1.希靈魚
香港人應該對希靈魚唔會陌生,因為連「名醬」同「爭先」都好係有得食(好似係)。
係呀,佢就係上面有黃色一粒粒果種希靈魚。
瑞典人對希靈魚嘅著迷簡直係到瘋狂嘅程度,而料理方法有好多種,夏天最常見嘅有腌好一罐罐即食嘅希靈魚。
▲腌還腌,味道都有好多種,我甚至試過咖喱蘋果味等等。
圖中由上至下分別係:芥辣、洋蔥紅蘿蔔、酸忌廉
好老實一句,其實希靈魚都真係ok腥。如果大家心郁郁想試嘅話,三家姐會推介你試芥辣味,比較接近亞洲人口味。
食法好簡單,直接係罐度取出放係碟,唔好翻熱食,再配薯仔就最正宗。
2. 三文魚
喂,三文魚,唔好玩啦,冇人唔識啦。
除咗香港人鐘意食三文魚之外,瑞典人一樣好鐘意!
▲食法同大家所認知嘅都係咁上下,都係煙三文魚、香草三文魚咁。
呢邊D三文主要係挪威進口,可能夠近夠新鮮,呢邊嘅三文魚仿佛真係好味D咁。
雖然料理方法同香港差唔多,但大家嚟到北歐一定要食下。
3.蝦仔
瑞典人係對希靈魚情有獨鐘,但如果你一定要我改個稱號比瑞典人,我會稱佢哋為「蝦之狂熱」。
蝦出現嘅頻律比任何其他海鮮都要密,而且佢哋一食仲會食好多。
▲唔好睇少圖中碟蝦,底下仲要有塊厚包,講真都幾漏。
料理嘅方式其實都係果幾味,有煙薰、香草、沙律醬撈等等。
最主食佢嘅鮮味,我諗。
老實講我覺得香港酒樓果D白灼機圍蝦仲正,可以點辣椒豉油之餘,D蝦仲反而比較有彈性同Juicy。