音樂串流Apps 學生餐 | 邊家至抵又啱聽? 最平$0.8/日＠Miss Sunny
做學生食飯有學生餐、唱K有學生優惠、睇電影都有學生價……優惠特別多，原來除了這些，連音樂平台也有學生餐！對於手機、耳機不離身，去到任何地方都要聽歌的學生哥，一個抵玩又好用的手機 音樂串流Apps 是必備的，等Miss Sunny我同大家分析一下。對比 4 個不同品牌，學生哥用邊隻 音樂串流Apps 至著數，邊隻Apps的歌至啱聽。
串流音樂平台對決
| MOOV | KKbox | Spotify | Apple Music | |
| 學生優惠 | 平均$24/月 | $294/360日 | $29/月 | $25/月 |
| 音樂風格 | 主打本地、華語、K-Pop、英美歌曲日日更新，未出碟派台歌 | 主打日韓台及華語歌曲 | 以歐美歌曲為主 | 專業DJ電台， 較少華語歌曲 |
| 影視庫 | 近500個演唱會及獨家韓國演唱會片段，提供1080p高清MV | 華語演唱會片段為主，畫質為720p | — | 自家音樂節內容 畫質為720p |
| 離線收聽 | 可以 | 可以 | 可以 | 可以 |
| 歌詞同步 | 可以 | 可以 | 可以 | 可以 |
| 歌詞快拍 | 可選取心水歌詞連心水相片，分享予朋友/社交網站上 | 無 （只限手機快拍功能） | 無 （只限手機快拍功能） | 無（只限手機快拍功能） |
|
最高音質 （付費版） |
1411kbps FLAC Hi-Fi無損音樂 |
320kbps AAC | 320kbps AAC | 256kbps AAC |
| 其他附設功能 | 跑動音樂 音樂自療 |
與名人線上一起聽 | — | — |
音樂平台最抵學生餐！
對比四大平台，MOOV的「學生餐」平均$24/月，同食個Canteen 頹飯差不多價錢，除番開每日平均都只是$0.8，就可以無限量聽盡中西日韓音樂，其音樂服務可以預先下載歌曲至手機，隨時隨地都可以離線聽歌，不會浪費數據。 台灣過江龍KKbox 學生餐則是$294/360日，除開雖則價錢差不多，$0.82/日，但就需要一次過支付$294，對比之下，MOOV 收費模式較有彈性。對於收入有限的學生哥而言，負擔相對無咁大。而Apple MUSIC學生餐月費相若，為$25/月，Spotify 就貴少少，$29/月。
登記過程，最緊要Easy！
登記學生餐優惠，最緊要Easy，太煩複你同我都會卻步。各大品牌的登記所需資料都大同小異，一張學生證加信用卡就得。MOOV一條龍登記過程，付款同時上載有效的學生身份證明文件。KKbox 就付款後，15天內到會員中心，再上載學生證。核實身份後，便可獲豁免服務生效起第7-12個月的月費！登記Apple MUSIC 就要留意，同學需要先登記學生會員資格，透過UNiDAYS驗證，即用大學電郵完成登記及以大學WiFi連線，登記完才可享優惠月費。
潮流興乜嘢歌？ K-Pop、本地歌邊個至新至齊？
最近有網民出咗篇《原來而家嘅中學生已經唔識周杰倫》嘅文，呢個年代嘅後生仔都鍾意聽K-Pop、本地歌，識周子瑜、G-Dragon、JW、小塵埃多過周杰倫。打開你用緊的音樂App，如果無最新派台歌，證明你唔入流啦! Miss Sunny就測試各大平台的音樂庫，K-Pop同本地派台歌就以 MOOV 同 KKbox上得較快較齊。上星期《使徒行者2》未開播，片頭片尾歌在兩個平台上都已經有得聽。K-Pop方面，MOOV就有較完整韓劇OST歌單，仔細再睇下好多都有中文韓文並列歌詞，真抵讚！
附加功能多籮籮 跑動音樂、音樂自療
比較完月費、歌曲之後，就係附加功能，在同一樣月費下，希望獲得更多，就係人都想。音質方 面，普遍 音樂串流Apps 播放的音樂是數碼格式（例如 MP3 及 AAC 等），而 MOOV 提供的最高音質是Hi-Fi無損格式，相當於CD音質。除Hi-Fi音質外，鍾意邊運動邊聽歌的同學仔，可以用 MOOV「跑動音樂」模式，根據運動類型及節奏派歌。讀書考試梗有壓力，要紓緩緊張情緒，可以考慮用「音樂自療」模式，聽下歌放鬆下。而 KKbox 就有「一起聽」功能，可以同名人一齊線上聽歌及互動。各個平台都希望透過更多的功能畀用家更好的聽歌體驗，至於，啱唔啱使就睇個人喜好啦！多總好過無。
MOOV學生優惠（平均$24/月，即$0.8/日）
優惠期：由即日起至2017年12月31日
詳情： https://goo.gl/TfkYif
無學生證，又想享受聽音樂嘅好處及著數，可以點擊以下連結，了解更多:https://goo.gl/SBaJcW
