小孩的 萬聖節黃埔 星際彈彈床 + 層層塔 密會嘩鬼影靚相@Parent婷

10月應該係小朋友最開心嘅日子：國慶有假放，啱啱過咗嘅中秋有燈籠玩，月尾仲有個扮鬼扮馬嘅萬聖節。學校cosplay當然唔少得，連商場都大把嘢玩， 萬聖節黃埔 新天地就喺時尚坊由月中開始每逢星期六、日都會有「星際反斗樂園」，消費一、二百蚊，就有得玩，仲有得參加遊戲攞禮物，小朋友隨時玩到唔肯走。

萬聖節 上太空 搞鬼彈床星際漫遊

一入去時尚方地庫，就見到「星際反斗樂園」場區，當中最搶眼一定係星際彈彈床，布置成三大星球 — 木星、金星和火星，一邊係彈床；另一邊就係軟腍腍嘅南瓜海綿池，小朋友可以好似星際漫遊咁隨意彈跳，又唔怕受傷，最啱一班無時停，坐唔定嘅反斗小鬼。

南瓜層層塔 考臂力贏獎品

一輪熱身後，真正的挑戰終於要來。這個南瓜層層塔要求參加的小朋友在指定時間內，用大鎚有次序地將高塔逐層擊倒。唔容易架﹗考眼界之餘，仲要身手夠敏捷，臂力當然唔少得。成功將層層塔瓦解，就可以得到精美禮物做獎品，加油呀﹗

攞景好位 你要知

玩完兩大遊戲，應該都身水身汗。快啲抹吓汗，梳梳頭，因為仲要影靚相。場內有兩大布景畀大家隨意selfie，想走入太空飛碟做吓駕駛員，得﹗想同太空人一齊感受無重狀態，又得﹗想點影就點影！

嘩鬼巡遊等埋你

在萬聖節臨近的周末(28-29/10)嘅2pm-6pm，仲會有一班可愛嘩鬼巡遊於黃埔新天地內，派糖之餘，會同大家一齊合照，歡迎大鬼、小鬼扮鬼扮馬出場，齊齊玩番餐，過一個熱鬧Halloween。

「黃埔萬聖節–星際反斗樂園」

地址：黃埔新天地時尚坊地庫 (顯示地圖)

開放日期：10月14至15日、21至22日 及28至29日 (星期六及日)

開放時間：1pm – 7pm

參加辦法：

1. 於黃埔新天地任何商舖消費滿港幣200元，憑即日單一機印發票，即可參加「星際彈彈床」乙次。活動每日名額有限，額滿即止。
2. 於黃埔新天地任何商舖消費滿港幣100元，憑即日單一機印發票，即可參加「Pumpkin層層塔」乙次。於指定時間內擊落所有南瓜層層塔，即可獲得精美小禮品乙份。活動每日名額有限，額滿即止。