蛋糕
蛋糕

新 蛋糕 上市! 栗子+紫薯+金薯共冶一爐 一啖食齊秋天的味道@Dining娜

飲食

廣告

(Presented by Saint Honore)

日本人成日話季節味覺,就係指食材應該跟住季節轉變,不時不食。悶熱的夏天過去,換來清爽的秋天,胃口大開,就算食飽飯,都總是心思思想食甜品。早兩日,行過聖安娜餅屋,見到出~咗~新~蛋~糕,即時心心眼。嘩!原來係秋天最時令嘅法國栗子 蛋糕 ,正!唔係喎!旁邊仲有個紫色的,不得了,係沖繩紫薯金薯忌廉薄脆 蛋糕。點揀好?點揀好?一於買晒番公司,tea time時和同事開心些牙,咪可以試晒兩款口味囉!

食 蛋糕 長知識-薯之疑惑

望到頸長,終於到3點3。先切「沖繩秋意」,沖繩紫薯和金薯蓉旋風狀滿滿地鋪在 蛋糕面,仲加咗朱古力脆珠,顏色悅目。切開一睇,裡面層次分明,好多layer喎!鬆軟嘅 蛋糕夾住紫薯忌廉、金薯忌廉,底層仲有朱古力薄脆,一啖食落去,食到金薯的濃郁同紫薯的細膩,口感豐富。當我一啖接一啖歎緊嘅時候,唔知邊個突然爆咗句:「紫薯同金薯,唔係一樣㗎咩?」秘書Cherry即刻貓頭鷹博士上身:「兩樣嘢嚟㗎!我上次去沖繩,導遊明明話兩樣都係沖繩土特產。」「咁味道有咩唔同先?」突然靜晒。

都係新嚟個trainee醒,即刻Google。原來兩種都係屬甘薯科,紫薯又叫「紅芋」,細細圓圓,似芋頭,皮薄,紫肉粉糯黏身,味道甜甜哋。至於金薯,就薯如其名,日本人叫它「黃金芋」,外皮紫紅,薯肉帶橘紅色,有獨特黏度。一個粉軟,一個甘甜,兩者配埋就至夾喇﹗仲有仲有,點解沖繩出產的特別出名?因為當地日照足,氣候溫和,加上赤土最適合薯類生長,所以不論外形定味道,都比其他地方好。明晒,食件蛋糕都長了知識!

沖繩秋意 ($128/半磅、$218/磅)

集沖繩紫薯和金薯於一身,前者取其香,後者取其甜,薯香濃郁細緻,質地creamy。

切開顏色靚,層次分明, 蛋糕中間夾住紫薯忌廉、金薯忌廉,底層又有薄脆,集香、軟、脆於一身,口感豐富。

啖食齊法國栗子 + 沖繩紫薯 雙重滿足

食完「沖繩秋意」,果然意猶未盡,好彩買埋「法國深秋」,即切!呢個係栗子crossover紫薯,第一啖就食到好濃好香的栗子味,仔細望真,原來都好有層次,栗子蓉同紫薯忌廉下面有鬆軟的朱古力 蛋糕,仲有層次分明的栗子慕絲和紫薯忌廉,同樣都以薄脆墊底,香軟酥脆。「咦!呢款栗子好似特別濃味咁嘅。」突然有人提出,周圍的人紛紛和議。今次我知,叫得「法國深秋」梗係用法國栗子喇!來自法國的栗子又大又圓,同美國栗、日本/韓國栗、中國栗完全唔同,每年9-10月就係當造期,呢種 Castanea Sativa又名 Sweet Chestnut的栗子,味道特別香甜,用來做甜品,無得頂。今次仲同粉嫩的沖繩紫薯mix埋,一啖有齊兩種味道,雙重享受,滋味打孖。

法國深秋($128/半磅)

指明用時令的法國栗子及沖繩紫薯製造,栗子味好香,紫薯又粉糯,味道超match。

今次用朱古力 蛋糕配紫薯和栗子,令整體味道更香濃,連顏色都充滿秋意。

的骰甜點 獨食唔肥

話時話,唔係日日咁多人陪我食蛋糕,好彩,除了磅裝,亦有件裝款式。一樣有齊法國栗子和沖繩紫薯兩款口味,香軟的蛋糕配上栗子蓉/紫薯忌廉,加埋滑溜嘅牛奶慕絲,又香又軟,夾埋個酥脆餅底,perfect!放工一於買幾件返去畀減緊肥嘅細妹先,睇你點忍到口!

沖繩紫薯脆酥 $21

紫薯味同牛奶慕絲的奶香配搭出色,又不會太甜,食一件,當飯後甜品最啱!

法國栗子脆酥 $21

法國栗子蓉零舍香甜,是秋天的專屬味道。

售賣點:全線聖安娜餅店有售

查詢電話:2991 6677

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..