麵店重開。
招牌牛三寶＋滷水牛腩
老店重開，牛雜依舊是主打，湯底是牛骨清湯，再撞上滷水汁，肉味中帶陣陣滷水幽香。牛肚最美味，用厚肉金錢肚，爽口小韌又甘甜；牛筋彈牙，腍得來帶彈性；牛膀夠粉，滷至入味，甘香醇和，加點富蒜香的自家製辣油，惹味。
另有汕頭牛丸麵，牛丸咬下時可感到絲絲紋理，內裡多汁，味道濃而爽彈。
也有潮式的滷水牛腩，鮮坑腩滷至入味，香甜細膩。
牛柏葉用黑色新鮮貨，搣脂洗淨雖費工夫，但就多了份香甜，彈牙帶油香，不像橡筋死韌。粉麵、炸魚皮向老朋友取貨，水準依舊。父親得悉此事，先是責備，後是著緊，現在周末都要巡舖才安心。兄弟姊妹、街坊如是，為了一碗麵，再次聚首一堂，老店的味道，又可再次回味。
炸魚皮用皮厚門鱔，沾上特製炸漿 連骨炸成，金黃酥脆，魚油香比平常的濃得多。
老虎岩（第6座）潮式粉麵咖啡
地址：大埔東昌街6-16號F舖
電話：2638 9933
營業時間：星期一至五 11am-11pm、星期六、日及公眾假期 9am – 11pm
備註：不設加一、只收現金
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
