台式火鍋
台式火鍋

台式火鍋 │潮歎創意8道菜高質手工火鍋@Dining娜

博客

廣告

(Presented by 101手工涮涮鍋)

Photo:二筒

香港唔少火鍋店格局統一,欠缺新意,有冇諗過食火鍋都可以好似享受緊高級西餐嘅環境?每道菜都好似歎緊法式8道菜咁?走入101手工涮涮鍋,即刻被佢哋型格嘅裝潢和與別不同嘅新派氣氛吸引住。
打開半放題餐牌,估唔到 台式火鍋 都有啲似食法國8道菜嘅感覺,由前菜、主菜食起,以至時令海鮮拼盤、高級靚牛或黑毛豬,仲有創意十足嘅手工火鍋拼盤,除咗精選火鍋配料,特飲或酒精都可以無限追加,性價比高!

足料 台式火鍋

101開業前,年輕店主專程到台灣跟火鍋師傅學藝,務求炮製嘅火鍋都有地道台式風味,而且全部湯底都係每日新鮮熬製。好似人氣冬瓜卜卜蜆海鮮鍋,就用兩個幾鐘熬豬骨湯,飲落順喉舒服,師傅再將冬瓜挖成冬瓜盅,放鍋後再加入用來做清酒煮蜆嘅沙白蜆,湯底倍覺鮮甜!另一人氣台灣香辣三杯雞涮涮鍋,就將台灣 x 四川風味crossover,做法依足台式三杯雞,帶有滷水風味,同時具麻辣香,入口惹味刺激,三杯雞全用雞髀肉,咬落啖啖肉!

台式火鍋
冬瓜卜卜蜆海鮮鍋
用兩個幾鐘熬成嘅豬骨湯順喉清甜,將冬瓜盅入鍋再加入肥美嘅沙白蜆,湯底倍覺鮮甜,記住要食埋個冬瓜呀!
台灣香辣三杯雞涮涮鍋<br srcset=
依足台式三杯雞做法,同時加入辣椒乾、紅油及其他香料炮製出麻辣風味,估唔到將台灣 x 四川風味crossover,惹味又刺激!而且全用雞髀肉,啖啖肉大滿足!” width=”1200″ height=”800″ /> 台灣香辣三杯雞涮涮鍋
依足台式三杯雞做法,同時加入辣椒乾、紅油及其他香料炮製出麻辣風味,估唔到將台灣 x 四川風味crossover,惹味又刺激!而且全用雞髀肉,啖啖肉大滿足!

新登場湯底冬蔭公鱈場蟹腳海鮮鍋,沿用泰國廚師嘅食譜,用咗香茅、椰奶、青檸等,風味夠晒正宗!每鍋仲放咗450克加拿大野生鱈場蟹腳,非常足料!師傅教路,冬蔭公湯配海鮮最夾!

冬蔭公鱈場蟹腳海鮮鍋<br srcset=
加入香茅、椰奶、青檸等煮成冬蔭公湯,做法正宗,每鍋落重本加入450克鱈場蟹腳,足料推介!” width=”1200″ height=”800″ /> 冬蔭公鱈場蟹腳海鮮鍋
加入香茅、椰奶、青檸等煮成冬蔭公湯,做法正宗,每鍋落重本加入450克鱈場蟹腳,足料推介!

手工、創意、靚食材俱備

絕不將貨就價,從來都係101嘅飲食理念,所以不少食客都對任食放題改觀。佢哋嘅半放題火鍋套餐用嘅都係真材實料,好似肉類就嚴選咗手切安格斯Prime Grade牛頸脊,同西班牙伊比利亞黑毛豬。店主更透露,佢哋不惜工本請專業刀手專責手切肥牛,師傅會按紋路手切,而且採用雙飛切法,灼後保持軟腍爽滑。

手切安格斯Prime Grade牛頸脊肥牛片<br srcset=
雪花豐富而均勻,肉質軟腍嫩滑,入口即溶。” width=”1200″ height=”800″ /> 手切安格斯Prime Grade牛頸脊肥牛片
雪花豐富而均勻,肉質軟腍嫩滑,入口即溶。

至於101特選手工火鍋拼盤,除咗由師傅手工製成,簡直盡顯師傅嘅心思同創意。單係自創嘅墨汁「鳥結糖」同太極冬菇,無論賣相、食材crossover嘅味道都極富新鮮感。自創嘅「鳥結糖」就是將墨魚膠混入墨魚汁,加入冬菇粒和雞軟骨,蒸熟後切件再冷藏,手工、心思俱備!而太極冬菇就分別將黑色嘅墨汁墨魚滑同白色嘅蝦滑釀入冬菇,變成太極鴛鴦色,吸引賣相同味道都有齊!

