【日本】死而無憾!東京直擊新片謝票:結衣BB望住我呀!
【日本】死而無憾!東京直擊新片謝票:結衣BB望住我呀!

【日本】死而無憾!東京直擊新片謝票:結衣BB望住我呀!

恭喜 結衣 BB!剛於 「東京ドラマアウォード2017」(TOKYO DRAMA AWARD2017) 憑《逃恥》奪得最佳女主角(視后呀!)、新片《乒乓情人夢》開畫即成為票房冠軍呀~ 上周六(10月21日),記者到東京睇結衣BB套新片《乒乓情人夢》,女神帶埋瑛太、廣末涼子等演員去謝票,有幸和結衣BB共處一室,硬係覺得呼吸的空氣都係香㗎~ 如果有機會近距離親近 結衣 BB,你會唔會好似我部電話咁失晒靈?

結衣 BB魔法:話咁易就開畫票房No.1 !

電視日見夜見結衣BB瞓身宣傳新片《乒乓情人夢》,由新垣結衣夥拍瑛太,陣容再加埋廣末涼子、蒼井優、永野芽郁等,套戲星光熠熠,怪不得開畫即奪日本票房No.1 ~

結衣BB
一次過見晒:新垣結衣、瑛太、廣末涼子、蒼井優、永野芽郁等,星光熠熠!
結衣BB
結衣BB用球拍切乒乓波形蛋糕餵瑛太試食,你睇瑛太佢幾回味呀…..
結衣BB
結衣BB切完蛋糕用來抹手的毛巾,瑛太竟然用來抹嘴!男神,其實都只不過係個平凡男人囉!

我數過: 結衣 BB望住我10次呀!

足足等了一小時,結衣BB出場梗係好多人尖叫歡呼!謝票場坐第一行,無遮擋,好似捉得到結衣BB~高瘦有氣質,喺嗰日個妝有少少膠,即使係咁,女神忠粉依然不會變心!對眼識放電咁,有圖有真相,我數過結衣BB望住我至少10次呀!

結衣BB
有圖有真相~結衣BB真係望住我~
結衣BB
結衣BB未餵瑛太食波餅前,真係再望住我~

百變結衣:工廠妹、啦啦隊及朱古力妹……

故事:從小接受母親地獄式訓練,人稱「天才乒乓少女」的多滿子(新垣結衣 飾),在母親過世後就放棄乒乓,長大後偏偏愛上乒乓球手。她以為這是命中注定,誰知男友竟然和混雙拍檔鬼混,令她傷心回鄉。多滿子在瀕臨執笠的乒乓球會遇上因傷退出拳壇的荻原(瑛太 飾),原來他也被老婆拋棄流落到這鄕下做地盤。兩個敗犬本來狗咬狗骨,但為了重新做人,二人組成了混雙,出戰全日本大賽!

《乒乓情人夢》香港上映日期:11月9日

片中有齊結衣BB的工廠妹、啦啦隊及朱古力妹等造型,萌到你心動。
片中有齊結衣BB的工廠妹、啦啦隊及朱古力妹等造型,萌到你心動。
結衣BB
《乒乓情人夢》結衣BB最爆的朱古力妹造型,你認唔認到女神係邊位?(官方圖片)

套戲劇情老正,但真係好好笑!片中有齊結衣BB的工廠妹、啦啦隊及朱古力妹等造型,萌到你心動。最突出的反而係飾演中國乒乓球手的蒼井優,瘋癲行為笑到爆肚。

結衣BB
男神瑛太宣傳時常常向結衣BB示愛,摸頭仔咁親密!快點放開結衣BB!
演中國乒乓球手的蒼井優,瘋癲行為笑到爆肚。
演中國乒乓球手的蒼井優,瘋癲行為笑到爆肚。
結衣BB和瑛太組成乒乓混雙組合,參加全國桌球混雙大賽,帶住一班losers重新振作!
結衣BB和瑛太組成乒乓混雙組合,參加全國桌球混雙大賽,帶住一班losers重新振作!

睇完戲,要搶結衣BB周邊

無劇透唔使嬲,香港11月9日有得睇!結衣BB專業級粉絲去開東京,記得睇完套戲去搶周邊商品!開畫當日在六本木山的戲院:紀念品係。要。搶!

今次電影出了不少周邊商品,粉紅心心乒乓波鎖匙扣係要搶!
今次電影出了不少周邊商品,粉紅心心乒乓波鎖匙扣係要搶!
結衣BB
人頭湧湧為了迫入去買周邊,店員要不停補貨,結衣BB好勁!

食埋結衣BB……

澀谷的T4 TOKYO Cafe推於期間限定餐單,食到結衣BB食過的激辣麻婆豆腐,仲有超大張poster和心心球拍可以自拍呀,留意只到11月5日咋!

結衣BB
成個人咁高的海報任你自拍,唔好怕羞,拎起塊板,學瑛太咁夾住結衣BB影番張相。
結衣BB
結衣BB成日拎住的心心球拍呀~大家都可以拎起自拍!
結衣BB
好想做結衣BB一手揸住的心心球拍~(《乒乓情人夢》官網ig)
開花仙人掌 ¥780/HK 即係提子味啫喱、布甸及曲奇餅。
開花仙人掌 ¥780/HK$55 即係提子味啫喱、布甸及曲奇餅。
以乒乓為主題,最正係那超激辣的麻婆豆腐意粉!
以乒乓為主題,最正係那超激辣的麻婆豆腐意粉!

T4 TOKYO Cafe
地址:東京都渋谷区神南1-12-16 ASIA BUILDING 1F/B1F
營業時間:11am-11:30pm
網址:https://t-4.jp/tokyo/

結衣BB,出沒注意!

能夠和結衣BB共處一室,你唔恨得咁多!但平民如你仲有兩個機會可以和結衣BB合照:富士電視台的主題展覽和澀谷主題 Cafe。富士電視台的主題展覽於台場富士電視台25樓的球體展望室舉行,無料免費展出片中乒乓隊球衣、球會場景,仲有波枱畀大家幻想同女神打兩手!

仲有波枱畀大家幻想同女神打兩手!
仲有波枱畀大家幻想同女神打兩手!
結衣BB
打波每位100円/10分鐘,打完仲有限定版的心心圖案波帶走,十年無運動的我,為了結衣BB落場打兩板!
無料免費展出片中乒乓隊球衣、球會場景。
無料免費展出片中乒乓隊球衣、球會場景。

富士電視台
地址: 東京都港區台場2-4-8
開放時間:即日至11月26日 10am-6pm
網址:www.fujitv.co.jp/gotofujitv/hachitama/

下一頁:新垣結衣歷年Cosplay 特集!

【日本】死而無憾!東京直擊新片謝票:結衣BB望住我呀!

延伸閱讀︰平遊東京話咁易 東京住宿攻略

【日本】死而無憾!東京直擊新片謝票:結衣BB望住我呀!

最新吃喝玩樂資訊