101特選手工火鍋拼盤<br srcset=
每日由師傅手工製成,台式風味糅合咗創意元素,當中嘅太極冬菇以及由墨汁墨魚膠製成嘅「鳥結糖」最有驚喜!” width=”1200″ height=”800″ /> 101特選手工火鍋拼盤
每日由師傅手工製成,台式風味糅合咗創意元素,當中嘅太極冬菇以及由墨汁墨魚膠製成嘅「鳥結糖」最有驚喜!
左起:手工即炸響鈴卷、手工即炸魚皮<br srcset=
101特別同樹記合作,用原塊腐皮即炸成響鈴,豆味香濃;魚皮亦係即叫即炸,香口鬆脆!” width=”1200″ height=”800″ /> 左起:手工即炸響鈴卷、手工即炸魚皮
101特別同樹記合作,用原塊腐皮即炸成響鈴,豆味香濃;魚皮亦係即叫即炸,香口鬆脆!

台式特飲、酒精任飲

呢度嘅飲品都好有特色又吸睛,顏色、賣相都呃Like度高!特飲好似倒插沙冰、盆栽珍珠奶茶、水果冰茶等,仲有Sangria、cocktail、mocktail、紅白酒、台灣手工啤都有,101仲同啤酒廠合作推出101自家製手工生啤,飲品有數十款,而重點係,全部都可以無限免加錢追加!當中嘅紅酒更係獲RP85評分,白酒亦係店長推介之選,歎住靚酒食火鍋,爽!

倒插沙冰、盆栽珍珠奶茶等特飲、雞尾酒、紅白酒、Sangria、台灣手工啤等全部都係任飲,回本度高!
倒插沙冰、盆栽珍珠奶茶等特飲、雞尾酒、紅白酒、Sangria、台灣手工啤等全部都係任飲,回本度高!

破格摩登設計

101走新派破格路線,裝修設計摩登,銅鑼灣店以雲石同墨綠色為主調,一盞盞金屬燈飾,非常有型,感覺有別於一般火鍋店。全店設有多個卡位,空間感十足,歎火鍋感覺好舒服。店內設有3間VIP房,分別可容納10至16人,其中兩間可打通,最多容納26人,包房開party一流。另有戶外露台,對住維港景飲酒傾偈好寫意。

全店採用摩登設計,墨綠色同雲石主調,配上金色吊燈,別致有型,部分座位可飽覽維港景致。
全店採用摩登設計,墨綠色同雲石主調,配上金色吊燈,別致有型,部分座位可飽覽維港景致。
101銅鑼灣店更設有露台,喺戶外飽覽維港景致,飲酒談天,舒服自在。
101銅鑼灣店更設有露台,喺戶外飽覽維港景致,飲酒談天,舒服自在。

烚時精選

‧ 真材實料:即使係半放題火鍋,亦重本採用高質靚料,如手切安格斯Prime Grade牛頸脊、西班牙伊比利亞黑毛豬等。
‧ 心思創意:師傅花盡心機研製各式火鍋配料,如墨汁「鳥結糖」、太極冬菇,創意、賣相、味道俱備。
‧ 環境摩登:全店走新派破格路線,採用有型摩登西式餐廳設計,打破一般火鍋店沉悶嘅格局。

101手工涮涮鍋

銅鑼灣店:登龍街1-29號金朝陽中心2期29樓(5122 1883)(顯示地圖
手工涮涮鍋半自助晚市放題:星期日至四無限時任飲任食 $398/位;星期五、六及公眾假期前夕 $428/位

尖沙咀店:厚福街9號地下(5399 5188)(顯示地圖

手工涮涮鍋半自助晚市放題:星期一至日(6:30pm-8:50pm;8:55pm-11:30pm,此時段Orion生啤及101自家製手工生啤任飲)$278-$288/位(視乎拼盤款式)
備註:設加一,收現金及信用卡。